മുക്കുപണ്ടം പണയംവെച്ച് പണം തട്ടിയയാൾ അറസ്റ്റിൽ

ആ​മ്പ​ല്ലൂ​ർ: മുക്കുപണ്ടം പ​ണ​യം​വെ​ച്ച് വ​ൻ​തു​ക ത​ട്ടി​യ​യാ​ളെ പു​തു​ക്കാ​ട് പൊ​ലീ​സ് പി​ടി​കൂ​ടി. ചി​റ്റി​ശ്ശേ​രി ക​രു​വാ​ൻ വീ​ട്ടി​ൽ ജ​യ​രാ​ജാ​ണ് (44) അ​റ​സ്റ്റി​ലാ​യ​ത്. ഫെ​ബ്രു​വ​രി ര​ണ്ടി​നാ​യി​രു​ന്നു കേ​സി​നാ​സ്പ​ദ​മാ​യ സം​ഭ​വം. പാ​ഴാ​യി​യി​ലെ സ്വ​ർ​ണ പ​ണ​യ സ്ഥാ​പ​ന​ത്തി​ൽ 23 ഗ്രാം ​വ​രു​ന്ന വ്യാ​ജ സ്വ​ർ​ണ​മാ​ല പ​ണ​യം​വെ​ച്ച് 92,000 രൂ​പ ത​ട്ടി​യെ​ന്നാ​ണ് കേ​സ്.

വ്യാ​ജ വി​ലാ​സ​വും തി​രി​ച്ച​റി​യ​ൽ രേ​ഖ​ക​ളും ന​ൽ​കി​യാ​ണ് ഇ​യാ​ൾ ആ​ഭ​ര​ണം പ​ണ​യം വെ​ച്ച​ത്. പ്ര​തി പ​ണ​വു​മാ​യി പോ​യ​ശേ​ഷം സം​ശ​യം തോ​ന്നി​യ സ്ഥാ​പ​ന​ത്തി​ലെ ജീ​വ​ന​ക്കാ​ര​ൻ മാ​ല വീ​ണ്ടും പ​രി​ശോ​ധി​ക്കു​ക​യാ​യി​രു​ന്നു. മെ​ഷീ​ൻ ഉ​പ​യോ​ഗി​ച്ച് പ​രി​ശോ​ധി​ച്ചി​ട്ടും ഉ​ര​ച്ചു നോ​ക്കി​യി​ട്ടും പെ​ട്ടെ​ന്ന് തി​രി​ച്ച​റി​യാ​ൻ ക​ഴി​യാ​ത്ത വി​ധ​മാ​ണ് ആ​ഭ​ര​ണം നി​ർ​മി​ച്ചി​രു​ന്ന​ത്.

ഉ​ട​ൻ പ്ര​തി​യു​ടെ സി.​സി.​ടി.​വി ദൃ​ശ്യ​ങ്ങ​ൾ സ​ഹി​തം പു​തു​ക്കാ​ട് പൊ​ലീ​സി​ൽ പ​രാ​തി ന​ൽ​കി. മ​റ്റൊ​രാ​ൾ​ക്ക് വേ​ണ്ടി​യാ​ണ് പ്ര​തി ആ​ഭ​ര​ണം പ​ണ​യം വെ​ച്ച​തെ​ന്നും കേ​സി​ൽ കൂ​ടു​ത​ൽ പേ​ർ ഉ​ൾ​പ്പെ​ട്ടി​ട്ടു​ണ്ടെ​ന്നും പൊ​ലീ​സ് പ​റ​യു​ന്നു.

പ്ര​തി​ക​ൾ മ​റ്റി​ട​ങ്ങ​ളി​ൽ ഇ​ത്ത​ര​ത്തി​ൽ മു​ക്കു​പ​ണ്ടം പ​ണ​യം വെ​ച്ചി​ട്ടു​ണ്ടോ​യെ​ന്ന് അ​ന്വേ​ഷി​ക്കു​മെ​ന്നും പൊ​ലീ​സ് അ​റി​യി​ച്ചു. പു​തു​ക്കാ​ട് എ​സ്.​ഐ കെ.​എ​സ്. സൂ​ര​ജ്, സ്പെ​ഷ​ൽ ബ്രാ​ഞ്ച് എ​സ്.​ഐ സു​ധീ​ഷ്, എ.​എ​സ്.​ഐ വി​ശ്വ​നാ​ഥ​ൻ, സി.​പി.​ഒ​മാ​രാ​യ ജെ​റി​ൻ, സു​ജി​ത്ത് എ​ന്നി​വ​ര​ട​ങ്ങി​യ സം​ഘ​മാ​ണ് പ്ര​തി​യെ പി​ടി​കൂ​ടി​യ​ത്.