വസ്തു നികുതി; പോരടിച്ച് നഗരസഭയിലെ ഭരണ-പ്രതിപക്ഷം

തൃ​ശൂ​ർ: വ​സ്തു നി​കു​തി പ​രി​ഷ്ക​ര​ണ സം​ബ​ന്ധി​ച്ച് പ​ര​സ്പ​രം പോ​ര​ടി​ച്ച് തൃ​ശൂ​ർ ന​ഗ​ര​സ​ഭ​യി​ലെ ഭ​ര​ണ-​പ്ര​തി​പ​ക്ഷം. കൗ​ൺ​സി​ൽ യോ​ഗ​ത്തി​ൽ ഹൈ​കോ​ട​തി ഉ​ത്ത​ര​വി​നെ​തി​രെ അ​പ്പീ​ൽ പോ​ക​ണ​മെ​ന്ന് മേ​യ​ർ എം.​കെ. വ​ർ​ഗീ​സി​ന്റെ നി​ല​പാ​ടി​നെ​തി​രെ പ്ര​തി​പ​ക്ഷം ഒ​ന്ന​ട​ങ്കം ശ​ക്ത​മാ​യി പ്ര​തി​ഷേധി​ച്ചു.

ഹൈ​കോ​ട​തി ഉ​ത്ത​ര​വി​നെ​തി​രെ അ​പ്പീ​ൽ ന​ൽ​ക​രു​തെ​ന്നും ലോ​ക്ക​ൽ ഫ​ണ്ട് ഡ​യ​റ​ക്ട​ർ സ​മ​യ​ബ​ന്ധി​ത​മാ​യി സ്പെ​ഷ​ൽ ഓ​ഡി​റ്റ് ന​ട​ത്ത​ണ​മെ​ന്നും ന​ഗ​ര​സ​ഭ പ്ര​തി​പ​ക്ഷ നേ​താ​വ് രാ​ജ​ന്‍ പ​ല്ല​ന്‍ ആ​വ​ശ്യ​പ്പെ​ട്ടു. ആ​ർ​ക്കും ബാ​ധ്യ​ത വ​രാ​തെ മു​ന്നോ​ട്ടു​പോ​ക​ണ​മെ​ന്ന് മേ​യ​റു​ടെ നി​ർ​ദേ​ശ​വും പ്ര​തി​പ​ക്ഷം ത​ള്ളി. ഇ​തോ​ടെ ന​ഗ​ര​സ​ഭ​യു​ടെ വ​സ്തു​നി​കു​തി പ്ര​ശ്നം അ​തി​സ​ങ്കീ​ർ​ണ​മാ​യി.

തെ​രു​വു​വി​ള​ക്ക് പരിപാലനം; ക​രാ​ർ ന​ൽ​കാൻ തീരുമാനം

ക​ഴി​ഞ്ഞ ഒ​രു​മാ​സ​ക്കാ​ല​മാ​യി മു​ട​ങ്ങി​ക്കി​ട​ക്കു​ന്ന തെ​രു​വു​വി​ള​ക്ക് പ​രി​പാ​ല​നം പു​തി​യ ക​രാ​റു​കാ​ര​നെ ഏ​ല്‍പി​ക്കു​ന്ന​തി​ന് തീ​രു​മാ​നി​ച്ചു. അ​ക്ര​മ​കാ​രി​ക​ളാ​യ കാ​ട്ടു​പ​ന്നി​ക​ളെ നി​യ​മ​പ്ര​കാ​രം ഷൂ​ട്ട് ചെ​യ്യു​ന്ന​തി​ന് ര​ണ്ട് ഷൂ​ട്ട​ര്‍മാ​ര്‍ക്കു​കൂ​ടി അം​ഗീ​കാ​രം ന​ല്‍കു​ന്ന​തി​നും അം​ഗീ​കാ​രം ന​ൽ​കി.

ലാ​ലൂ​രി​ല്‍ പു​തി​യ​താ​യി സ്ഥാ​പി​ക്കു​ന്ന കോ​ര്‍പ​റേ​ഷ​ന്‍ വൈ​ദ്യു​തി വി​ഭാ​ഗ​ത്തി​ന്റെ 110 കെ.​വി സ​ബ് സ്റ്റേ​ഷ​ന് കെ.​എ​സ്.​ഇ.​ബി​യി​ല്‍നി​ന്ന് വൈ​ദ്യു​തി ക​ണ​ക്ഷ​ന്‍ ല​ഭ്യ​മാ​ക്കാ​ന്‍ നാ​ല് കോ​ടി രൂ​പ അ​നു​വ​ദി​ക്കു​ന്ന​തി​നും ഉ​ള്‍പ്പെ​ടെ​യു​ള്ള 102 അ​ജ​ണ്ട​ക​ളി​ല്‍ ച​ര്‍ച്ച​ക​ള്‍ക്കു​ശേ​ഷം തീ​രു​മാ​ന​മെ​ടു​ത്തു.

ന​ഗ​ര​സ​ഭ​ക്ക് ന​ഷ്ടം വ​രാ​ത്ത​വി​ധ​ം തീ​രു​മാ​നമെ​ടു​ക്ക​ണം -ഭ​ര​ണ​പ​ക്ഷം

ഹൈ​കോ​ട​തി ഉ​ത്ത​ര​വി​നെ​തി​രെ അ​പ്പീ​ൽ പോ​ക​ണ​മെ​ന്നാ​ണ് ഭ​ര​ണ​പ​ക്ഷ കൗ​ൺ​സി​ല​ർ​മാ​രു​ടെ നി​ല​പാ​ട്. ന​ഗ​ര​സ​ഭ​ക്ക് ന​ഷ്ടം വ​രാ​ത്ത വി​ധ​ത്തി​ൽ തീ​രു​മാ​നം എ​ടു​ക്ക​ണം. ഹൈ​കോ​ട​തി​യു​ടെ ഡി​വി​ഷ​ന്‍ ബ​ഞ്ചി​ന്റെ വി​ധി​യി​ല്‍ 2013ലെ ​നി​കു​തി പ​രി​ഷ്ക​ര​ണം ന​ട​ത്തു​മ്പോ​ള്‍ പാ​ലി​ക്കേ​ണ്ട​താ​യ ന​ട​പ​ടി ക്ര​മ​ങ്ങ​ള്‍ പാ​ലി​ച്ചി​ട്ടി​ല്ലെ​ന്നാ​ണ് ചൂ​ണ്ടി​ക്കാ​ണി​ച്ച​ത്. അ​തി​ല്‍ ഏ​റ്റ​വും പ്ര​ധാ​ന​പ്പെ​ട്ട​ത് 2013ലെ ​നി​കു​തി പ​രി​ഷ്ക​ര​ണ​ത്തി​ന്റെ ഭാ​ഗ​മാ​യി വ​സ്തു​നി​കു​തി വ​ർ​ധ​ന​വി​ന്റെ തീ​രു​മാ​നം ഫൈ​ന​ല്‍ ആ​യി കൗ​ണ്‍സി​ല്‍ അം​ഗീ​ക​രി​ച്ച​ത് പ​ത്ര​പ​ര​സ്യം വ​ഴി അ​ന്ന​ത്തെ കോ​ര്‍പ​റേ​ഷ​ന്‍ ഭ​ര​ണാ​ധി​കാ​രി​ക​ള്‍ പ്ര​സി​ദ്ധീ​ക​രി​ച്ചി​ട്ടി​ല്ലെ​ന്ന​താ​ണ്.

ഇ​ത് അ​ന്ന​ത്തെ കൗ​ൺ​സി​ലി​ന്റെ വീ​ഴ്ച​യാ​ണ്. ന​ഗ​ര​സ​ഭ പി​രി​ച്ച 71 കോ​ടി ജ​ന​ങ്ങ​ൾ​ക്ക് തി​രി​ച്ചു​കൊ​ടു​ക്കാ​നാ​വി​ല്ല. ഇ​പ്പോ​ഴ​ത്തെ കോ​ട​തി ഉ​ത്ത​ര​വ് അം​ഗീ​ക​രി​ച്ചാ​ൽ 71 കോ​ടി തി​ര​ച്ച് കൊ​ടു​ക്കേ​ണ്ടി വ​രും. ലോ​ക്ക​ൽ ഫ​ണ്ട് ഡ​യ​റ​ക്ട​ർ ഓ​ഡി​റ്റ് ന​ട​ത്തി​യാ​ൽ ന​ഗ​ര​സ​ഭ​യു​ടെ ത​ല​യി​ൽ വ​രും. നി​യ​മ​പ​ര​മാ​യ ന​ട​പ​ടി​ക​ൾ നി​യ​മ​പ​ര​മാ​യി പ​രി​ഹ​രി​ക്ക​ണം.

അ​തി​ന് ഹൈ​കോ​ട​തി ഉ​ത്ത​ര​വി​നെ​തി​രെ നി​യ​മ​ന​ട​പ​ടി​ക​ള്‍ സ്വീ​ക​രി​ക്കാ​ന്‍ കോ​ര്‍പ​റേ​ഷ​ന്‍ സെ​ക്ര​ട്ട​റി​യെ ചു​മ​ത​ല​പ്പെ​ടു​ത്തു​ന്ന​തി​ന് കൗ​ൺ​സി​ൽ അ​നു​മ​തി ന​ൽ​ക​ണം. 2019ൽ ​നി​കു​തി വ​ർ​ധി​പ്പി​ച്ചി​ട്ടി​ല്ല. 2019ലെ ​സ​ർ​ക്കാ​ർ ഉ​ത്ത​ര​വി​ൽ 2016 മു​ത​ലു​ള്ള നി​കു​തി പി​രി​ക്കാ​ൻ പ​റ​ഞ്ഞു. അ​ത​നു​സ​രി​ച്ചാ​ണ് ന​ഗ​ര​സ​ഭ പ്ര​വ​ർ​ത്തി​ച്ച​ത്. നി​കു​തി പി​രി​ക്കു​ന്ന​തി​നെ​തി​രെ 198 പേ​രാ​ണ് കോ​ട​തി​യി​ൽ പോ​യ​ത്. കോ​ട​തി അ​വ​ർ​ക്ക് അ​നു​കൂ​ല​മാ​യി. നി​കു​തി പി​രി​വ് പൂ​ർ​ത്തീ​ക​രി​ക്കാ​ത്ത​തി​ന്റെ ഉ​ത്ത​ര​വാ​ദി​ത്തം എ​ൽ.​ഡി.​എ​ഫ് ഏ​റ്റെ​ടു​ക്കു​ന്നു. പ്ര​ള​യ​വും കോ​വി​ഡും വ​ന്ന​തി​നാ​ൽ നി​കു​തി പി​രി​ക്കാ​ൻ ക​ഴി​ഞ്ഞി​ല്ല.

സ​മ​ഗ്ര അ​ന്വേ​ഷ​ണം വേണം -പ്ര​തി​പ​ക്ഷം

ഹൈ​കോ​ട​തി പൊ​തു​വി​ധി അം​ഗീ​ക​രി​ക്കു​ക​യും കോ​ർ​പ​റേ​ഷ​ൻ ഉ​ണ്ടാ​യി​ട്ടു​ള്ള ന​ഷ്ടം ആ​രു​ടെ വീ​ഴ്ച കൊ​ണ്ടാ​ണെ​ന്ന് അ​റി​യു​ന്ന​തി​നും എ​ത്ര സാ​മ്പ​ത്തി​ക ന​ഷ്ടം തി​രി​ച്ച​റി​യു​ന്ന​തി​നും സ​മ​ഗ്ര അ​ന്വേ​ഷ​ണം ആ​വ​ശ്യ​മാ​ണെ​ന്ന് പ്ര​തി​പ​ക്ഷ നേ​താ​വ് അ​റി​യി​ച്ചു. ലോ​ക്ക​ൽ ഫ​ണ്ട് ഓ​ഡി​റ്റ് ഡ​യ​റ​ക്ട​ർ സ്പെ​ഷ​ൽ ഓ​ഡി​റ്റ് ന​ട​ത്ത​ണ​മെ​ന്നാ​ണ് അ​ദ്ദേ​ഹം ആ​വ​ശ്യ​പ്പെ​ടു​ന്ന​ത്.

ഹൈ​കോ​ട​തി വി​ധി​ക്കെ​തി​രെ സു​പ്രീം​കോ​ട​തി​യി​ൽ അ​പ്പീ​ൽ പോ​കാ​ൻ പാ​ടി​ല്ലെ​ന്നും ആ​വ​ശ്യ​പ്പെ​ട്ടു. ജ​ന​ങ്ങ​ളു​ടെ കൈ​യി​ൽ​നി​ന്ന് നി​യ​മ​വി​രു​ദ്ധ​മാ​യി ഈ​ടാ​ക്കി​യ തു​ക നി​കു​തി തി​രി​ച്ചു​ന​ൽ​ക​ണം. ഹൈ​കോ​ട​തി ഉ​ത്ത​ര​വു​പ്ര​കാ​രം 2011ലെ ​കേ​ര​ള മു​നി​സി​പ്പ​ൽ നി​യ​മ​ത്തി​ന് വി​ധേ​യ​മാ​യി വ​സ്തു നി​കു​തി പി​രി​ക്കു​ന്ന​തി​ന് നി​യ​മ​പ​ര​മാ​യി ന​ട​പ​ടി​ക​ൾ സ്വീ​ക​രി​ക്ക​ണ​മെ​ന്നും ആ​വ​ശ്യ​പ്പെ​ട്ടു.

ലോ​ക്ക​ൽ ഫ​ണ്ട് ഓ​ഡി​റ്റ് ഡ​യ​റ​ക്ട​ർ അ​ന്വേ​ഷ​ണം ന​ട​ത്തി​യാ​ൽ എ​ൽ.​ഡി.​എ​ഫ് പ്ര​തി കൂ​ട്ടി​ലാ​വും. സ്പെ​ഷ​ൽ ഓ​ഡി​റ്റ് സ​മ​യ​ബ​ന്ധി​ത​മാ​യി ന​ട​ത്ത​ണം. ഇ​ക്കാ​ര്യ​ത്തി​ൽ 10 വ​ർ​ഷം എ​ൽ.​ഡി.​എ​ഫ് ഒ​ന്നും ചെ​യ്തി​ല്ല. 10 വ​ർ​ഷ​ത്തെ ഉ​ത്ത​ര​വാ​ദി​ത്തം മേ​യ​റും ഭ​ര​ണ​പ​ക്ഷ​വും ഏ​റ്റെ​ടു​ക്ക​ണം. യു.​ഡി.​എ​ഫ് നാ​ലാ​മ​ത്തെ കു​റ്റ​വാ​ളി​യെ​ങ്കി​ൽ എ​ൽ.​ഡി.​എ​ഫു​കാ​ർ 10 വ​ർ​ഷ​ത്തെ കു​റ്റ​വാ​ളി​യാ​ണെ​ന്നും അ​ദ്ദേ​ഹം അ​ദ്ദേ​ഹം പ​റ​ഞ്ഞു.