ജ​ല​സേ​ച​ന വ​കു​പ്പി​ന്റെ കെ​ട്ടി​ട​വും ഭൂ​മി​യും കാ​ടു​ക​യ​റി

മ​റ്റ​ത്തൂ​ര്‍: വാ​സു​പു​ര​ത്ത് ജ​ല​സേ​ച​ന വ​കു​പ്പി​ന്റെ ക്വാ​ര്‍ട്ടേ​ഴ്‌​സും ഇ​തോ​ട​നു​ബ​ന്ധി​ച്ച 20 സെ​ന്റ് ഭൂ​മി​യും കാ​ടു​പി​ടി​ച്ച് ന​ശി​ക്കു​ന്നു. ചാ​ല​ക്കു​ടി ഇ​റി​ഗേ​ഷ​ന്‍ പ​ദ്ധ​തി​യു​ടെ ഭാ​ഗ​മാ​യി 1956ല്‍ ​മ​റ്റ​ത്തൂ​ര്‍ ജ​ല​സേ​ച​ന ക​നാ​ല്‍ നി​ര്‍മി​ക്ക​പ്പെ​ട്ട​പ്പോ​ള്‍ ജീ​വ​ന​ക്കാ​ര്‍ക്ക് താ​മ​സി​ക്കാ​ൻ സ്ഥാ​പി​ച്ച​താ​ണ് ഈ ​ക്വാ​ര്‍ട്ടേ​ഴ്‌​സ്. വേ​ന​ലി​ല്‍ പ​രി​സ​ര​ത്തെ കി​ണ​റു​ക​ള്‍ വ​റ്റി​വ​ര​ളു​മ്പോ​ള്‍ പ്ര​ദേ​ശ​വാ​സി​ക​ള്‍ കു​ടി​വെ​ള്ള​ത്തി​ന് ആ​ശ്ര​യി​ച്ചി​രു​ന്ന പ​ഴ​ക്ക​മേ​റി​യ കി​ണ​റും ക്വാ​ര്‍ട്ടേ​ഴ്സി​നോ​ടു ചേ​ര്‍ന്ന് കാ​ടു​മൂ​ടി കി​ട​ക്കു​ന്നു​ണ്ട്.

അ​ടി​ത്ത​ട്ടി​ല്‍ നെ​ല്ലി​പ്പ​ല​ക​ക​ള്‍ വി​രി​ച്ച അ​പൂ​ര്‍വം ഈ ​കി​ണ​റു​ക​ളി​ലൊ​ന്നാ​ണി​ത്. മൂ​ന്ന​ര പ​തി​റ്റാ​ണ്ട് മു​മ്പ് മ​റ്റ​ത്തൂ​ര്‍ ക​നാ​ലി​ന്റെ ആ​യ​ക്കെ​ട്ട് പ​രി​ധി​യി​ല്‍ കൃ​ഷി​ഭൂ​മി​യി​ലേ​ക്ക് വെ​ള്ള​മെ​ത്തി​ക്കാ​ൻ ഫീ​ല്‍ഡ് ചാ​ന​ലു​ക​ള്‍ നി​ര്‍മി​ക്കാ​ൻ കാ​ഡ​യു​ടെ (ക​മാ​ന്‍ഡ് ഏ​രി​യ ഡെ​വ​ല​പ്‌​മെ​ന്റ് അ​തോ​റി​റ്റി) കീ​ഴി​ല്‍ നി​ര്‍മാ​ണ​പ്ര​വ​ര്‍ത്ത​ന​ങ്ങ​ള്‍ ന​ട​ന്ന​പ്പോ​ള്‍ കാ​ഡ​യു​ടെ ഓ​ഫി​സ് പ്ര​വ​ര്‍ത്തി​ച്ചി​രു​ന്ന​ത് ഈ ​കെ​ട്ടി​ട​ത്തി​ലാ​യി​രു​ന്നു.

കെ​ട്ടി​ട​ത്തി​ന്റെ മു​റ്റ​ത്ത് മ​ഴ​മാ​പി​നി​യും സ്ഥാ​പി​ച്ചി​രു​ന്നു. 10 വ​ര്‍ഷ​ത്തോ​ള​മാ​യി ഈ ​കെ​ട്ടി​ടം ആ​ത്താ​മ​സ​മി​ല്ലാ​തെ അ​ട​ഞ്ഞു​കി​ട​ക്കു​ക​യാ​ണ്. പ​ഞ്ചാ​യ​ത്ത് തെ​ര​ഞ്ഞ​ടു​പ്പു​കാ​ല​ത്ത് പോ​ളി​ങ് സ്‌​റ്റേ​ഷ​നാ​യി ഉ​പ​യോ​ഗി​ച്ചി​രു​ന്ന കെ​ട്ടി​ടം ഇ​പ്പോ​ള്‍ ജീ​ര്‍ണാ​വ​സ്ഥ​യി​ലാ​ണ്. മേ​ല്‍ക്കൂ​ര ദു​ര്‍ബ​ല​മാ​യ​തോ​ടെ ഏ​തു​സ​മ​യ​വും ഇ​ടി​ഞ്ഞു​വീ​ഴാ​മെ​ന്ന സ്ഥി​തി​യാ​ണ്.