ക്ഷേ​ത്ര ഭ​ണ്ഡാ​രം കു​ത്തി​പ്പൊ​ളി​ച്ച് മോ​ഷ​ണം: പ്ര​തി പി​ടി​യി​ൽ

കൊ​ടു​ങ്ങ​ല്ലൂ​ർ: ശ്രീ​നാ​രാ​യ​ണ​പു​ര​ത്ത് ക്ഷേ​ത്ര ഭ​ണ്ഡാ​രം കു​ത്തി​പ്പൊ​ളി​ച്ച് മോ​ഷ​ണം ന​ട​ത്തി​യ കേ​സി​ലെ പ്ര​തി​യെ അ​റ​സ്റ്റ് ചെ​യ്തു. കൊ​ര​ട്ടി തി​രു​മു​ടി​ക്കു​ന്ന് സ്വ​ദേ​ശി മ​രോ​ട്ടി​ക്കു​ടി വീ​ട്ടി​ൽ ഷി​ന്റോ (21) യെ​യാ​ണ് ചാ​ല​ക്കു​ടി​യി​ൽ​നി​ന്ന് അ​റ​സ്റ്റ് ചെ​യ്ത​ത്. ഈ ​മാ​സം 10ന് ​രാ​ത്രി​യി​ലാ​ണ് ശ്രീ​കൃ​ഷ്ണ ക്ഷേ​ത്ര​ത്തി​ലെ ഭ​ണ്ഡാ​രം കു​ത്തി​പ്പൊ​ളി​ച്ച് 7,500 രൂ​പ ക​വ​ർ​ന്ന​ത്.

മോ​ഷ്ടാ​വി​ന്റെ സി.​സി.​ടി.​വി ദൃ​ശ്യ​ങ്ങ​ൾ പൊ​ലീ​സി​ന് ല​ഭി​ച്ചി​രു​ന്നു. തു​ട​ർ​ന്ന് ന​ട​ത്തി​യ അ​ന്വേ​ഷ​ണ​ത്തി​ൽ പ്ര​തി​യെ തി​രി​ച്ച​റി​ഞ്ഞു. 7430 രൂ​പ​യും പി​ടി​ച്ചെ​ടു​ത്തു. പ്ര​തി​യെ സം​ഭ​വ​സ്ഥ​ല​ത്തെ​ത്തി​ച്ച് തെ​ളി​വെ​ടു​പ്പ് ന​ട​ത്തി. ക​റു​കു​റ്റി​യി​ലു​ള്ള ക്ഷേ​ത്ര​ത്തി​ലെ ഭ​ണ്ഡാ​ര​ങ്ങ​ൾ കു​ത്തി​പ്പൊ​ളി​ച്ച് 5000 രൂ​പ മോ​ഷ്ടി​ച്ച കേ​സി​ലും, ചാ​ല​ക്കു​ടി സ്റ്റേ​ഷ​ൻ പ​രി​ധി​യി​ലെ വെ​ട്ടു​ക​ട​വി​ലു​ള്ള ക​പ്പേ​ള​യു​ടെ ഭ​ണ്ഡാ​രം കു​ത്തി​പ്പൊ​ളി​ച്ച് 3000 രൂ​പ​യോ​ളം മോ​ഷ്ടി​ച്ച കേ​സി​ലും ഇ​യാ​ൾ പ്ര​തി​യാ​ണ്.

മ​തി​ല​കം സ്റ്റേ​ഷ​ൻ പ​രി​ധി​യി​ലെ അ​ഞ്ചാം പ​ര​ത്തി​യി​ലു​ള്ള ഉ​മാ​മ​ഹേ​ശ്വ​രി ക്ഷേ​ത്ര​ത്തി​ലും ക​രി​നാ​ട്ട് കു​ടു​ബ​ക്ഷേ​ത്ര​ത്തി​ലും മോ​ഷ​ണ ശ്ര​മം ന​ട​ത്തി​യ​തും, കൊ​ട​ക​ര വ​ഴി​യ​മ്പ​ല​ത്തു​ള്ള ക​പ്പേ​ള​യി​ലെ ഭ​ണ്ഡാ​രം കു​ത്തി​പ്പൊ​ളി​ച്ച​തും ഇ​യാ​ളാ​ണെ​ന്ന് സ​മ്മ​തി​ച്ചു. റൂ​റ​ൽ ജി​ല്ല പൊ​ലീ​സ് മേ​ധാ​വി ബി. ​കൃ​ഷ്ണ​കു​മാ​റി​ന്റെ നേ​തൃ​ത്വ​ത്തി​ൽ മ​തി​ല​കം എ​സ്.​എ​ച്ച്.​ഒ എം.​കെ. ഷാ​ജി, എ​സ്.​ഐ​മാ​രാ​യ അ​ശ്വി​ൻ റോ​യ്, ടി.​എ​ൻ. പ്ര​ദീ​പ​ൻ, ജി.​എ.​എ​സ്.​ഐ പ്ര​ജീ​ഷ്, സി.​പി.​ഒ​മാ​രാ​യ പ്ര​ബി​ൻ, സ​തീ​ഷ്, സ​നീ​ഷ്, വി​ഷ്ണു എ​ന്നി​വ​ര​ട​ങ്ങു​ന്ന സം​ഘ​മാ​ണ് കേ​സ് അ​ന്വേ​ഷി​ക്കു​ന്ന​ത്.