യുവാവിന് കുത്തേറ്റ സംഭവം: ഒരാൾ കൂടി പിടിയിൽ

കേച്ചേരി: മണലി തെങ്ങ് കോളനിയിൽ സംഘർഷത്തിനിടെ യുവാവിന് കുത്തേറ്റ കേസിൽ ഒരാളെ കൂടി പൊലീസ് പിടികൂടി. തൂവാനൂർ കുളങ്ങര വളപ്പിൽ അതുൽ കൃഷ്ണയെയാണ് (21) കുന്നംകുളം പൊലീസ് അറസ്റ്റ് ചെയ്തത്. പ്രതിയെ റിമാൻഡ് ചെയ്തു. മണലി തെങ്ങ് കോളനിയിലെ പാനംപാട്ട് വീട്ടിൽ പ്രദീപിനാണ് (25) കുത്തേറ്റത്. കഴിഞ്ഞ മൂന്നിനായിരുന്നു സംഭവം. കേസിൽ ആറു പേരെ നേരത്തെ അറസ്റ്റ് ചെയ്തിരുന്നു.