കുളത്തിൽ വീണ കൂട്ടുകാരനെ രക്ഷിച്ച എട്ടാം ക്ലാസുകാരന്​ നാടിന്‍റെ ആദരം

അ​ന്തി​ക്കാ​ട്: കാ​ൽ​തെ​റ്റി ക്ഷേ​ത്ര​ക്കു​ള​ത്തി​ൽ വീ​ണ കൂ​ട്ടു​കാ​ര​നെ ജീ​വ​ൻ പ​ണ​യം വെ​ച്ച് ര​ക്ഷി​ച്ച എ​ട്ടാം ക്ലാ​സു​കാ​ര​ന് നാ​ടി​ന്‍റെ ആ​ദ​രം. മു​റ്റി​ച്ചൂ​ർ കാ​ര​യി​ൽ ബി​ജോ​യു​ടെ മ​ക​ൻ ദേ​വാ​ന​ന്ദ് (13) ആ​ണ് കാ​ഞ്ഞി​ര​ത്തി​ങ്ക​ൽ ഹേ​മ​ന്ദി​ന്‍റെ മ​ക​ൻ ആ​ഷി​ക്കി​നെ ര​ക്ഷി​ച്ച​ത്. ഞാ​യ​റാ​ഴ്ച ഇ​രു​വ​രും ഫു​ട്ബാ​ൾ ക​ളി ക​ഴി​ഞ്ഞ് വൈ​കീ​ട്ട് 4.30ഓ​ടെ​യാ​ണ്​ മു​റ്റി​ച്ചൂ​ർ അ​യ്യ​പ്പ ക്ഷേ​ത്ര​ക്കു​ള​ത്തി​ൽ ഇ​റ​ങ്ങി​യ​ത്. നീ​ന്താ​ൻ അ​റി​യാ​ത്ത ആ​ഷി​ക്ക് കാ​ൽ വ​ഴു​തി കു​ള​ത്തി​ലേ​ക്ക് വീ​ഴു​ക​യാ​യി​രു​ന്നു.

ആ​ഷി​ക്ക് മു​ങ്ങി താ​ഴു​ന്ന​ത് ക​ണ്ട​തോ​ടെ ദേ​വാ​ന​ന്ദ് കു​ള​ത്തി​ലേ​ക്ക് ചാ​ടി ക​ര​ക്കെ​ത്തി​ക്കു​ക​യാ​യി​രു​ന്നു. ര​ക്ഷാ​പ്ര​വ​ർ​ത്ത​ന​ത്തി​നി​ടെ ദേ​വാ​ന​ന്ദി​ന്‍റെ മൊ​ബൈ​ൽ ഫോ​ൺ വെ​ള്ള​ത്തി​ൽ വീ​ണു.

ദേ​വാ​ന​ന്ദ് ഈ​യി​ടെ​യാ​ണ് നീ​ന്ത​ൽ പ​ഠി​ച്ച​ത്. സം​ഭ​വം അ​റി​ഞ്ഞ​തോ​ടെ ദേ​വാ​ന​ന്ദി​നെ നാ​ട്ടു​കാ​രും ക്ഷേ​ത്ര ക​മ്മി​റ്റി​യും അ​ഭി​ന​ന്ദി​ച്ചു. അ​ന്തി​ക്കാ​ട് ഹൈ​സ്കൂ​ളി​ൽ എ​ട്ടാം ക്ലാ​സ് വി​ദ്യാ​ർ​ഥി​യാ​ണ് ദേ​വാ​ന​ന്ദ്. ആ​ഷി​ക്ക് പു​ത്ത​ൻ പീ​ടി​ക സ്കൂ​ളി​ലെ ഏ​ഴാം ക്ലാ​സ് വി​ദ്യാ​ർ​ഥി​യാ​ണ്.