മ​ല​യോ​രം ചോ​ദി​ക്കു​ന്നു, ഇ​വി​ടെ അ​ന്തി​യു​റ​ങ്ങു​ന്ന​വ​ന്റെ ജീ​വ​ന്‍ ആ​ര് സം​ര​ക്ഷി​ക്കും

തൃ​ശൂ​ര്‍: ഒ​രു ചെ​റി​യ ശ​ബ്ദം കേ​ട്ടാ​ല്‍പോ​ലും ഞെ​ട്ടി​യു​ണ​ര്‍ന്ന് വി​ള​ക്ക് തെ​ളി​യി​ച്ച് ജ​നാ​ല​പ​ഴു​തി​ലൂ​ടെ നോ​ക്കി ആ​ശ​ങ്ക​പ്പെ​ടു​ന്ന മ​ല​യോ​ര ജ​ന​ത ചോ​ദി​ക്കു​ന്നു, ഇ​വി​ടെ അ​ന്തി​യു​റ​ങ്ങു​ന്ന​വ​​ന്റെ ജീ​വ​ൻ ആ​ര് സം​ര​ക്ഷി​ക്കും. വ​ന​ത്തി​ന്റെ ഭീ​ക​ര​മു​ഖം പാ​തി​മ​യ​ക്ക​ത്തി​ലും സ്വ​പ്‌​നം കാ​ണു​ന്ന​വ​ന്റെ ആ​കു​ല​ത​ക​ള്‍ അ​ധി​കൃ​ത​ർ മ​റ​ന്നു​പോ​കു​ന്നു എ​ന്ന പ​രാ​തി​യാ​ണ് ജി​ല്ല​യു​ടെ വ​ന​മേ​ഖ​ല​യോ​ട് ചേ​ര്‍ന്ന് ക​ഴി​യു​ന്ന ഒ​രോ കു​ടും​ബ​ത്തി​നും പ​റ​യാ​നു​ള്ള​ത്. ഉ​ത്ത​ര​മി​ല്ലാ​ത്ത ചോ​ദ്യം സ്വ​യം ചോ​ദി​ച്ച് ക​ഴി​യു​ന്ന മ​നു​ഷ്യ​രു​ടെ വീ​ടു​ക​ളി​ലേ​ക്ക് വോ​ട്ട് ചോ​ദി​ച്ച് വ​രു​ന്ന​വ​രോ​ട് എ​ന്ത് മ​റു​പ​ടി പ​റ​യ​ണം എ​ന്ന​റി​യാ​തെ നി​സ്സ​ഹാ​യ​രാ​വു​ക​യാ​ണ് ജി​ല്ല​യു​ടെ മ​ല​യോ​ര ഗ്രാ​മ​ങ്ങ​ള്‍.

വാ​ണി​യം​പാ​റ​യി​ല്‍നി​ന്ന് തു​ട​ങ്ങി മ​ല​യോ​ര മേ​ഖ​ല​ക​ളി​ലൂ​ടെ കു​തി​രാ​ന്‍ ക​ട​ന്ന് പീ​ച്ചി ഡാം ​വൃ​ഷ്ടി പ്ര​ദേ​ശ​ത്തി​ലൂ​ടെ ക​ണ്ണാ​റ -പു​ത്തൂ​ര്‍ മാ​ന്ദാ​മം​ഗ​ലം വ​ഴി ക​ല്ലൂ​രി​ലൂ​ടെ പാ​ല​പ്പി​ള്ളി​യി​ലേ​ക്കും തു​ട​ര്‍ന്ന് വെ​ള്ളി​കു​ള​ങ്ങ​ര ര​ണ്ട​ക്കൈ വ​ഴി ചാ​ല​ക്കു​ടി വ​രെ എ​ത്തു​മ്പോ​ള്‍ ഈ ​മേ​ഖ​ല​യി​ല്‍ താ​മ​സി​ക്കു​ന്ന എ​ല്ലാ​വ​രു​ടെ​യും മു​ഖ്യ​പ്ര​ശ്‌​നം വ​ന്യ​മൃ​ഗ​ങ്ങ​ള്‍ ത​ന്നെ. വ​ന്യ​മൃ​ഗ​ങ്ങ​ൾ സം​ര​ക്ഷി​ക്ക​പ്പെ​ടേ​ണ്ട​താ​ണെ​ന്ന് മ​ല​യോ​ര ക​ര്‍ഷ​ക​ര്‍ക്കും അ​ഭി​പ്രാ​യ​മു​ണ്ട്.

എ​ന്നാ​ല്‍, മ​നു​ഷ്യ​നും ജീ​വി​ക്കാ​നു​ള്ള അ​വ​കാ​ശ​മി​ല്ലേ എ​ന്ന ചോ​ദ്യ​മാ​ണ് മ​ല​യോ​ര ക​ര്‍ഷ​ക​ര്‍ ഉ​യ​ര്‍ത്തു​ന്ന​ത്. ഇ​തി​ന് പ​രി​ഹാ​രം കാ​ണാ​ന്‍ ക​ഴി​യു​ന്ന​വ​ര്‍ മാ​ത്രം വോ​ട്ട് തേ​ടി എ​ത്തി​യാ​ല്‍ മ​തി​യെ​ന്ന് മ​ല​യോ​ര​ഗ്രാ​മ​ങ്ങ​ൾ പ​റ​യു​ന്നു. കു​തി​രാ​ന്‍ പീ​ച്ചി മേ​ഖ​ല​യി​ല്‍ ആ​ന​ക​ളു​ടെ ശ​ല്യ​മാ​ണ് മു​ഖ്യ​മാ​യു​ള്ള​ത്. ഒ​പ്പം കാ​ട്ടു​പ​ന്നി, മ​ല​യ​ണ്ണാ​ന്‍ തു​ട​ങ്ങി​യ മൃ​ഗ​ങ്ങ​ളു​ടെ ആ​ക്ര​മ​ണ​വും കൂ​ടി​യാ​കു​മ്പോ​ള്‍ കൃ​ഷി​യി​റ​ക്കാ​ന്‍ ക​ഴി​യാ​ത്ത അ​വ​സ്ഥ​യാ​ണ്. ഇ​നി പീ​ച്ചി ക​ട​ന്ന് പാ​ല​പ്പി​ള്ളി​യി​ലേ​ക്ക് പോ​യാ​ല്‍ പു​ലി​യാ​ണ് വി​ല്ല​ൻ. വ​ള​ര്‍ത്തു​മൃ​ഗ​ങ്ങ​ളും മ​നു​ഷ്യ​രും ഇ​ര​ക​ളാ​ണ്.

ക​ഴി​ഞ്ഞ ദി​വ​സ​മാ​ണ് മ​ല​ക്ക​പ്പാ​റ​യി​ല്‍ കു​ട്ടി​യെ പു​ലി കൊ​ന്ന​ത്. നി​ര്‍ധ​ന​രാ​യ അ​ന്ത​ർ​സം​സ്ഥാ​ന തൊ​ഴി​ലാ​ളി കു​ട്ടി​ക​ളു​ടെ ജീ​വ​ന് വി​ല​ക​ൽ​പി​ക്കാ​ത്ത അ​വ​സ്ഥ​യാ​ണ്.

വ​ന്യ​മൃ​ഗ​ങ്ങ​ളെ പ​റ്റി പ​രാ​തി ഉ​യ​ര്‍ന്നാ​ല്‍ അ​ടു​ത്ത ദി​വ​സം വ​നം വ​കു​പ്പ് ഉ​ദ്യോ​ഗ​സ്ഥ​ര്‍ വ​ന്ന് സ്ഥ​ലം സ​ന്ദ​ര്‍ശി​ച്ച് ആ​ശ്വ​സി​പ്പി​ച്ച് സ്ഥ​ലം വി​ടു​ന്ന​തി​ല്‍ ക​വി​ഞ്ഞ് ഒ​ന്നും സം​ഭ​വി​ക്കാ​താ​യി​ട്ട് വ​ര്‍ഷ​ങ്ങ​ളാ​യി. വ​ന്യ​മൃ​ഗ​ശ​ല്യ​ത്തി​ന് പു​റ​മേ​യാ​ണ് പ്ര​കൃ​തി ദു​ര​ന്ത​ങ്ങ​ള്‍, വെ​ള്ള​പ്പൊ​ക്കം തു​ട​ങ്ങി​യ വി​ഷ​യ​ങ്ങ​ൾ. എ​ല്ലാം തീ​ര്‍ന്ന് വ​രു​മ്പോ​ള്‍ മി​ച്ച​മൊ​ന്നും ഇ​ല്ലാ​ത്ത അ​വ​സ്ഥ. എ​ല്ലു​മു​റി​യെ പ​ണി​യെ​ടു​ത്താ​ലും വ​യ​റ് നി​റ​യെ ഭ​ക്ഷ​ണം കി​ട്ടാ​ത്ത അ​വ​സ്ഥ​യി​ലാ​ണ് മ​ല​യോ​ര ക​ര്‍ഷ​ക​ര്‍.

വ​നാ​തി​ര്‍ത്തി​യി​ലെ വൈ​ദ്യു​തി വേ​ലി​ക​ള്‍ പ്ര​വ​ര്‍ത്തി​പ്പി​ക്കു​ക, ത​ക​ർ​ന്ന ഭാ​ഗ​ങ്ങ​ളി​ല്‍ പു​തി​യ​വ സ്ഥാ​പി​ക്കു​ക, കി​ട​ങ്ങ് ഒ​രു​ക്കു​ക, നാ​ശ​ന​ഷ്ടം സം​ഭ​വി​ക്കു​ന്ന ക​ര്‍ഷ​ക​ര്‍ക്ക് സ​ഹാ​യ​ധ​നം കൃ​ത്യ​മാ​യി എ​ത്തി​ക്കു​ക എ​ന്നീ അ​ടി​സ്ഥാ​ന സൗ​ക​ര്യ​ങ്ങ​ളെ​ങ്കി​ലും ല​ഭി​ക്ക​ണം എ​ന്നാ​ണ് മ​ല​യോ​ര ക​ര്‍ഷ​ക​രു​ടെ ആ​വ​ശ്യം.