ആ​ദ്യ അ​തി​ഥി​ക​ളെ​ത്തി; സു​വോ​ള​ജി​ക്ക​ൽ പാ​ർ​ക്കി​ന് മ​യൂ​ര​വ​ർ​ണം

പു​ത്തൂ​ർ: വാ​ദ്യ​മേ​ള​ങ്ങ​ളും ആ​ര​വ​ങ്ങ​ളു​മാ​യി ‘വീ​ട്ടു​കാ​രാ​വാ​ൻ പോ​കു​ന്ന വി​രു​ന്നു’​കാ​രെ നാ​ടൊ​ന്നാ​കെ വ​ര​വേ​റ്റു... ആ​ഘോ​ഷ​നി​റ​വി​ലാ​യി​രു​ന്നു ചൊ​വ്വാ​ഴ്ച പു​ത്തൂ​ർ. പ​തി​റ്റാ​ണ്ടു​ക​ളു​ടെ കാ​ത്തി​രി​പ്പു​ക​ൾ​ക്കും വാ​ഗ്ദാ​ന​ങ്ങ​ൾ​ക്കു​മൊ​ടു​വി​ൽ സു​വോ​ള​ജി​ക്ക​ൽ പാ​ർ​ക്കി​ലേ​ക്ക് പ​ക്ഷി​മൃ​ഗാ​ദി​ക​ളെ​ത്തി തു​ട​ങ്ങി.

തൃ​ശൂ​ർ മൃ​ഗ​ശാ​ല​യി​ല്‍നി​ന്ന് എ​ത്തി​ച്ച മൂ​ന്ന് മ​യി​ലു​ക​ളെ മ​ന്ത്രി​മാ​രാ​യ കെ. ​രാ​ജ​ന്‍, എ.​കെ. ശ​ശീ​ന്ദ്ര​ന്‍, ഡോ. ​ആ​ര്‍. ബി​ന്ദു എ​ന്നി​വ​ര്‍ ചേ​ര്‍ന്ന് സ്വീ​ക​രി​ച്ച ശേ​ഷം പാ​ര്‍ക്കി​ലേ​ക്ക് തു​റ​ന്നു​വി​ട്ടു. പ​തി​റ്റാ​ണ്ടു​ക​ളാ​യി കേ​ട്ടു​മ​ടു​ത്ത വാ​ഗ്ദാ​ന​ത്തി​ന​പ്പു​റം സ്വ​പ്നം യാ​ഥാ​ർ​ഥ്യ​മാ​കു​ന്ന​തി​ന്റെ ആ​ഹ്ലാ​ദ​വും സ​ന്തോ​ഷ​ത്തി​ലു​മാ​യി​രു​ന്നു പു​ത്തൂ​രി​ലെ ജ​ന​ങ്ങ​ൾ.

വ​ർ​ണ​ബ​ലൂ​ണു​ക​ളും വാ​ദ്യ​ഘോ​ഷ​ങ്ങ​ളു​മാ​യി ആ​ദ്യ​വി​രു​ന്നു​കാ​രെ വ​ര​വേ​ൽ​ക്കാ​ൻ അ​തി​രാ​വി​ലെ ത​ന്നെ ആ​ളു​ക​ൾ പാ​ർ​ക്കി​ന് മു​ന്നി​ലെ വ​ഴി​യോ​ര​ങ്ങ​ളി​ൽ നി​ര​ന്നു. പ​ത്തോ​ടെ പ്ര​ത്യേ​ക വാ​ഹ​ന​ത്തി​ൽ ത​യാ​റാ​ക്കി​യ പ്ര​ത്യേ​ക കൂ​ട്ടി​ലാ​യി എ​ത്തി​യ മ​യി​ലു​ക​ളെ നാ​ട് വ​ര​വേ​റ്റു. മ​ന്ത്രി​മാ​ർ സ്വീ​ക​രി​ച്ചു.

പി​ന്നെ പാ​ർ​ക്കി​ന്റെ വി​ശാ​ല​ത​യി​ലേ​ക്ക് കൂ​ട് തു​റ​ന്നു​വി​ട്ടു. കാ​ത്തി​രു​ന്ന നി​മി​ഷ​ത്തി​ലും ആ​ഹ്ലാ​ദം അ​തി​രു​വി​ട്ട് പ​ക്ഷി​ക​ളെ ഭ​യ​പ്പെ​ടു​ത്താ​തെ​യി​രി​ക്കാ​ൻ ശ്ര​ദ്ധി​ച്ചാ​യി​രു​ന്നു ആ​ഘോ​ഷം. അ​ടു​ത്ത ദി​വ​സ​ങ്ങ​ളി​ലാ​യി വി​വി​ധ ഇ​ന​ത്തി​ല്‍പ്പെ​ട്ട ത​ത്ത​ക​ള്‍, ജ​ല​പ​ക്ഷി​ക​ള്‍ തു​ട​ങ്ങി​യ​വ​യ​ട​ക്കം പ​ക്ഷി​ക​ളെ കൊ​ണ്ടു​വ​ന്ന് പു​തി​യ ആ​വാ​സ വ്യ​വ​സ്ഥ​യു​മാ​യി ഇ​ണ​ങ്ങു​ന്ന​ത് സം​ബ​ന്ധി​ച്ച നി​രീ​ക്ഷ​ണം ന​ട​ത്തും.

അ​തി​നു​ശേ​ഷ​മാ​ണ് കൂ​ടു​ത​ല്‍ പ​ക്ഷി​ക​ളെ ഇ​ങ്ങോ​ട്ട് മാ​റ്റു​ക. ബോ​ണ​റ്റ് ഇ​ന​ത്തി​ല്‍പ്പെ​ട്ട കു​ര​ങ്ങു​ക​ളു​ടെ ബാ​ച്ചി​നെ​യും നെ​യ്യാ​ര്‍ ഡാ​മി​ല്‍നി​ന്നു​ള്ള ചീ​ങ്ക​ണ്ണി​ക​ളെ​യും കൊ​ണ്ടു​വ​രും. ന​വം​ബ​ര്‍ തു​ട​ക്ക​ത്തി​ല്‍ ത​ന്നെ മാ​നു​ക​ളെ മാ​റ്റു​ന്ന ന​ട​പ​ടി​ക​ള്‍ തു​ട​ങ്ങും. മാ​റ്റു​ന്ന പ​ക്ഷി​ക​ളും മൃ​ഗ​ങ്ങ​ളും പു​തി​യ ആ​വാ​സ വ്യ​വ​സ്ഥ​യു​മാ​യി ഇ​ണ​ങ്ങി​ച്ചേ​രു​ന്ന​തി​നൊ​പ്പം ജീ​വ​ന​ക്കാ​രു​ടെ മൃ​ഗ​സം​ര​ക്ഷ​ണം സം​ബ​ന്ധി​ച്ച പ​രി​ശീ​ല​ന നി​ല​വാ​ര​വും വി​ല​യി​രു​ത്തും.

തൃ​ശൂ​രി​ല്‍ നി​ന്നും മൃ​ഗ​ങ്ങ​ളെ മാ​റ്റാ​ന്‍ ആ​റു മാ​സ​മാ​ണ് സ​മ​യം അ​നു​വ​ദി​ച്ചി​രി​ക്കു​ന്ന​ത്. എ​ന്നാ​ല്‍, നാ​ല് മാ​സ​ത്തി​നു​ള്ളി​ല്‍ ത​ന്നെ മൃ​ഗ​ങ്ങ​ളെ മാ​റ്റു​ന്ന ന​ട​പ​ടി പൂ​ര്‍ത്തീ​ക​രി​ക്കാ​ന്‍ ക​ഴി​യു​മെ​ന്നാ​ണ് അ​ധി​കൃ​ത​ര്‍ പ​റ​യു​ന്ന​ത്. ഏ​പ്രി​ലി​ൽ നെ​യ്യാ​റി​ൽ​നി​ന്ന് എ​ത്തി​ച്ച വൈ​ഗ​യെ​ന്ന ക​ടു​വ പാ​ർ​ക്കി​ലു​ണ്ട്.

ഈ ​വ​ർ​ഷം ഡി​സം​ബ​റി​ൽ സ​ന്ദ​ർ​ശ​ക​ർ​ക്ക് അ​നു​മ​തി ന​ൽ​കാ​നാ​വു​മോ​യെ​ന്നാ​ണ് അ​ധി​കൃ​ത​ർ ആ​ലോ​ചി​ക്കു​ന്ന​ത്. മൃ​ഗ​ങ്ങ​ളേ​യും പ​ക്ഷി​ക​ളേ​യും അ​വ​യു​ടെ ആ​വാ​സ​വ്യ​വ​സ്ഥ​യി​ൽ​ച്ചെ​ന്ന്‌ കാ​ണാ​വു​ന്ന ത​ര​ത്തി​ൽ ഒ​രു​ങ്ങു​ന്ന ഏ​ഷ്യ​യി​ലെ ഏ​റ്റ​വും വ​ലി​യ സു​വോ​ള​ജി​ക്ക​ൽ പാ​ർ​ക്കാ​ണ് പു​ത്തൂ​രി​ലേ​ത്.