സബ്ട്രഷറി മാളയിൽ തന്നെ തുടരണം -ഹൈകോടതി

മാ​ള: അ​ന്ന​മ​ന​ട സ​ബ്ട്ര​ഷ​റി മാ​ള​യി​ൽ ത​ന്നെ തു​ട​ര​ണ​മെ​ന്ന് ഹൈ​കോ​ട​തി. മാ​ള​യി​ലെ നി​ല​വി​ലു​ള്ള കെ​ട്ടി​ട​ത്തി​ന്റെ ന​വീ​ക​ര​ണം, പു​ന​ർ​നി​ർ​മാ​ണം, അ​റ്റ​കു​റ്റ​പ്പ​ണി എ​ന്നി​വ​യി​ൽ ഏ​താ​ണ് വേ​ണ്ട​തെ​ന്ന് വി​ദഗ്ധ സ​മി​തി പ​രി​ശോ​ധ​ന ന​ട​ത്തി ആ​റു​മാ​സ​ത്തി​ന​കം സ​ർ​ക്കാ​ർ ന​ട​പ​ടി പൂ​ർ​ത്തി​യാ​ക്ക​ണം.

പു​ന​ർ​നി​ർ​മാ​ണ​മാ​ണെ​ങ്കി​ൽ അ​ടി​യ​ന്ത​ര​മാ​യി പൂ​ർ​ത്തി​യാ​ക്ക​ണ​മെ​ന്നും അ​ല്ലാ​ത്ത​പ​ക്ഷം മാ​ള പ​ഞ്ചാ​യ​ത്ത് പ​രി​ധി​യി​ൽ ത​ന്നെ ട്ര​ഷ​റി നി​ല​നി​ർ​ത്ത​ണ​മെ​ന്നും ഹൈ​കോ​ട​തി ഉ​ത്ത​ര​വി​ൽ പ​റ​യു​ന്നു. ട്ര​ഷ​റി നി​ർ​മി​ക്കാ​ൻ സൗ​ജ​ന്യ​മാ​യി സ്ഥ​ലം ന​ൽ​കി​യ ഉ​ട​മ ജോ​സ​ഫ് ത​ട്ട​ക​ത്തി​ന്റെ മ​ക​ൻ ഷാ​ന്റി ജോ​സ​ഫ് ന​ൽ​കി​യ ഹ​ര​ജി​യി​ലാ​ണ് ഉ​ത്ത​ര​വ്.

കോ​ട​തി ഉ​ത്ത​ര​വി​ന്റെ വെ​ളി​ച്ച​ത്തി​ലാ​ണ് മാ​ള​യി​ൽ സൗ​ജ​ന്യ കെ​ട്ടി​ട​ത്തി​ൽ ട്ര​ഷ​റി സ്ഥാ​പി​ത​മാ​യ​ത്. 16 വ​ർ​ഷ​മാ​യി അ​ന്ന​മ​ന​ട പ​ഞ്ചാ​യ​ത്തി​ന്റെ ഷോ​പ്പി​ങ് കോം​പ്ല​ക്സി​ൽ വാ​ട​ക​ക്കെ​ട്ടി​ട​ത്തി​ന്റെ ഒ​ന്നാം നി​ല​യി​ലാ​ണ് ട്ര​ഷ​റി പ്ര​വ​ർ​ത്തി​ക്കു​ന്ന​ത്. മ​റ്റ് പ​ഞ്ചാ​യ​ത്തു​ക​ളി​ലെ ഉ​പ​ഭോ​ക്താ​ക്ക​ൾ​ക്ക് ഒ​ന്നി​ൽ കൂ​ടു​ത​ൽ ബ​സ് ക​യ​റി വേ​ണം അ​ന്ന​മ​ന​ട​യി​ൽ എ​ത്താ​ൻ.

കെ​ട്ടി​ടം നി​ർ​മി​ക്കാ​ൻ സൗ​ജ​ന്യ​മാ​യി സ്ഥ​ലം ല​ഭി​ക്കാ​ൻ വ​ർ​ഷ​ങ്ങ​ളാ​യി ട്ര​ഷ​റി വ​കു​പ്പ് അ​ന്വേ​ഷി​ച്ചെ​ങ്കി​ലും ല​ഭ്യ​മാ​കാ​ത്ത​തി​നെ തു​ട​ർ​ന്നാ​ണ് മാ​ള ടൗ​ണി​ൽ ത​ട്ട​ക​ത്ത് ജോ​സ​ഫ് ല​ക്ഷ​ങ്ങ​ൾ വി​ല​മ​തി​ക്കു​ന്ന 13 സെൻറ് സൗ​ജ​ന്യ​മാ​യി ന​ൽ​കി​യ​ത്. സ​ർ​ക്കാ​ർ ഇ​ത് ഏ​റ്റെ​ടു​ക്കു​ക​യും ചെ​യ്തു. കെ​ട്ടി​ട നി​ർ​മാ​ണ​ത്തി​ന്റെ ടെ​ൻ​ഡ​ർ ന​ട​പ​ടി വ​രെ എ​ത്തി​യെ​ങ്കി​ലും അ​ന്ന​ത്തെ എം.​എ​ൽ.​എ​യു​ടെ എ​തി​ർ​പ്പി​നെ തു​ട​ർ​ന്ന് നി​ർ​ത്തി​വെ​ച്ചു.

തു​ട​ർ​ന്ന് ജോ​സ​ഫ് തി​രു​വ​ന​ന്ത​പു​രം ലോ​കാ​യു​ക്ത കോ​ട​തി​യെ സ​മീ​പി​ച്ച് അ​നു​കൂ​ല വി​ധി സ​മ്പാ​ദി​ച്ചു. ഇ​ട​തു​പ​ക്ഷ സ​ർ​ക്കാ​രും ട്ര​ഷ​റി നി​ർ​മാ​ണ​ത്തി​ന് തു​ട​ർ​ന​ട​പ​ടി സ്വീ​ക​രി​ച്ചി​ല്ല. തു​ട​ർ​ന്ന് ജോ​സ​ഫ് ഹൈ​കോ​ട​തി​യെ സ​മീ​പി​ച്ചു. ഒ​മ്പ​തു​വ​ർ​ഷ​ത്തെ നി​യ​മ പോ​രാ​ട്ട​ത്തി​ലൂ​ടെ​യാ​ണ് മാ​ള​യി​ൽ ട്ര​ഷ​റി നി​ർ​മാ​ണ​ത്തി​ന് ഉ​ത്ത​ര​വാ​യ​ത്. 1.14 കോ​ടി രൂ​പ ചെ​ല​വ​ഴി​ച്ചാ​ണ് ഇ​രു​നി​ല കെ​ട്ടി​ടം നി​ർ​മി​ച്ച​ത്.

എ​ന്നാ​ൽ, മാ​റി​വ​ന്ന യു.​ഡി.​എ​ഫ് സ​ർ​ക്കാ​ർ കെ​ട്ടി​ടം ഉ​ദ്ഘാ​ട​ന​ത്തി​ന് ന​ട​പ​ടി സ്വീ​ക​രി​ക്കാ​ത്ത​തി​നെ തു​ട​ർ​ന്ന് ജോ​സ​ഫ് ഹൈ​കോ​ട​തി​യി​ൽ കോ​ട​തി​യ​ല​ക്ഷ്യ കേ​സ് ഫ​യ​ൽ ചെ​യ്തു. 2015 മേ​യ് 11ന് ​പൊ​ലീ​സ് കാ​വ​ലി​ൽ ട്ര​ഷ​റി തു​റ​ന്നു. ജോ​സ​ഫ് ത​ട്ട​ക​ത്ത് ആ​ദ്യ നി​ക്ഷേ​പം ന​ൽ​കി​യും ഭാ​ര്യ കൊ​ച്ചു​മേ​രി പെ​ൻ​ഷ​ൻ കൈ​പ്പ​റ്റി​യും പ്ര​വ​ർ​ത്ത​നം ആ​രം​ഭി​ച്ചു.

2018ലെ ​പ്ര​ള​യ​ത്തി​ൽ കെ​ട്ടി​ട​ത്തി​ന് കേ​ട് സം​ഭ​വി​ച്ചെ​ന്ന ബ്ലോ​ക്ക് പ​ഞ്ചാ​യ​ത്ത് എ​ൻ​ജി​നീ​യ​റു​ടെ റി​പ്പോ​ർ​ട്ടി​നെ തു​ട​ർ​ന്ന് മാ​ള​യി​ൽ ട്ര​ഷ​റി പ്ര​വ​ർ​ത്തി​ക്കാ​ൻ മ​റ്റ് സ്ഥ​ലം പ​ഞ്ചാ​യ​ത്തോ മ​റ്റോ ഒ​രു​ക്കി​ന​ൽ​കാ​ത്ത​തി​നെ തു​ട​ർ​ന്നാ​ണ് അ​ന്ന​മ​ന​ട​യി​ലേ​ക്ക് മാ​റ്റി​യ​ത്.

അ​തേ​സ​മ​യം, പ്ര​ള​യം ട്ര​ഷ​റി​യു​ടെ ചു​റ്റു​മ​തി​ലും ടൈ​ലു​മ​ല്ലാ​തെ മ​റ്റൊ​ന്നും കേ​ട് വ​രു​ത്തി​യി​രു​ന്നി​ല്ല. കോ​ൺ​ക്രീ​റ്റ് പൈ​ലു​ക​ളാ​ൽ നി​ർ​മി​ച്ച കെ​ട്ടി​ട​ത്തി​ന്റെ സ്ട്ര​ക്ച​റി​ന് കേ​ടു​പാ​ട് സം​ഭ​വി​ച്ചി​ട്ടി​ല്ലെ​ന്നും ചെ​റി​യ കേ​ടു​പാ​ടു​ക​ൾ ല​ളി​ത​മാ​യി പ​രി​ഹ​രി​ക്കാ​നാ​കു​മെ​ന്നും ബി.​എ​സ്.​എ​ൻ.​എ​ൽ സൂ​പ്ര​ണ്ടി​ങ് എ​ൻ​ജി​നീ​യ​ർ ഹൈ​കോ​ട​തി​യി​ൽ റി​പ്പോ​ർ​ട്ട് ന​ൽ​കി​യ​ത് അ​നു​കൂ​ല ഘ​ട​ക​മാ​യി.