ആ​ശ​ങ്ക​ക്ക് അ​റു​തി​യാ​യി​ല്ല; കു​ന്ന​ത്തു​പ്പാ​ട​ത്ത് ക​ണ്ട​ത് പു​ലി​യോ?

ആ​മ്പ​ല്ലൂ​ർ: വ​ര​ന്ത​ര​പ്പി​ള്ളി കു​ന്ന​ത്തു​പ്പാ​ട​ത്ത് സ്വ​കാ​ര്യ വ്യ​ക്തി​യു​ടെ റ​ബ​ർ തോ​ട്ട​ത്തി​ൽ ക​ണ്ട​ത് പു​ലി​യാ​ണോ, പൂ​ച്ചപ്പുലി​യാ​ണോ എ​ന്ന​തി​ൽ ആ​ശ​ങ്ക​യൊ​ഴി​യാ​തെ നാ​ട്ടു​കാ​ർ. ശ​നി​യാ​ഴ്ച വൈ​കീ​ട്ട് നാ​ലോ​ടെ​യാ​ണ് പു​ലി​യെ​ന്ന് തോ​ന്നി​ക്കു​ന്ന ജീ​വി​യെ ക​ണ്ട​ത്. റോ​ഡ് മു​റി​ച്ചു​ക​ട​ന്ന് റ​ബ​ർ തോ​ട്ട​ത്തി​ലൂ​ടെ​പോ​യ ജീ​വി​യു​ടെ വി​ഡി​യോ സ​മീ​പ​വാ​സി​യാ​യ പാ​ണ​നാ​ൽ മെ​ൽ​വി​നാ​ണ് പ​ക​ർ​ത്തി​യ​ത്. ഇ​വ​രു​ടെ വീ​ടി​ന് മു​ൻ​വ​ശ​ത്തു​ള്ള തോ​ട്ട​ത്തി​ലേ​ക്കാ​ണ് ജീ​വി പോ​യ​ത്. ക​ണ്ട​ത് പു​ലി​യാ​ണെ​ന്ന് സം​ശ​യി​ച്ച​തോ​ടെ നാ​ട്ടു​കാ​ർ വാ​ർ​ഡ് മെം​ബ​ർ ജി​ജോ ജോ​ണി​നെ​യും വ​ന​പാ​ല​ക​രെ​യും അ​റി​യി​ക്കു​ക​യാ​യി​രു​ന്നു.

സ്ഥ​ല​ത്തെ​ത്തി​യ വ​ന​പാ​ല​ക​ർ പ​രി​ശോ​ധ​ന ന​ട​ത്തി​യെ​ങ്കി​ലും ജീ​വി​യെ ക​ണ്ടെ​ത്താ​ൻ ക​ഴി​ഞ്ഞി​ല്ല. അ​തേ സ​മ​യം വി​ഡി​യോ​യി​ൽ ക​ണ്ട​ത് പൂ​ച്ച പു​ലി​യാ​ണെ​ന്നാ​ണ് വ​ന​പാ​ല​ക​രു​ടെ സ്ഥി​രീ​ക​ര​ണം. ര​ണ്ട് മാ​സം മു​മ്പ് ഈ ​പ്ര​ദേ​ശ​ത്ത് ഇ​ത്ത​ര​ത്തി​ലു​ള്ള ജീ​വി റോ​ഡ് മു​റി​ച്ചു​ക​ട​ക്കു​ന്ന​ത് യാ​ത്ര​ക്കാ​ർ ക​ണ്ടി​രു​ന്നു. വ​ന്യ​ജീ​വി ഗ​ണ​ത്തി​ൽ​പ്പെ​ട്ട പൂ​ച്ച പു​ലി​യാ​ണ് പ്ര​ദേ​ശ​ത്ത് ക​ണ്ട​തെ​ങ്കി​ൽ മ​നു​ഷ്യ​രെ​യും വ​ള​ർ​ത്തു​മൃ​ഗ​ങ്ങ​ളെ​യും ആ​ക്ര​മി​ക്കു​മോ​യെ​ന്ന ആ​ശ​ങ്ക​യും നാ​ട്ടു​കാ​ർ​ക്കു​ണ്ട്.