വിണ്ണ് തൊടാൻ ​വെമ്പി പൂരപ്പന്തലുകൾ

തൃ​ശൂ​ർ: പൂ​ര​വ​ശ്യ​ത​ക്ക് മാ​റ്റു​കൂ​ട്ടു​ന്ന പ​ന്ത​ലു​ക​ൾ ഒ​രു​ങ്ങു​ന്നു. മ​ണി​ക​ണ്ഠ​നാ​ലി​ൽ പാ​റ​മേ​ക്കാ​വി​ന്റെ​യും ന​ടു​വി​ലാ​ലി​ൽ തി​രു​വ​മ്പാ​ടി​യു​ടെ​യും പൂ​ര​പ്പ​ന്ത​ലു​ക​ളു​ടെ അ​വ​സാ​ന​വ​ട്ട മി​നി​ക്കു​പ​ണി പു​രോ​ഗ​മി​ക്കു​ക​യാ​ണ്. വെ​ള്ളി​യാ​ഴ്ച ഇ​വ പ​ണി പൂ​ർ​ത്തി​യാ​ക്കി ദീ​പാ​ലം​കൃ​ത​മാ​കു​ന്ന​തോ​ടെ പൂ​രാ​വേ​ശം കൊ​ടി​മു​ടി ക​യ​റും.

പ​ന്ത​ലി​ൽ വി​രി​യു​ന്ന ക​ലാ​വ​സ​ന്ത​ത്തി​ന്​ മാ​റ്റു​കൂ​ട്ടാ​ൻ ഉ​ച്ചി മു​ത​ൽ താ​ഴെ​വ​രെ ബ​ൾ​ബു​ക​ൾ കൂ​ടി വി​ന്യ​സി​ക്കു​ന്ന​തോ​ടെ പു​രു​ഷാ​ര​ത്തി​നി​ത് സ്വ​പ്ന​പ്പ​ന്ത​ലു​ക​ളാ​വും. സാ​​ങ്കേ​തി​ക തി​ക​വി​ൽ ആ​ക​ർ​ഷ​ക​മാ​യ സ്കെ​ച്ചു​ക​ൾ തീ​ർ​ത്ത് കൃ​ത്യ​മാ​യ എ​ൻ​ജി​നീ​യ​റി​ങ് മി​ക​വോ​ടെ​യാ​ണ് ഇ​വ ഒ​രു​ക്കു​ന്ന​ത്.

ഉ​ല​ച്ചി​ലോ വ​ള​വോ ചെ​രി​വോ ഇ​ല്ലാ​തെ അ​ത്ര​മേ​ൽ നി​ഷ്ക​ർ​ഷ​ത​യോ​ടെ ര​ണ്ടാ​ഴ്ച​യി​ൽ കൂ​ടു​ത​ലാ​യി പ​ന്ത​ൽ പ​ണി തു​ട​രു​ക​യാ​ണ്. ഉ​യ​ർ​ന്നു​പൊ​ങ്ങി​യ പ​ന്ത​ലി​ൽ ക​യ​റി ക​ന​ത്ത ചൂ​ടി​ൽ നി​ർ​മാ​ണ പ്ര​വ​ർ​ത്ത​നം വ​ലി​യ പ്ര​യാ​സ​ക​ര​മാ​ണ്. എ​ന്നി​ട്ടും വി​ണ്ണും മ​ണ്ണും മ​ന​വും നി​റ​യു​ന്ന തൃ​ശൂ​ർ പൂ​ര​ത്തി​ന്റെ വ​ശ്യ​മ​നോ​ഹാ​ര്യ​ത​ക്ക് മാ​റ്റു​കൂ​ട്ടാ​ൻ ഇ​രു​വി​ഭാ​ഗ​വും പാ​ര​മ്പ​ര്യം ഏ​റെ​യു​ള്ള പ​ന്ത​ലു​കാ​രെ​യാ​ണ് നി​ർ​മാ​ണ​ത്തി​ന് ഏ​ൽ​പ്പി​ച്ചി​രി​ക്കു​ന്ന​ത്.

തി​രു​വ​മ്പാ​ടി​ക്ക് ചെ​റു​തു​രു​ത്തി മാ​ളി​​യേ​ക്ക​ൽ സെ​യ്ത​ല​വി (50) ആ​ണ് പ​ന്ത​ലൊ​രു​ക്കു​ന്ന​ത്. ക​ഴി​ഞ്ഞ 13 വ​ർ​ഷ​മാ​യി ത​ന്റെ ആ​രാ​ധ​ന പ​ന്ത​ൽ വ​ർ​ക്ക്സു​മാ​യി അ​ദ്ദേ​ഹം പൂ​ര​ത്തി​നു​ണ്ട്. 30 തൊ​ഴി​ലാ​ളി​ക​ൾ രാ​വി​ലെ എ​ട്ടു മു​ത​ൽ രാ​ത്രി ഒ​മ്പ​ത് വ​രെ​യാ​ണ് പ​ണി​ക്കു​ള്ള​ത്.

പ​ന്ത​ലി​ന്റെ ഉ​ച്ചി​യാ​ണ് ഇ​പ്പോ​ൾ ഒ​രു​ക്കു​ന്ന​ത്. മ​ക​ൻ ആ​ർ​ക്കി​ടെ​ക്ട് ഹൈ​ദ​ര​ലി​യു​ടെ ഡി​സൈ​നി​ലാ​ണ് ഗോ​പു​ര​പ​ന്ത​ൽ നി​ർ​മാ​ണം പു​രോ​ഗ​മി​ക്കു​ന്ന​ത്. എ​ട്ടാം ക്ലാ​സി​ൽ പ​ഠി​ക്കു​മ്പോ​ൾ തൃ​ശൂ​ർ പൂ​ര പ​ന്ത​ൽ ഡി​സൈ​ൻ ചെ​യ്ത് ഞെ​ട്ടി​ച്ച മ​ക​ൻ ഇ​പ്പോ​ഴും സ​ഹാ​യി​യാ​യു​ണ്ടെ​ന്ന് സെ​യ്ത​ല​വി പ​റ​ഞ്ഞു.

നെ​ന്മാ​റ, മ​ച്ചാ​ട്, ഉ​ത്രാ​ളി​ക്കാ​വ് അ​ട​ക്കം പൂ​ര​ങ്ങ​ൾ​ക്ക് സ്ഥി​ര​മാ​യി പ​ന്ത​ലൊ​രു​ക്കു​ന്ന​ത് ആ​രാ​ധ​ന ടീ​മാ​ണ്. ര​ണ്ട് ല​ക്ഷ​ത്തോ​ളം ഡി​ജി​റ്റ​ൽ ബ​ൾ​ബു​ക​ൾ ഉ​പ​യോ​ഗി​ച്ചാ​യി​രി​ക്കും പ​ന്ത​ൽ പ്ര​കാ​ശ​പൂ​രി​ത​മാ​ക്കു​ക. പു​ർ​ണ​മാ​യി ഡി​ജി​റ്റ​ൽ ബ​ൾ​ബ് ഉ​പ​യോ​ഗി​ച്ചു​ള്ള ആ​ദ്യ പ​ന്ത​ലാ​വും ഇ​ക്കു​റി​യു​ണ്ടാ​വു​ക.

മ​ണി​ക​ണ്ഠ​നാ​ലി​ൽ വി​രി​യു​ന്ന പ​ന്ത​ൽ ഒ​രു​ക്കു​ന്ന​ത് ആ​റാ​ട്ടു​പു​ഴ മ​ണു​വ​ത്ത് വീ​ട്ടി​ൽ കൃ​ഷ്ണ​കു​മാ​ർ (57) ആ​ണ്. 15 പ​ന്ത​ൽ പ​ണി​ക്കാ​രും 15 ലൈ​റ്റ് പ​ണി​ക്കാ​രും അ​ട​ക്കം 30 പേ​രാ​ണ് നി​ർ​മാ​ണ​ത്തി​നു​ള്ള​ത്. 26 വ​ർ​ഷ​മാ​യി ഈ ​മേ​ഖ​ല​യി​ൽ പ​ണി​യെ​ടു​ക്ക​ന്ന കൃ​ഷ്ണ​കു​മാ​റി​ന് ഇ​ത് ര​ണ്ടാം ത​വ​ണ​യാ​ണ് പൂ​ര​പ്പ​ന്ത​ൽ നി​യോ​ഗം.

രാ​വി​ലെ എ​ട്ടി​ന് തു​ട​ങ്ങി രാ​ത്രി ഏ​റെ വൈ​കി പ​ണി അ​വ​സാ​നി​ക്കു​മ്പോ​ഴും പ​ണി​ക്കാ​രി​ൽ ഒ​രാ​ളാ​യി അ​ദ്ദേ​ഹം കൂ​ടെ​യു​ണ്ടാ​വും. ഒ​ന്ന​ര​ല​ക്ഷം എ​ൽ.​ഇ.​ഡി ബ​ൾ​ബു​ക​ളാ​ൽ ഔ​ട്ട​ർ അ​ട​ക്കം കൃ​ത്യ​മാ​യി തെ​ളി​ഞ്ഞു​കി​ട്ടു​ന്ന ത​ര​ത്തി​ലാ​ണ് പ​ന്ത​ൽ അ​ല​ങ്ക​രി​ക്കു​ക​യെ​ന്ന് അ​ദ്ദേ​ഹം പ​റ​ഞ്ഞു. ആ​റാ​ട്ടു​പു​ഴ പൂ​രം അ​ട​ക്കം മേ​ഖ​ല​യി​ലെ പ്ര​സി​ദ്ധ പൂ​ര​ങ്ങ​ൾ​ക്ക് പ​ന്ത​ലു​ക​ൾ ഒ​രു​ക്കു​ന്ന സം​ഘ​മാ​ണി​ത്.

സ്ത്രീകൾക്ക്​ സുരക്ഷിതമായി പൂരം കാണാൻ ‘പിങ്ക്​’ കേന്ദ്രങ്ങൾ

തൃ​ശൂ​ർ: പൂ​രം കാ​ണാ​നെ​ത്തു​ന്ന സ്ത്രീ​ക​ളു​ടെ സു​ര​ക്ഷ​ക്കും പ്രാ​ഥ​മി​കാ​വ​ശ്യ​ങ്ങ​ൾ നി​ർ​വ​ഹി​ക്കാ​നു​മാ​യി സ്വ​രാ​ജ് റൗ​ണ്ടി​ന്​ സ​മീ​പം ‘പി​ങ്ക്’ സു​ര​ക്ഷി​ത കേ​ന്ദ്ര​ങ്ങ​ൾ ഒ​രു​ക്കി സി​റ്റി പൊ​ലീ​സ്. പൂ​രം കാ​ണാ​നെ​ത്തു​ന്ന സ്ത്രീ​ക​ൾ, മു​ല​യൂ​ട്ടു​ന്ന അ​മ്മ​മാ​ർ, പ്രാ​യ​മാ​യ സ്ത്രീ​ക​ൾ എ​ന്നി​വ​ർ​ക്കെ​ല്ലാം ഉ​പ​കാ​ര​മാ​കു​ന്ന രീ​തി​യി​ൽ സു​ര​ക്ഷ സൗ​ക​ര്യ​ങ്ങ​ളും മു​ല​യൂ​ട്ട​ൽ കേ​ന്ദ്ര​ങ്ങ​ളും ടോ​യ്ല​റ്റ് സൗ​ക​ര്യ​വും ഇ​വി​ടെ ഉ​ണ്ടാ​കു​മെ​ന്ന്​ പൊ​ലീ​സ് ക​മീ​ഷ​ണ​ർ അ​ങ്കി​ത് അ​ശോ​ക​ൻ അ​റി​യി​ച്ചു.

ആ​വ​ശ്യ​മെ​ങ്കി​ൽ അ​ൽ​പ​സ​മ​യം ഇ​വി​ടെ വി​ശ്ര​മി​ക്കു​ക​യു​മാ​കാം. സ്വ​രാ​ജ് റൗ​ണ്ടി​നോ​ട്​ ചേ​ർ​ന്ന് പ്ര​വ​ർ​ത്തി​ക്കു​ന്ന പൊ​തു, സ്വ​കാ​ര്യ സ്ഥാ​പ​ന​ങ്ങ​ളോ സ്കൂ​ളു​ക​ളോ കോ​ള​ജു​ക​ളോ ആ​ണ് താ​ൽ​ക്കാ​ലി​ക പി​ങ്ക്​ കേ​ന്ദ്ര​ങ്ങ​ളാ​വു​ക. ഇ​വി​ടെ മു​ഴു​വ​ൻ സ​മ​യ​വും വ​നി​ത പൊ​ലീ​സ്​ ഉ​ദ്യോ​ഗ​സ്ഥ​രു​ടെ സേ​വ​ന​മു​ണ്ടാ​കും. സ​ന്ന​ദ്ധ സം​ഘ​ട​ന​ക​ളു​മാ​യി ചേ​ർ​ന്ന് ല​ഘു​പാ​നീ​യ വി​ത​ര​ണ​ത്തി​ന്​ ശ്ര​മം ന​ട​ത്തു​ന്നു​ണ്ട്.

വ​നി​ത സെ​ൽ ഇ​ൻ​സ്പെ​ക്ട​ർ പി.​വി. സി​ന്ധു​വി​നാ​ണ് ചു​മ​ത​ല. പി​ങ്ക് സു​ര​ക്ഷി​ത കേ​ന്ദ്ര​ങ്ങ​ളു​ടെ വി​വ​ര​ങ്ങ​ൾ പൊ​തു​ജ​ന​ങ്ങ​ളെ അ​റി​യി​ക്കു​മെ​ന്ന് ക​മീ​ഷ​ണ​ർ അ​റി​യി​ച്ചു. ഫോ​ൺ: സി​റ്റി പൊ​ലീ​സ് വ​നി​ത സെ​ൽ - 0487 2420000, വ​നി​ത പൊ​ലീ​സ് സ്റ്റേ​ഷ​ൻ - 0487 2420720, പൊ​ലീ​സ് ക​ൺ​ട്രോ​ൾ റൂം - 0487 2424193.