പ​ഴ​യ പ്രൗ​ഢി തി​രി​ച്ചു​പി​ടി​ക്കു​ക ല​ക്ഷ്യം; ചാ​ലി​ശേ​രി​യി​ൽ അ​ട​ക്ക വി​പ​ണ​ന കേ​ന്ദ്രം ഇ​ന്ന് തു​റ​ക്കും

പെ​രു​മ്പി​ലാ​വ്: കേ​ര​ള​ത്തി​ൽ അ​ട​ക്ക വി​പ​ണ​ന രം​ഗ​ത്ത് ചാ​ലി​ശേ​രി​ക്കു​ണ്ടാ​യി​രു​ന്ന പ​ഴ​യ പ്രൗ​ഢി തി​രി​ച്ച് കൊ​ണ്ടു​വ​രാ​ൻ ല​ക്ഷ്യ​മി​ട്ട് അ​ട​ക്ക മാ​ർ​ക്ക​റ്റി​ന്റെ പു​തി​യ കെ​ട്ടി​ടം വ്യാ​ഴാ​ഴ്ച തു​റ​ക്കും. ഇ​തോ​ട​നു​ബ​ന്ധി​ച്ച് പ​ഴ​യ അ​ട​ക്ക മാ​ർ​ക്ക​റ്റി​ന്റെ എ​ഴു​പ​താം വാ​ർ​ഷി​ക​വും ന​ട​ക്കും. നൂ​റ്റാ​ണ്ടു​ക​ൾ​ക്ക് മു​മ്പ് സം​സ്ഥാ​ന​ത്തെ വ​ലി​യ അ​ട​ക്ക വാ​ണി​ജ്യ കേ​ന്ദ്ര​മാ​യി​രു​ന്നു ചാ​ലി​ശേ​രി.

1950ക​ളി​ൽ തു​ട​ങ്ങി​യ പ​ച്ച​യ​ട​ക്ക വി​ൽ​പ​ന ച​ന്ത പി​ന്നീ​ട് ദക്ഷി​ണേ​ന്ത്യ​യി​ലെ​യും ഏ​ഷ്യ​യി​ലേ​യും പേ​രെ​ടു​ത്ത അ​ട​ക്ക ച​ന്ത​യാ​യി. കാ​ർ​ഷി​ക-​വ്യ​വ​സാ​യ രം​ഗ​ത്ത് പ്രാ​ധാ​ന്യ​മു​ള്ള സാ​ധാ​ര​ണ​ക്കാ​ര​ന്റെ നാ​ണ്യ​വി​ള​യാ​യ അ​ട​ക്ക ക​ച്ച​വ​ട​ത്തി​നാ​യി ചാ​ലി​ശേ​രി അ​ങ്ങാ​ടി​യി​ൽ ദി​വ​സ​ച​ന്ത പ്ര​വ​ർ​ത്തി​ക്കു​ന്നു​ണ്ട്. മു​ൻ​കാ​ല​ങ്ങ​ളി​ൽ ദി​നം​പ്ര​തി മു​ന്നൂ​റ് മു​ത​ൽ അ​ഞ്ഞൂ​റ് തിലാം വ​രെ അ​ട​ക്ക എ​ത്തി​യി​രു​ന്നു.

പ​ത്ത് വ​ർ​ഷ​ത്തി​ന​കം ഒ​രു​കി​ലോ അ​ട​ക്ക​ക്ക് 50ൽ ​നി​ന്ന് ഇ​പ്പോ​ൾ 450 രൂ​പ വ​രെ എ​ത്തി. നി​ല​വി​ൽ ചാ​ലി​ശേ​രി പ​ഴ​ഞ്ഞി, ച​ങ്ങ​രം​കു​ളം, കേ​ച്ചേ​രി, അ​മ​ല​ന​ഗ​ർ എ​ന്നി​ട​ങ്ങ​ളി​ലാ​ണ് അ​ട​ക്ക കേ​ന്ദ്ര​ങ്ങ​ൾ ഉ​ള്ള​ത്. അ​ട​ക്ക കൃ​ഷി​യി​ൽ നി​ന്ന് ക​ർ​ഷ​ക​ർ മ​റ്റു കൃ​ഷി​യി​ലേ​ക്ക് മാ​റി​യ​തോ​ടെ കു​റ​ച്ച്കാ​ല​ങ്ങ​ളാ​യി വ​ര​വ് കു​റ​വാ​ണ്.

ഇ​ന്ത്യോ​നേ​ഷ്യ, മ​ലേ​ഷ്യ എ​ന്നി​വി​ട​ങ്ങ​ളി​ൽ നി​ന്ന് ഇ​റ​ക്കു​മ​തി ചെ​യ്യാ​ൻ തു​ട​ങ്ങി​യ​തോ​ടെ​യാ​ണ് വി​ല​ക്കു​റ​വ് കൃ​ഷി​യെ ബാ​ധി​ച്ച​ത്. ചാ​ലി​ശേ​രി​യി​ൽ കേ​ര​ള​ത്തി​ലെ ഏ​റ്റ​വും വ​ലി​യ അ​ട​ക്ക വി​പ​ണ​ന കേ​ന്ദ്ര​മാ​ക്കാ​നു​ള്ള ത​യാ​റെ​ടു​പ്പി​ലാ​ണ് മാ​ർ​ക്ക​റ്റി​ലെ ക​ച്ച​വ​ട​ക്കാ​രു​ടെ കൂ​ട്ടാ​യ്മ.

പ​ഴ​യ അ​ട​ക്ക മാ​ർ​ക്ക​റ്റി​ന്റെ എ​ഴു​പ​താം വാ​ർ​ഷി​ക​ത്തി​നോ​ട​നു​ബ​ന്ധി​ച്ചാ​ണ് ആ​ധു​നി​ക സൗ​ക​ര്യ​ങ്ങ​ളോ​ടു കൂ​ടി സി.​എ​സ്.​ഐ പ​ള്ളി​ക്ക് സ​മീ​പം പു​തി​യ മാ​ർ​ക്ക​റ്റി​ൽ നാ​ലാ​യി​ര​ത്തോ​ളം ച​തു​ര​ശ്ര​യ​ടി വി​സ്തീ​ർ​ണ​മു​ള്ള വി​പ​ണ​ന കേ​ന്ദ്രം നി​ർ​മി​ച്ചി​രി​ക്കു​ന്ന​ത്.

മ​റ്റു ജി​ല്ല​ക​ളി​ൽ​നി​ന്ന് വ​രു​ന്ന​വ​ർ​ക്ക് വാ​ഹ​നം പാ​ർ​ക്കി​ങ്, താ​മ​സ സൗ​ക​ര്യം, ഭ​ക്ഷ​ണ​ശാ​ല, വി​ശ്ര​മ​കേ​ന്ദ്രം, വാ​യ​ന​മു​റി എ​ന്നി സൗ​ക​ര്യ​ങ്ങ​ൾ ഒ​രു​ക്കി​യി​ട്ടു​ണ്ട്. പു​തി​യ വി​പ​ണ​ന കേ​ന്ദ്രം വ​രു​ന്ന​തോ​ടെ പ​ഴ​യ പ്രൗ​ഢി തി​രി​ച്ച് വ​രു​മെ​ന്ന ആ​ഹ്ലാ​ദ​ത്തി​ലാ​ണ് ചാ​ലി​ശേ​രി ഗ്രാ​മ​വാ​സി​ക​ൾ. എ​ഴു​പ​താം വാ​ർ​ഷി​ക​വും കെ​ട്ടി​ട ഉ​ദ്ഘാ​ട​ന​വും വ്യാ​ഴാ​ഴ്ച രാ​വി​ലെ എ​ട്ടി​ന് ഷി​നോ​യ് തോ​ല​ത്ത് നി​ർ​വ​ഹി​ക്കും.