Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightLocal Newschevron_rightThrissurchevron_rightസർഫാസി നിയമം: നിരാലംബ...

സർഫാസി നിയമം: നിരാലംബ കുടുംബം കുടിയിറക്ക്​ ഭീഷണിയിൽ

text_fields
bookmark_border
government
cancel

തൃശൂർ: തലോർ-തൃശൂർ ദേശീയപാതക്കരികിൽ ബുദ്ധിവളർച്ചയില്ലാത്ത അന്ധയായ ഒരാളടക്കം മൂന്ന്​ സ്​ത്രീകളും രണ്ട്​ കുട്ടികളും അടങ്ങുന്ന കുടുംബത്തിനെതിരെ സർഫാസി നിയമം ഉപയോഗിച്ച്​ പൊതുമേഖല ബാങ്ക്​ നടത്തുന്ന നീക്കങ്ങൾ അവസാനിപ്പിക്കണമെന്ന്​ സർഫാസി വിരുദ്ധ ജനകീയ പ്രസ്ഥാനം, റിയൽ എസ്​റ്റേറ്റ്​-ബാങ്ക്​ കുടിയിറക്ക്​ വിരുദ്ധ പാർപ്പിട സംരക്ഷണ സമിതി ഭാരവാഹികൾ വാർത്തസമ്മേളനത്തിൽ ആവശ്യപ്പെട്ടു.

കാൽ നൂറ്റാണ്ടുമുമ്പ്​ ബേക്കറി നടത്തിപ്പിനായി വർഗീസ്​ തൃശൂർക്കാരൻ ​നെടുങ്ങാടി ബാങ്കിൽനിന്ന്​ എടുത്ത 2.23 ലക്ഷം രൂപ കുടിശ്ശികയായതിന്​ തുടങ്ങിയ ജപ്​തി നടപടികളാണ്​ ഈ കുടുംബത്തെ റിയൽ എസ്​റ്റേറ്റ്​ മാഫിയയും പൊതുമേഖല ബാങ്കും ഇക്കാലമത്രയും കഷ്​ടപ്പെടുത്താനും ജയിലിലാക്കാനും ഇടവെച്ചത്​.

ജപ്​തി ഭയന്ന്​ വീടുവിട്ട വർഗീസ്​ പിന്നീട്​ തിരിച്ചുവന്നില്ല. ഇതിന്​ പിന്നാലെയാണ്​ നെടുങ്ങാടി ബാങ്കിനെ ഏറ്റെടുത്ത പഞ്ചാബ്​ നാഷനൽ ബാങ്ക്​ ഏഴുലക്ഷം രൂപക്ക്​ വസ്​തു ലേലത്തിലെടുക്കാൻ നീക്കം തുടങ്ങിയത്​. പൊലീസ്​ സംരക്ഷ​ണത്തോടെ കുടുംബ​ത്തെ കുടിയിറക്കാൻ ശ്രമിച്ചപ്പോഴാണ്​ സർഫാസി വിരുദ്ധ ജനകീയ പ്രസ്ഥാനവും റിയൽ എസ്​റ്റേറ്റ്​-ബാങ്ക്​ കുടിയിറക്ക്​ വിരുദ്ധ പാർപ്പിട സംരക്ഷണ സമിതിയും വീടിന്​ മുന്നിൽ പന്തൽ കെട്ടി പ്രക്ഷോഭം തുടങ്ങിയത്​. ഇതോടെ 27 ലക്ഷം രൂപ നൽകിയാൽ ബാധ്യത അവസാനിക്കുമെന്ന്​ ബാങ്ക്​ വ്യക്തമാക്കി.

കേസിൽ ഇടപെട്ട ഹൈകോടതി വീട്ടുടമായ കുഞ്ഞുമോൾ വർഗീസിനോട്​ ആറ്​ മാസത്തിനകം ബാങ്ക്​ ആവശ്യപ്പെടുന്ന പണം അടച്ച്​ ലേലം ഒഴിവാക്കാൻ ആവശ്യപ്പെട്ടു. എന്നാൽ, 10 ലക്ഷം അടക്കാനേ കഴിഞ്ഞുള്ളൂ. അനുവദിച്ച സമയം കഴിഞ്ഞതോടെ വീടി​െൻറ ഉമ്മറപ്പടി ചേർന്ന്​ അളന്നുതിരിച്ച്​ വിൽപനക്ക്​ വെക്കാൻ ബാങ്ക്​ നീക്കം തുടങ്ങിയിരിക്കുകയാണ്​.

ഈ നീക്കം അവസാനിപ്പിക്കണമെന്നും സർഫാസി നിയമത്തിനെതിരെ നിയമസഭ അഡ്​ഹോക്ക്​ കമ്മിറ്റി സമർപ്പിച്ച റിപ്പോർട്ടിലെ ശിപാർശകൾ നടപ്പാക്കാൻ സംസ്ഥാന സർക്കാർ തയാറാവണമെന്നും ഭാരവാഹികൾ ആവശ്യപ്പെട്ടു. കുഞ്ഞുമോൾ വർഗീസിന്​ പുറമെ ടി.കെ. വാസു, പി.ജെ. മോൻസി, പി.ജെ. മാനുവൽ എന്നിവരും വാർത്തസമ്മേളനത്തിൽ പ​ങ്കെടുത്തു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:threatensurface law
News Summary - Surface law: family threatened with eviction
Next Story