തെ​രു​വു​നാ​യ് ആ​ക്ര​മ​ണം; മെ​ഡി. കോ​ള​ജി​ൽ പ്ര​തി​രോ​ധ മ​രു​ന്നി​ന്​ ക്ഷാ​മം

തൃ​ശൂ​ർ: ഇ​ട​വേ​ള​ക്ക് ശേ​ഷം തെ​രു​വു​നാ​യ്ക്ക​ൾ വീ​ണ്ടും ഭീ​തി പ​ര​ത്തി​യു​ള്ള ആ​ക്ര​മ​ണം തു​ട​രു​മ്പോ​ൾ ജ​ന​ങ്ങ​ളെ ആ​ശ​ങ്ക​യി​ലാ​ക്കി മ​രു​ന്ന് ക്ഷാ​മം. ഏ​റ്റ​വും കൂ​ടു​ത​ൽ ആ​ളു​ക​ൾ ആ​ശ്ര​യി​ക്കു​ന്ന മെ​ഡി​ക്ക​ൽ കോ​ള​ജി​ൽ അ​ട​ക്കം പ്ര​തി​രോ​ധ​മ​രു​ന്ന് ക്ഷാ​മ​ത്തി​ലാ​ണ്. വേ​ണ്ട​ത്ര പ്ര​തി​രോ​ധ മ​രു​ന്നു​ക​ളി​ല്ലാ​ത്ത​തും തെ​രു​വു​നാ​യ വ​ന്ധ്യം​ക​ര​ണ​പ​ദ്ധ​തി​ക​ൾ തു​ട​ങ്ങാ​ത്ത​തും ക​ടു​ത്ത ആ​ശ​ങ്ക ഉ​ണ​ർ​ത്തു​ന്നു.

ക​ഴി​ഞ്ഞ ദി​വ​സ​ങ്ങ​ളി​ലാ​യി വ​ല്ല​ച്ചി​റ, ഊ​ര​കം മേ​ഖ​ല​ക​ളി​ൽ തെ​രു​വു​നാ​യ്ക്ക​ളു​ടെ ആ​ക്ര​മ​ണ​ത്തി​ൽ വി​ദ്യാ​ർ​ഥി​ക​ൾ അ​ട​ക്കം ഒ​മ്പ​ത് പേ​ർ​ക്ക് പ​രി​ക്കേ​റ്റ​തി​ന് പി​ന്നാ​ലെ ചാ​വ​ക്കാ​ട്, കു​ന്നം​കു​ളം, ചൊ​വ്വ​ന്നൂ​ർ എ​ന്നി​വി​ട​ങ്ങ​ളി​ലാ​യി തു​ട​ർ​ച്ച​യാ​യി തെ​രു​വ് നാ​യ് ആ​ക്ര​മ​ണ​ങ്ങ​ളു​ണ്ടാ​യി.

വ​ല്ല​ച്ചി​റ​യി​ൽ വ്യാ​പ​ക​മാ​യി ആ​ളു​ക​ളെ ആ​ക്ര​മി​ച്ച നാ​യ​യെ പി​ന്നീ​ട് വാ​ഹ​ന​മി​ടി​ച്ച് ച​ത്ത നി​ല​യി​ൽ ക​ണ്ടെ​ത്തി​യി​രു​ന്നു. പോ​സ്റ്റ്മോ​ർ​ട്ട​ത്തി​ൽ പേ ​വി​ഷ​ബാ​ധ സ്ഥി​രീ​ക​രി​ക്കു​ക​യും ചെ​യ്തു. പ്ര​തി​ദി​നം നൂ​റി​ലേ​റെ ആ​ളു​ക​ളാ​ണ് തെ​രു​വ്നാ​യ് ആ​ക്ര​മ​ണ​ത്തി​ൽ ചി​കി​ത്സ തേ​ടി മു​ള​ങ്കു​ന്ന​ത്തു​കാ​വ് മെ​ഡി​ക്ക​ൽ കോ​ള​ജി​ൽ ചി​കി​ത്സ തേ​ടി​യെ​ത്തു​ന്ന​ത്.

മു​റി​വി​ൽ കു​ത്തി​വെ​ക്കാ​നു​ള്ള സി​റ​ത്തി​നാ​ണ് ഗ​വ. മെ​ഡി​ക്ക​ൽ കോ​ള​ജി​ൽ ക്ഷാ​മ​മു​ള്ള​ത്. സ്വ​കാ​ര്യ ക​മ്പ​നി​ക​ളി​ൽ നി​ന്ന് മ​രു​ന്ന് ല​ഭി​ക്കു​ന്നി​ല്ലെ​ന്നാ​ണ് പ​റ​യു​ന്ന​ത്. ഒ​രു ഡോ​സി​ന് 800 രൂ​പ വി​ല വ​രു​ന്ന​താ​ണ് പ്ര​തി​രോ​ധ മ​രു​ന്ന്. സ്വ​കാ​ര്യ ആ​ശു​പ​ത്രി​ക​ളി​ൽ ഇ​തി​ന് 1600 രൂ​പ​യാ​ണ് ഈ​ടാ​ക്കു​ന്ന​ത്. സൗ​ജ​ന്യ മ​രു​ന്നു​വി​ത​ര​ണ​ത്തി​ന് മാ​സ​ങ്ങ​ൾ​ക്ക് മു​മ്പേ നി​യ​ന്ത്ര​ണം ഏ​ർ​പ്പെ​ടു​ത്തി​യി​രു​ന്നു.

ഒ​ടു​വി​ൽ സൗ​ജ​ന്യം ബി.​പി.​എ​ൽ രോ​ഗി​ക​ൾ​ക്ക് മാ​ത്ര​മാ​ക്കി. നാ​യ​യു​ടെ​യോ മ​റ്റോ ക​ടി​യേ​റ്റ് ചോ​ര പൊ​ടി​ഞ്ഞാ​ൽ ആ​ന്റി​റാ​ബീ​സ് കു​ത്തി​വെ​പ്പി​നൊ​പ്പം ഹ്യൂ​മ​ൻ റാ​ബീ​സ് ഇ​മ്യൂ​ണോ​ഗ്ലോ​ബു​ലി​ൻ കൂ​ടി ന​ൽ​ക​ണം. വാ​ക്‌​സി​ൻ സൗ​ജ​ന്യ​മാ​ണെ​ങ്കി​ലും ഇ​മ്യൂ​ണോ​ഗ്ലോ​ബു​ലി​ൻ പ​ണം കൊ​ടു​ത്ത് വാ​ങ്ങ​ണം.

കേ​ര​ള​ത്തി​ലെ ക​മ്പ​നി​ക​ൾ മ​രു​ന്ന് നി​ർ​മാ​ണ​ത്തി​ന് മു​ന്നോ​ട്ട് വ​രു​ന്നി​ല്ല. പു​ണെ, മും​ബൈ, ഹൈ​ദ​രാ​ബാ​ദ് എ​ന്നി​വി​ട​ങ്ങ​ളി​ലെ ക​മ്പ​നി​ക​ളാ​ണ് മ​രു​ന്ന് ഉ​ണ്ടാ​ക്കു​ന്ന​ത്. മെ​ഡി​ക്ക​ൽ സ​ർ​വീ​സ​സ് കോ​ർ​പ​റേ​ഷ​ന്റെ മ​രു​ന്ന് വി​ത​ര​ണം കാ​ര്യ​ക്ഷ​മ​മ​ല്ലാ​ത്ത​താ​ണ് മ​രു​ന്ന് ക്ഷാ​മ​ത്തി​ന് കാ​ര​ണ​മാ​യി ആ​ക്ഷേ​പ​മു​യ​രു​ന്ന​ത്. ദ​ക്ഷി​ണേ​ന്ത്യ​ൻ സം​സ്ഥാ​ന​ങ്ങ​ൾ​ക്കൊ​ന്നും മ​തി​യാ​യ ഇ​മ്മ്യൂ​ണോ​ഗ്ലോ​ബു​ലി​ൻ ല​ഭ്യ​മാ​ക്കു​ന്നി​ല്ലെ​ന്നും ആ​ക്ഷേ​പ​മു​ണ്ട്.