സ്പി​ന്നി​ങ് മി​ൽ പു​ന​രു​ജ്ജീ​വ​നം: സ​മ​ഗ്ര പാ​ക്കേ​ജ് വേ​ണം -കെ.​പി. രാ​ജേ​ന്ദ്ര​ൻ

തൃ​ശൂ​ർ: സ്പി​ന്നി​ങ് മി​ല്ലു​ക​ളെ പു​ന​രു​ജ്ജീ​വി​പ്പി​ക്കാ​ൻ കേ​ര​ള സ​ർ​ക്കാ​ർ സ​മ​ഗ്ര പാ​ക്കേ​ജ് കൊ​ണ്ടു​വ​ര​ണ​മെ​ന്ന് എ.​ഐ.​ടി.​യു.​സി ജ​ന​റ​ൽ സെ​ക്ര​ട്ട​റി​യും മു​ൻ റ​വ​ന്യൂ മ​ന്ത്രി​യു​മാ​യ കെ.​പി. രാ​ജേ​ന്ദ്ര​ൻ. മാ​ധ്യ​മം പ​ത്ര​ത്തി​ൽ വ​ന്ന ‘ഇ​ഴ പൊ​ട്ടി​യ പ്ര​താ​പം’ പ​ര​മ്പ​ര​യോ​ട് പ്ര​തി​ക​രി​ക്കു​ക​യാ​യി​രു​ന്നു അ​ദ്ദേ​ഹം. സ​ർ​ക്കാ​റി​ന്റെ സ​ഹാ​യം ഉ​ണ്ടെ​ങ്കി​ലേ മി​ല്ലു​ക​ൾ​ക്ക് പി​ടി​ച്ചു​നി​ൽ​ക്കാ​നാ​കൂ. രാ​ജ്യ​ത്തെ 23 എ​ൻ.​ടി.​സി മി​ല്ലു​ക​ൾ പൂ​ട്ടാ​ൻ തീ​രു​മാ​നി​ച്ചു. കേ​ര​ള​ത്തി​ലെ അ​ള​ഗ​പ്പ​യും കേ​ര​ള ല​ക്ഷ്മി​യും ഉ​ൾ​പ്പെ​ടെ അ​ഞ്ച് മി​ല്ലു​ക​ളും ഇ​ക്കൂ​ട്ട​ത്തി​ലു​ണ്ട്.

ഒ​രു​കാ​ല​ത്ത് സം​സ്ഥാ​ന സ​ർ​ക്കാ​റി​ന്റെ കൈ​യി​ലു​ണ്ടാ​യി​രു​ന്ന ഭൂ​മി​യാ​ണ് നാ​ഷ​ന​ൽ ടെ​ക്സ്റ്റൈ​ൽ​സ് കോ​ർ​പ​റേ​ഷ​ൻ രൂ​പ​വ​ത്ക​രി​ച്ച​പ്പോ​ൾ വി​ട്ടു​കൊ​ടു​ത്ത് സ്പി​ന്നി​ങ് മി​ല്ലു​ക​ൾ തു​ട​ങ്ങി​യ​ത്. അ​ക്കാ​ല​ത്ത് ഭൂ​മി കൈ​മാ​റു​മ്പോ​ൾ വ്യ​വ​സ്ഥ​വെ​ച്ചി​രു​ന്നു. സ്ഥ​ലം സ്പി​ന്നി​ങ് മി​ല്ലി​ന് ഉ​പ​യോ​ഗി​ക്കാം. അ​ങ്ങ​നെ തൊ​ഴി​ൽ അ​വ​സ​ര​ങ്ങ​ൾ ഉ​ണ്ടാ​ക​ണം, തൊ​ഴി​ൽ സു​ര​ക്ഷ വേ​ണം എ​ന്ന​തു​ൾ​പ്പെ​ടെ വ്യ​വ​സ്ഥ ചെ​യ്തി​രു​ന്നു. തൊ​ഴി​ൽ സു​ര​ക്ഷ​ക്ക് ഭീ​ഷ​ണി​യാ​വു​ക​യും തൊ​ഴി​ലാ​ളി​ക​ൾ​ക്കു​ള്ള ആ​നു​കൂ​ല്യ​ങ്ങ​ളും ഇ​പ്പോ​ൾ നി​ഷേ​ധി​ക്ക​പ്പെ​ടു​ക​യും ചെ​യ്യു​ന്നു​ണ്ട്. ഈ ​അ​വ​സ്ഥ​യി​ൽ കേ​ര​ള സ​ർ​ക്കാ​റി​ന് മി​ല്ലി​ന് ന​ൽ​കി​യ ഭൂ​മി തി​രി​ച്ചു​ചോ​ദി​ക്കാ​വു​ന്ന​താ​ണ്. ഇ​ക്കാ​ര്യം വ്യ​വ​സാ​യ മ​ന്ത്രി പി. ​രാ​ജീ​വു​മാ​യി ഒ​ന്നി​ല​ധി​കം ത​വ​ണ പ​ങ്കു​വെ​ച്ചി​ട്ടു​ണ്ട്. കേ​ര​ള​ത്തി​ലെ എ​ൻ.​ടി.​സി​ക​ളി​ൽ കൂ​ടു​ത​ൽ ഭൂ​മി ന​ൽ​കി​യ​ത് തൃ​ശൂ​രി​ലെ അ​ള​ഗ​പ്പ​യും പു​ല്ല​ഴി​യി​ലെ കേ​ര​ള ല​ക്ഷ്മി മി​ല്ലു​മാ​ണ്.

ഒ​രി​ക്ക​ൽ ബി.​സി.​സി.​ഐ കേ​ര​ള​ത്തി​ൽ ക്രി​ക്ക​റ്റ് സ്റ്റേ​ഡി​യം അ​നു​വ​ദി​ക്കാ​ൻ തീ​രു​മാ​നി​ച്ച​പ്പോ​ൾ ക​ണ്ടു​​വെ​ച്ചി​രു​ന്ന ഭൂ​മി​യാ​ണ് പു​ല്ല​ഴി​യി​ലെ കേ​ര​ള ല​ക്ഷ്മി​യു​ടേ​ത്. പ​ക്ഷേ, കേ​ര​ള ക്രി​ക്ക​റ്റ് അ​സോ​സി​യേ​ഷ​ന് താ​ൽ​പ​ര്യ​മി​ല്ലാ​ത്ത​തി​നാ​ൽ ന​ട​ന്നി​ല്ല. പൂ​ങ്കു​ന്നം സീ​താ​റാം മി​ല്ലി​ൽ 15 വ​ർ​ഷം ട്രേ​ഡ് യൂ​നി​യ​ൻ നേ​തൃ​സ്ഥാ​നം വ​ഹി​ച്ചി​രു​ന്നു. വ്യ​വ​സാ​യ വ​കു​പ്പ് നേ​രി​ട്ടു​ന​ട​ത്തു​ന്ന സം​സ്ഥാ​ന​ത്തെ ഏ​ക മി​ല്ലാ​ണി​ത്.

1997-98 വ​ർ​ഷം മി​ല്ലി​ന്റെ സ്ഥ​ലം വി​ൽ​ക്കാ​ൻ എ​ടു​ത്ത തീ​രു​മാ​ന​ത്തെ ശ​ക്ത​മാ​യി എ​തി​ർ​ത്ത​യാ​ളാ​ണ് ഞാ​ൻ. പ​ക്ഷേ, വി​ൽ​പ​ന​ക്കു​ശേ​ഷം ഒ​ര​ടി​പോ​ലും ക​മ്പ​നി മു​ന്നോ​ട്ടു​പോ​യി​ല്ലെ​ന്ന​ത് ഇ​ന്നും വി​ഷ​മി​പ്പി​ക്കു​ന്നു. മി​ല്ലി​ന്റെ ഒ​രി​ഞ്ച് സ്ഥ​ലം പോ​ലും ഇ​നി വി​റ്റ​ഴി​ക്കാ​ൻ പാ​ടി​ല്ലെ​ന്ന് ത​ന്നെ​യാ​ണ് ഇ​പ്പോ​ഴ​ത്തെ​യും നി​ല​പാ​ട്.