പത്ത് വയസ്സുകാരി വോട്ടുതേടി കുതിരപ്പുറത്ത്
text_fieldsഅന്തിക്കാട്: അമേയ എന്ന 10 വയസ്സുകാരി വെള്ള കുതിരപ്പുറത്ത് ഇറങ്ങിയത് ഉല്ലാസയാത്രക്കല്ല, തെൻറ വാർഡിൽ മത്സരിക്കുന്ന എൽ.ഡി.എഫ് സ്ഥാനാർഥിക്ക് വോട്ടുതേടിയാണ്. ചാഴൂർ ഗ്രാമപഞ്ചായത്ത് മൂന്നാം വാർഡിൽനിന്ന് ജനവിധിതേടുന്ന വിനീത ബെന്നിക്കുവേണ്ടി വോട്ടുപിടിക്കാനാണ് അമേയയുടെ 'അശ്വമേധം'.
ധാന്യക്കതിർ അരിവാൾ ചിഹ്നം ആലേഖനംചെയ്ത രക്തവർണക്കൊടിയും നെഞ്ചോടുചേർത്താണ് ഈ പെൺകുട്ടിയുടെ യാത്ര. കുതിരപ്പുറത്ത് വോട്ടുതേടി സഞ്ചരിക്കുന്ന അമേയയെ കണ്ട സ്ത്രീകളും കുട്ടികളും ആദ്യം അമ്പരന്നെങ്കിലും പിന്നീട് ഹർഷാരവത്തോടെ വരവേറ്റു.
ഇതിനിടെ അതുവഴിവന്ന സ്ഥാനാർഥി വിനീത ബെന്നി കുതിരപ്പുറത്ത് കൊടിയുംപിടിച്ചിരിക്കുന്ന അമേയയേ കണ്ട് അഭിവാദ്യംചെയ്തു. ചാഴൂർ കല്ലുങ്കൽ വീട്ടിൽ മസൂദിെൻറ മകളാണ് അമേയ.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.