ഇന്ത്യൻ കോവിഡ്​ വൈറസിന്‍റെ വകഭേദങ്ങൾ പുകവലിക്കാരെ കൂടുതൽ ബാധിക്കുന്നെന്ന്​ പഠനം

തൃശൂർ: ഇന്ത്യൻ കോവിഡ്​ വൈറസി​െൻറ വകഭേദങ്ങൾക്ക്​ പുകവലിക്കാരോട്​ പ്രതിപത്തി കൂടുതലാണെന്ന്​ പഠനങ്ങൾ വെളിപ്പെടുത്തുന്നു. കോവിഡ്​ വൈറസിനെ​​ മനുഷ്യ ശരീരത്തിലെ കോശങ്ങളിലേക്ക്​ കയറാൻ സഹായിക്കുന്ന പ്രോട്ടീനായ എ.സി.ഇ -2 ​െൻറ (ആൻജിയോടെൻസിങ്​ കൺവർട്ടിങ്​ എൻസൈം-2 ) സാന്നിധ്യം ശരീരത്തിൽ വർധിപ്പിക്കുന്നതാണ്​ പുകവലിയെന്നാണ്​ പുതുകണ്ടെത്തലെന്ന്​ പൊതുജനാരോഗ്യ വിഗദ്​ധർ വെളിപ്പെടുത്തുന്നു.

ശരീരത്തിനകത്തേക്ക്​ വൈറസിനെ സ്വീകരിക്കുന്ന വാതായനങ്ങളാണ്​ പ്രോട്ടീനായ എ.സി.ഇ -2 ​. കോവിഡ്​ വകഭേദങ്ങൾ വരു​േമ്പാൾ വൈറസും എ.സി.ഇ-2 ഉം ആയുള്ള ബന്ധം ശക്​തിപ്പെട്ടു വരുന്നതായാണ്​ കണ്ടുവരുന്നത്​. ഇതോടെ രോഗസാധ്യത വർധിക്കുകയാണ്​. ''അതായത്​ ചൈനയിൽ കോവിഡ്​ 19 വൈറസ്​ കണ്ടെത്തു​േമ്പാൾ വൈറസും എ.സി.ഇ-2ഉം പരിചയക്കാർ മാത്രമായിരുന്നു. എന്നാൽ കോവിഡ്​ 19 ഇന്ത്യൻ വകഭേദ വൈറസായി രൂപാന്തരണം പ്രാപിച്ചപ്പോൾ ഇവർ കൂട്ടുകാരായി മാറി''- തിരുവനന്തപുരം മെഡിക്കൽ കോളജ്​ കമ്യൂണിറ്റി മെഡിസിൻ അസോ. പ്രഫസറും പൊതുജനാരോഗ്യ പ്രവർത്തകനുമായ ഡോ. അനീഷ് 'മാധ്യമ'ത്തോട്​ പറഞ്ഞു.

വൈറസിനോട്​ സൗഹൃദം കാണിക്കുന്ന എ.സി.ഇ-2​െൻറ സാന്നിധ്യം കോശങ്ങളിൽ വർധിപ്പിക്കുന്ന പല ഘടകങ്ങളുണ്ട്​. അതിൽ പ്രധാന കാരണം പുകവലിയാണ്​. പുകവലിക്കുന്നവരുടെ ശ്വസന നാളത്തി​െൻറ പ്രതലത്തിലെ കോശങ്ങളിൽ എ.സി.ഇ-2​െൻറ ശക്​ത സാന്നിധ്യം കൂടുതലാണെന്ന്​ പല പഠനങ്ങളും വെളിപ്പെടുത്തുന്നു. അതിനാൽ പുകവലിക്കാരിൽ രോഗസാധ്യത കൂടുതലാണ്​-​ ഡോ. ​അനീഷ്​ പറഞ്ഞു.

പുകവലിയെത്തുടർന്നുണ്ടാകുന്ന 'എംഫിസീമ' എന്ന ശാരീരികാവസ്​ഥ ശ്വാസകോശത്തി​െൻറ പ്രവർത്തനത്തെ ക്ഷയിപ്പിക്കുന്നു. ശ്വാസകോശത്തിനുള്ളിൽ ഉണ്ടാകേണ്ട ചെറു അറകൾ വലിപ്പം വെച്ച്​ ശ്വാസതടക്കമുണ്ടാക്കുന്നതാണ്​ 'എംഫിസീമ'. കോവിഡ്​ 19 നെത്തുടർന്ന്​ ന്യൂമോണിയ വരു​േമ്പാൾ ഇത്തരക്കാരിൽ ശ്വാസകോശത്തി​െൻറ കാര്യക്ഷമത കുറയുകയും ജീവന്​ ഭീഷണി ഉയർത്തുകയും ചെയ്യുന്നു.പുകവലിക്കു​േമ്പാൾ നമ്മുടെ ശ്വാസ നാളത്തിലെ സ്രവങ്ങൾ വരണ്ടുപോകുന്നത്​ ശരീരത്തി​െൻറ പ്രതിരോധ ശേഷിയെ ബാധിക്കുന്നുണ്ട്​. ശരീരത്തിന്​ സഹായകമായ ഹോർമോണുകളും ആൻറിബോഡികളും ഇതോടൊപ്പം നശിക്കുന്നു. കൂട്ടമായി സിഗററ്റ്​ വലിക്കുന്നതും പുക പങ്കുവെക്കുന്നതും കോവിഡ്​ 19 പടരാൻ കാരണമായിട്ടുണ്ട്​.

പുകയില എന്ന വില്ലൻ

പ്രതിവർഷം ​ 60-70 ലക്ഷം പേരാണ്​ പുകയില ജന്യരോഗങ്ങൾ മൂലം ലോകത്ത് മരിക്കുന്നതെന്നാണ് നെന്മാറ അവൈറ്റിസ് ഇൻസ്റ്റിററ്റ്യൂട്ട് ഓഫ് മെഡിക്കൽ സയൻസസിലെ പൾമണോളജിസ്റ്റ് ഡോ.വിനായക് 'മാധ്യമ'ത്തോട് പറഞ്ഞു. ഇന്ത്യയിൽ 10-12 ലക്ഷം പേർ പ്രതിവർഷം പുകയില ഉപയോഗത്തെത്തുടർന്ന്​ മരിക്കുന്നുണ്ട്​. ലോകത്ത്​ നടക്കുന്ന മരണ കാരണങ്ങളിൽ മൂന്നാമതാണ്​ പുകയിലയുമായി ബന്ധപ്പെട്ട മരണങ്ങൾ രേഖപ്പെടുത്തിയിട്ടുള്ളത്​.​

​ക്രോണിക്​ ഒബ്​സ്​ട്രക്​ടീവ്​ പൾമണറി ഡിസീസ്​ (സി.ഒ.പി.ഡി) ആണ്​ പുകയില ഉപയോഗം മൂലം മനുഷ്യനെ ബാധിക്കുന്ന പ്രധാന അസുഖമായി വിലയിരുത്തുന്നത്​.ശ്വാസകോശങ്ങള്‍ ഭാഗീകമായിഅടഞ്ഞുപോകുന്നതും എന്നാല്‍ ഒരിക്കലും വിട്ടുമാറാത്തതുമായ ഒരു മാരകമായ അസുഖമാണിത്​. കേരളം ഉൾപ്പെടെ പുകയില ഉപയോഗിക്കുന്നവരിൽ സ്ത്രീകൾ കൂടി വരുന്നതായി പഠനങ്ങൾ വെളിപ്പെടുത്തുന്നുണ്ട്. സിഗററ്റ് പങ്കിടുന്നത് ഉൾപ്പെടെ കാരണങ്ങൾ കോവിഡ് വ്യാപനത്തിന് ഇടയാക്കിയേക്കുമെന്നും അദ്ദേഹം പറഞ്ഞു.