ആ​മ്പ​ല്ലൂ​രി​ലെ ഗ​താ​ഗ​ത​ക്കു​രു​ക്കി​ന് താ​ല്‍ക്കാ​ലി​ക പ​രി​ഹാ​രം

ആ​മ്പ​ല്ലൂ​ർ: ആ​മ്പ​ല്ലൂ​രി​ലെ ഗ​താ​ഗ​ത​ക്കു​രു​ക്കി​ന് താ​ല്‍ക്കാ​ലി​ക പ​രി​ഹാ​ര​മാ​യി സ​ര്‍വി​സ് റോ​ഡി​ന്റെ വീ​തി​കൂ​ട്ടി. അ​ടി​പ്പാ​ത നി​ര്‍മാ​ണം പു​രോ​ഗ​മി​ക്കു​ന്ന ദേ​ശീ​യ​പാ​ത ആ​മ്പ​ല്ലൂ​രി​ല്‍ ചാ​ല​ക്കു​ടി ഭാ​ഗ​ത്തേ​ക്കു​ള്ള യാ​ത്രാ​ത​ട​സ​ങ്ങ​ള്‍ ഒ​ഴി​വാ​ക്കാ​നാ​ണ് സ​ര്‍വി​സ് റോ​ഡി​ന്റെ വീ​തി​കൂ​ട്ടി​യ​ത്. അ​ടി​പ്പാ​ത നി​ര്‍മാ​ണ​ത്തെ തു​ട​ര്‍ന്ന് സ​ര്‍വി​സ് റോ​ഡി​ന്റെ വീ​തി​ക്കു​റ​വ് വ​ൻ ഗ​താ​ഗ​ത​ക്കു​രു​ക്കി​ന് ഇ​ട​യാ​ക്കി​യി​രു​ന്നു.

സ്ഥി​ര​മാ​യി ഗ​താ​ഗ​ത​ക്കു​രു​ക്കി​ലാ​യ​തോ​ടെ ക​ടു​ത്ത പ്ര​തി​ഷേ​ധ​ത്തി​ലാ​യി​രു​ന്നു യാ​ത്ര​ക്കാ​ര്‍. ആ​മ്പ​ല്ലൂ​രി​ലെ ബ​സ് കാ​ത്തി​രി​പ്പു​കേ​ന്ദ്രം പൂ​ര്‍ണ​മാ​യും പൊ​ളി​ച്ചു നീ​ക്കി യാ​ത്രാ​ദു​രി​ത​ത്തി​ന് പ​രി​ഹാ​രം കാ​ണാ​ന്‍ ആ​ര്‍.​ടി.​ഒ, പൊ​ലീ​സ്, ദേ​ശീ​യ​പാ​ത അ​ധി​കൃ​ത​ർ എ​ന്നി​വ​ർ നി​ര്‍ദേ​ശം ന​ല്‍കി​യി​രു​ന്നു. യു​ടേ​ണി​ലേ​ക്കു​ള്ള പ്ര​വേ​ശ​ന​വും വെ​ള്ളി​യാ​ഴ്ച രാ​വി​ലെ മു​ത​ല്‍ സു​ഗ​മ​മാ​ക്കി. ആ​മ്പ​ല്ലൂ​ർ ജ​ങ്ഷ​ൻ മു​ത​ല്‍ പു​തി​യ ബ​സ് സ്‌​റ്റോ​പ് നി​ര്‍മി​ക്കാ​ന്‍ നി​ര്‍ദേ​ശി​ച്ച ഭാ​ഗം വ​രെ സ​ര്‍വി​സ് റോ​ഡ് ഉ​യ​രം കൂ​ട്ടി ടാ​ര്‍ ചെ​യ്തു.

ടാ​ര്‍ ചെ​യ്ത ഭാ​ഗം ഉ​റ​യ്ക്കു​ന്ന​തു​വ​രെ സ​ര്‍വി​സ് റോ​ഡി​ലൂ​ടെ ഗ​താ​ഗ​തം താ​ല്‍ക്കാ​ലി​ക​മാ​യി ത​ട​ഞ്ഞി​രി​ക്കു​ക​യാ​ണ്. അ​ടി​പ്പാ​ത​യോ​ട് ചേ​ര്‍ന്ന് ദേ​ശീ​യ​പാ​ത​യി​ലേ​ക്ക് വാ​ഹ​ന​ങ്ങ​ള്‍ വി​ടു​ന്നു​ണ്ട്. ഇ​തി​നാ​യി ക​ഴി​ഞ്ഞ​ദി​വ​സം സ​ര്‍വി​സ് റോ​ഡ് വീ​തി​ക്കു​റ​ച്ച് അ​പ്രോ​ച്ച് റോ​ഡി​ന്റെ അ​ടി​ത്ത​റ​ക്കാ​യി എ​ടു​ത്ത കു​ഴി​ക​ള്‍ മൂ​ടി. ഇ​തോ​ടെ യൂ​ടേ​ണും സു​ഗ​മ​മാ​യി. വെ​ള്ളി​യാ​ഴ്ച രാ​വി​ലെ മു​ത​ല്‍ ആ​മ്പ​ല്ലൂ​രി​ല്‍ ഗ​താ​ഗ​ത​ക്കു​രു​ക്ക് അ​നു​ഭ​വ​പ്പെ​ട്ടി​ല്ല.