കടലിൽ അപകടത്തിൽപ്പെട്ട ആറ് മത്സ്യത്തൊഴിലാളികളെ രക്ഷിച്ചു

തൃപ്രയാർ: പൊന്നാനിയിൽ നിന്ന് നാട്ടിക കടൽ മേഖലയിൽ മത്സ്യബന്ധനത്തിനു പോയി അപകടത്തിൽപ്പെട്ട ആറ് മത്സ്യത്തൊഴിലാളികളെ രക്ഷിച്ചു. മറ്റു ബോട്ടിലെ തൊഴിലാളികളാണ് ഇവരെ രക്ഷപ്പെടുത്തിയത്. ബോട്ട് അപകടത്തിൽപ്പെട്ടതായി ഇവർ സന്ദേശം അയച്ചതിനെ തുടർന്ന്​ കോസ്​റ്റ്​ ഗാർഡ് തിങ്കളാഴ്ച പുലർച്ച വരെ തിരഞ്ഞെങ്കിലും കണ്ടെത്താനായിരുന്നില്ല.

പൊന്നാനി അഴീക്കൽ സ്വദേശികളായ ഹാജിയാരകത്ത് നാസർ (40), ചൊക്കിൻറകത്ത് സുബൈർ (41), അവുറക്കാനകത്ത് കുഞ്ഞൻബാവ (53), കുഞ്ഞിരായിൻകുട്ടിയാനകത്ത് മുനവ്വിർ (36), ഹാജിയാരകത്ത് വീട്ടിൽ ഷെഫീർ (35), സ്വപ്ന ഗണപതി (ഒഡീഷ) എന്നിവരാണ് രക്ഷപ്പെട്ടത്.