തൊ​ഴി​ലു​റ​പ്പ് പ​ദ്ധ​തി​യി​ൽ സ്മാ​ര്‍ട്ടാ​യി ത​ലോ​ര്‍ പാ​റ​പ്പു​റം അം​ഗ​ൻ​വാ​ടി

ആ​മ്പ​ല്ലൂ​ര്‍: വ​ര്‍ഷ​ങ്ങ​ളാ​യി വാ​ട​ക കെ​ട്ടി​ട​ങ്ങ​ളി​ല്‍ പ്ര​വ​ര്‍ത്തി​ച്ചു വ​ന്നി​രു​ന്ന ത​ലോ​ര്‍ പാ​റ​പ്പു​റം അം​ഗ​ൻ​വാ​ടി​ക്ക് ഇ​നി സ്വ​ന്തം കെ​ട്ടി​ട​വും സ്മാ​ര്‍ട്ട് പ​ദ​വി​യും. കൊ​ട​ക​ര ബ്ലോ​ക്ക് പ​രി​ധി​യി​ല്‍ ഉ​ള്‍പ്പെ​ട്ട നെ​ന്മ​ണി​ക്ക​ര പ​ഞ്ചാ​യ​ത്തി​ലാ​ണ് മ​ഹാ​ത്മാ​ഗാ​ന്ധി തൊ​ഴി​ലു​റ​പ്പ് പ​ദ്ധ​തി​യി​ലൂ​ടെ അം​ഗ​ൻ​വാ​ടി സ്മാ​ര്‍ട്ടാ​യ​ത്.

കു​രു​ന്നു​ക​ള്‍ക്ക് സ്വ​ന്ത​മാ​യി ക്ലാ​സ്മു​റി ഒ​രു​ക്കി കൊ​ടു​ക്കാ​ന്‍ കൊ​ട​ക​ര ബ്ലോ​ക്ക് പ​ഞ്ചാ​യ​ത്ത് മു​ന്നി​ട്ടി​റ​ങ്ങി​യ​തോ​ടെ നെ​ന്മ​ണി​ക്ക​ര ഗ്രാ​മ​പ​ഞ്ചാ​യ​ത്ത് വാ​ങ്ങി​യ നാ​ല് സെൻറ്​ സ്ഥ​ല​ത്താ​ണ്​ ആ​ധു​നി​ക സൗ​ക​ര്യ​ങ്ങ​ളോ​ടെ അം​ഗ​ൻ​വാ​ടി ഉ​യ​ര്‍ന്ന​ത്. 17 ല​ക്ഷം വി​നി​യോ​ഗി​ച്ചാ​ണ് പ​ദ്ധ​തി പൂ​ര്‍ത്തീ​ക​രി​ച്ച​ത്. കൊ​ട​ക​ര ബ്ലോ​ക്ക് പ​ഞ്ചാ​യ​ത്തി​െൻറ ഫ​ണ്ടി​ല്‍ നി​ന്ന് 10 ല​ക്ഷ​വും വ​നി​ത ശി​ശു വി​ക​സ​ന വ​കു​പ്പി​ല്‍ നി​ന്ന്​ ര​ണ്ട്​ ല​ക്ഷ​വും ല​ഭ്യ​മാ​ക്കി. തൊ​ഴി​ലു​റ​പ്പ് പ​ദ്ധ​തി​യി​ല്‍ നി​ന്ന്​ അ​ഞ്ച്​ ല​ക്ഷം കൂ​ടി ചെ​ല​വ​ഴി​ച്ച് 516 തൊ​ഴി​ല്‍ ദി​ന​ങ്ങ​ളി​ലൂ​ടെ​യാ​ണ് ര​ണ്ട്​ നി​ല​ക​ളി​ലാ​യി അം​ഗ​ൻ​വാ​ടി ഉ​യ​ര്‍ന്ന​ത്. 2020 ജൂ​ണി​ലാ​ണ് നി​ര്‍മാ​ണ​പ്ര​വ​ര്‍ത്ത​നം തു​ട​ങ്ങി​യ​ത്.

മു​ക​ളി​ലെ നി​ല​യി​ല്‍ ക്ലാ​സ് റൂ​മും ശി​ശു സൗ​ഹൃ​ദ ടോ​യ്‌​ല​റ്റും സ​ജ്ജ​മാ​ക്കി. താ​ഴെ നി​ല​യി​ല്‍ ക​ളി​സ്ഥ​ല​മാ​യോ ഓ​ഫി​സാ​യോ ഉ​പ​യോ​ഗി​ക്കാ​വു​ന്ന ഹാ​ളും അ​ടു​ക്ക​ള​യും ടോ​യ്‌​ല​റ്റ് സൗ​ക​ര്യ​വു​മു​ണ്ട്. കെ​ട്ടി​ടം പ​ണി പൂ​ര്‍ത്തി​യാ​യ ശേ​ഷം ഗ്രാ​മ​പ​ഞ്ചാ​യ​ത്ത് ഫ​ണ്ട് ചെ​ല​വ​ഴി​ച്ച് ചു​റ്റു​മ​തി​ല്‍ കെ​ട്ടി അം​ഗ​ൻ​വാ​ടി സു​ര​ക്ഷി​ത​മാ​ക്കി​യി​ട്ടു​ണ്ട്.

കു​ട്ടി​ക​ളു​ടെ ക​ഴി​വു​ക​ള്‍ വ​ള​ര്‍ത്താ​നാ​വ​ശ്യ​മാ​യ മി​ക​ച്ച സൗ​ക​ര്യ​ങ്ങ​​ളോ​ടെ പ്ര​വ​ര്‍ത്തി​ക്കാ​ന്‍ സ്മാ​ര്‍ട്ട് അം​ഗ​ൻ​വാ​ടി​ക്ക് സാ​ധി​ക്കും. കോ​വി​ഡ് സാ​ഹ​ച​ര്യം മാ​റി സാ​ധാ​ര​ണ​ജീ​വി​തം സാ​ധ്യ​മാ​കു​മ്പോ​ള്‍ ത​ലോ​ര്‍ പാ​റ​പ്പു​റ​ത്തെ കു​രു​ന്നു​ക​ള്‍ക്ക് ഇ​നി സ്വ​ന്തം ക്ലാ​സ് മു​റി​യി​ല്‍ ത​ങ്ങ​ളു​ടെ അ​റി​വി​െൻറ ആ​ദ്യ​പാ​ഠ​ങ്ങ​ള്‍ നു​ക​രാം. തൊ​ഴി​ലു​റ​പ്പു​മാ​യു​ള്ള സം​യോ​ജ​ന പ​ദ്ധ​തി​ക​ളി​ലൂ​ടെ വി​ക​സ​ന പ്ര​വ​ര്‍ത്ത​ന​ങ്ങ​ള്‍ക്കു​ള്ള ഏ​ത് പ്ര​തി​സ​ന്ധി​യും മ​റി​ക​ട​ക്കാ​നാ​വും എ​ന്ന​തി​െൻറ മി​ക​ച്ച മാ​തൃ​ക കൂ​ടി​യാ​ണ് കൊ​ട​ക​ര ബ്ലോ​ക്ക് പ​ഞ്ചാ​യ​ത്തി​െൻറ ഈ ​പ്ര​വ​ര്‍ത്ത​നം.