താ​ലൂ​ക്ക് ആ​ശു​പ​ത്രി ജീ​വ​ന​ക്കാ​രു​ടെ അ​നാ​സ്ഥ​യെ​ന്ന്; 48കാ​ര​ന്റെ മ​ര​ണ​ത്തി​ൽ വി​വാ​ദം

കു​ന്നം​കു​ളം: താ​ലൂ​ക്ക് ആ​ശു​പ​ത്രി ജീ​വ​ന​ക്കാ​രു​ടെ അ​നാ​സ്ഥ​യി​ൽ 48കാ​ര​ന്റെ ജീ​വ​ൻ പൊ​ലി​ഞ്ഞ​ത് വി​വാ​ദ​മാ​കു​ന്നു. കു​ന്നം​കു​ളം ഇ​ന്ദി​ര ന​ഗ​ർ സ്വ​ദേ​ശി കാ​ണി​പ്പ​യ്യൂ​ർ വീ​ട്ടി​ൽ സു​ധീ​ഷി​ന്റെ മ​ര​ണ​ത്തി​ന് ആ​ശു​പ​ത്രി ജീ​വ​ന​ക്കാ​രു​ടെ അ​നാ​സ്ഥ​യാ​ണെ​ന്ന് ചൂ​ണ്ടി​ക്കാ​ട്ടി പ്ര​തി​ഷേ​ധം ശ​ക്ത​മാ​യ​തോ​ടെ സൂ​പ്ര​ണ്ടി​ൽ​നി​ന്ന് ന​ഗ​ര​സ​ഭ വി​ശ​ദീ​ക​ര​ണം തേ​ടി. നെ​ഞ്ചു​വേ​ദ​ന​യെ തു​ട​ർ​ന്നാ​ണ് ക​ഴി​ഞ്ഞ​ദി​വ​സം പു​ല​ർ​ച്ച ര​ണ്ടോ​ടെ കു​ന്നം​കു​ളം താ​ലൂ​ക്ക് ആ​ശു​പ​ത്രി​യി​ൽ സു​ധീ​ഷി​നെ എ​ത്തി​ച്ച​ത്.

ര​ക്ത​ത്തി​ലെ ഓ​ക്സി​ജ​ന്റെ അ​ള​വ് കു​റ​ഞ്ഞ​ത് ക​ണ്ടെ​ത്തി ആ​ശു​പ​ത്രി ജീ​വ​ന​ക്കാ​ർ സി.​പി.​ആ​ർ ന​ൽ​കി ഓ​ക്സി​ജ​ൻ നി​ല 90 ആ​ക്കി ഉ​യ​ർ​ത്തി. വി​ദ​ഗ്ധ ചി​കി​ത്സ​ക്കാ​യി സ്വ​കാ​ര്യ ആ​ശു​പ​ത്രി​യി​ലേ​ക്ക് മാ​റ്റാ​നാ​യി ബ​ന്ധു​ക്ക​ൾ ശ്ര​മി​ച്ച​പ്പോ​ൾ താ​ലൂ​ക്ക് ആ​ശു​പ​ത്രി​യി​ലെ ര​ണ്ട് ആം​ബു​ല​ൻ​സും വി​ട്ടു​ന​ൽ​കാ​തെ മ​റ്റൊ​രാ​ശു​പ​ത്രി​യി​ൽ​നി​ന്ന് വ​ന്ന ഓ​ക്സി​ജ​ൻ സൗ​ക​ര്യ​മി​ല്ലാ​ത്ത ആം​ബു​ല​ൻ​സി​ൽ സു​ധീ​ഷി​നെ​യും ഭാ​ര്യ​െ​യ​യും ആ​ശു​പ​ത്രി ജീ​വ​ന​ക്കാ​ർ ക​യ​റ്റി​വി​ടു​ക​യാ​യി​രു​ന്നു. ​ആം​ബു​ല​ൻ​സ് ന​ഗ​ര​ത്തി​ൽ​നി​ന്ന് വി​ടും​മു​മ്പേ സു​ധീ​ഷ് മ​ര​ണ​ത്തി​ന് കീ​ഴ​ട​ങ്ങി. സ്വ​കാ​ര്യ​ആ​ശു​പ​ത്രി​യി​ൽ ന​ഴ്‌​സാ​യ ഭാ​ര്യ മാ​ത്ര​മാ​ണ് ആം​ബു​ല​ൻ​സി​ൽ സു​ധീ​ഷി​നൊ​പ്പം ഉ​ണ്ടാ​യി​രു​ന്ന​ത്. ഇ​വ​ർ സി.​പി.​ആ​ർ ന​ൽ​കു​ക​യും മൗ​ത്ത് ഓ​ക്സി​ജ​ൻ ന​ൽ​കു​ക​യും ചെ​യ്തെ​ങ്കി​ലും സു​ധീ​ഷ് മ​രി​ച്ചി​രു​ന്നു.

എ​ല്ലാ സൗ​ക​ര്യ​ങ്ങ​ളു​മു​ള്ള ര​ണ്ട് ആം​ബു​ല​ൻ​സു​ക​ൾ ആ​ശു​പ​ത്രി വ​ള​പ്പി​ൽ ഉ​ണ്ടാ​യി​ട്ടും ഓ​ക്സി​ജ​ൻ​പോ​ലു​മി​ല്ലാ​ത്ത ആം​ബു​ല​ൻ​സി​ൽ ഡ്യൂ​ട്ടി​യി​ലു​ള്ള ആ​രോ​ഗ്യ പ്ര​വ​ർ​ത്ത​ക​രെ വി​ട്ടു​ന​ൽ​കാ​തെ താ​ലൂ​ക്ക് ആ​ശു​പ​ത്രി ജി​വ​ന​ക്കാ​ർ സു​ധീ​ഷി​നെ യാ​ത്ര​യാ​ക്കി​യ​ത് മ​ര​ണ​ത്തി​ലേ​ക്കാ​യി​രു​ന്നെ​ന്ന് കോ​ൺ​ഗ്ര​സ് കൗ​ൺ​സി​ല​ർ ഷാ​ജി ആ​ലി​ക്ക​ൽ കു​റ്റ​പ്പെ​ടു​ത്തി.

ക​ഴി​ഞ്ഞ ന​ഗ​ര​സ​ഭ കൗ​ൺ​സി​ൽ യോ​ഗ​ത്തി​ൽ ഇ​ക്കാ​ര്യം ചോ​ദ്യം ചെ​യ്തെ​ങ്കി​ലും സൂ​പ്ര​ണ്ടി​നോ​ട് വി​ശ​ദീ​ക​ര​ണം ചോ​ദി​ച്ചെ​ന്ന് പ​റ​ഞ്ഞ് ചെ​യ​ർ​പേ​ഴ്സ​ൻ ത​ടി​ത​പ്പി. വി​വി​ധ രാ​ഷ്ട്രീ​യ ക​ക്ഷി​ക​ൾ പ്ര​തി​ഷേ​ധ​വു​മാ​യി വ​ന്നു​തു​ട​ങ്ങി​യ​തോ​ടെ സം​ഭ​വം ഏ​റെ ച​ർ​ച്ച​യാ​യി.