താ​ള​വാ​ദ്യ ക​ലാ​കാ​ര​ന്മാ​ർ​ക്ക് വി​ഷു​ക്കോ​ടി​യും കൈ​നീ​ട്ട​വു​മാ​യി സു​രേ​ഷ് ഗോ​പി

തൃ​ശൂ​ർ: താ​ള​വാ​ദ്യ ക​ലാ​കാ​ര​ന്മാ​ർ​ക്ക് വി​ഷു​ക്കോ​ടി​യും കൈ​നീ​ട്ട​വും ‘സ​ർ​പ്രൈ​സ്’ സ​ഹാ​യ പ​ദ്ധ​തി​യും സ​മ്മാ​നി​ച്ച് ന​ട​നും മു​ൻ എം.​പി​യു​മാ​യ സു​രേ​ഷ് ഗോ​പി. തൃ​ശൂ​ർ പൂ​ര​ത്തി​ലെ ഇ​ല​ഞ്ഞി​ത്ത​റ മേ​ളം മ​ഠ​ത്തി​ൽ വ​ര​വ് തു​ട​ങ്ങി എ​ല്ലാ താ​ള​വാ​ദ്യ​ങ്ങ​ളി​ലും ആ​വേ​ശം കൊ​ള്ളി​ക്കു​ന്ന താ​ള​വാ​ദ്യ ക​ലാ​കാ​ര​ൻ​മാ​രു​ടെ സം​ഗ​മ​മാ​യി മാ​റി സു​രേ​ഷ് ഗോ​പി​യു​ടെ വി​ഷു​ക്കൈ​നീ​ട്ട വേ​ദി.

തൃ​ശൂ​ർ കൗ​സ്തു​ഭം ഹാ​ളി​ലാ​യി​രു​ന്നു പ​രി​പാ​ടി. സു​രേ​ഷ്‌ ഗോ​പി​യു​ടെ അ​ന്ത​രി​ച്ച മ​ക​ളു​ടെ പേ​രി​ലു​ള്ള ല​ക്ഷ്മി സു​രേ​ഷ്‌ ഗോ​പി എം.​പീ​സ് ഇ​നീ​ഷ‍്യേ​റ്റി​വി​ന്‍റെ ആ​ഭി​മു​ഖ്യ​ത്തി​ലാ​യി​രു​ന്നു പ​രി​പാ​ടി സം​ഘ​ടി​പ്പി​ച്ച​ത്.

പ​രി​പാ​ടി​യി​ൽ രാ​ഷ്ട്രീ​യ​മി​ല്ല, മ​ത്സ​രി​ക്കു​ന്ന കാ​ര്യം തീ​രു​മാ​നി​ക്കു​ന്ന​തി​ന് മു​മ്പേ പ​ല​രും കാ​ഹ​ളം മു​ഴ​ക്കു​ക​യാ​ണ്. ഇ​ത് എ​ന്തി​നാ​ണെ​ന്ന് മ​ന​സ്സി​ലാ​കു​ന്നി​ല്ലെ​ന്ന് പ​റ​ഞ്ഞ സു​രേ​ഷ് ഗോ​പി കൈ​നീ​ട്ടം ന​ൽ​കി​യ​തി​ന് ആ​രും ത​നി​ക്ക് വോ​ട്ട് ത​രേ​ണ്ടെ​ന്നും പ​റ​ഞ്ഞു. കേ​ര​ള​ത്തി​ലെ എ​ല്ലാ വാ​ദ്യ-​മേ​ള ക​ലാ​കാ​ര​ന്മാ​രു​ടെ​യും ക​ൺ​സോ​ർ​ട്യ​മു​ണ്ടാ​ക്കി​യാ​ൽ ഒ​രു കോ​ടി രൂ​പ സം​ഭാ​വ​ന ചെ​യ്യാ​മെ​ന്ന് അ​ദ്ദേ​ഹം അ​റി​യി​ച്ചു.

പെ​രു​വ​നം കു​ട്ട​ൻ മാ​രാ​ർ, കി​ഴ​ക്കൂ​ട്ട് അ​നി​യ​ൻ മാ​രാ​ർ, കേ​ള​ത്ത് അ​ര​വി​ന്ദാ​ക്ഷ മാ​രാ​ർ എ​ന്നി​വ​ർ ചേ​ർ​ന്ന് സു​രേ​ഷ് ഗോ​പി​യെ ഷാ​ൾ അ​ണി​യി​ച്ചു. പ​ര​യ്ക്കാ​ട് ത​ങ്ക​പ്പ​ൻ മാ​രാ​ർ, പെ​രു​വ​നം സ​തീ​ശ​ൻ, ചെ​റു​ശേ​രി കു​ട്ട​ൻ മാ​രാ​ർ, ക​ക്കാ​ട് രാ​ജ​പ്പ​ൻ മാ​രാ​ർ, തി​ച്ചൂ​ർ മോ​ഹ​ന​ൻ, വെ​ളി​ത്തി​രു​ത്തി ഉ​ണ്ണി, പെ​രു​വ​നം ഹ​രി​ദാ​സ്, വെ​ള​പ്പാ​യ ന​ന്ദ​ൻ, ഏ​ഷ്യാ​ഡ് ശ​ശി, കൊ​മ്പ​ത്ത് അ​നി​ൽ, കെ.​കെ. അ​നീ​ഷ്‌​കു​മാ​ർ, ര​വി​കു​മാ​ർ ഉ​പ്പ​ത്ത്, ര​ഘു​നാ​ഥ് സി. ​മേ​നോ​ൻ തു​ട​ങ്ങി​യ​വ​ർ പ​ങ്കെ​ടു​ത്തു.