പൊലീസ് സ്റ്റേഷന്‍ വളപ്പില്‍ വാഴ കൃഷിയുമായി കുട്ടി​പൊലീസ്​

ആമ്പല്ലൂര്‍: വരന്തരപ്പിള്ളി പൊലീസ് സ്റ്റേഷന്‍ വളപ്പില്‍ വാഴകൃഷിയിറക്കി കുട്ടിപൊലീസുകാർ. കൃഷി വകുപ്പിന്‍റെ സഹകരണത്തോടെ മുപ്ലിയം ഗവ. ഹയര്‍ സെക്കൻഡറി സ്‌കൂളിലെ സ്റ്റുഡന്‍റ്​ പൊലീസ് കേഡറ്റുകളാണ്​ കൃഷി ചെയ്​തത്​.

വരന്തരപ്പിള്ളി പഞ്ചായത്ത് പ്രസിഡന്‍റ്​ അജിത സുധാകരന്‍ ഉദ്ഘാടനം ചെയ്തു. സി.ഐ എസ്. ജയകൃഷ്ണന്‍ അധ്യക്ഷത വഹിച്ചു. പ്രധാനാധ്യാപിക എം.വി. ഉഷ, വാര്‍ഡ് മെമ്പര്‍മാരായ വിജിത ശിവദാസന്‍, ബിന്ദു പ്രിയന്‍, കൃഷി ഓഫിസര്‍ നീതു എന്നിവര്‍ സംസാരിച്ചു.