സീ​താ​റാം, വി​രു​പ്പാ​ക്ക മി​ല്ലു​ക​ൾ​ക്ക്​ വീ​ണ്ടും ജീ​വ​ൻ വെ​ക്കു​ന്നു

തൃ​ശൂ​ർ: ശ​മ്പ​ളം കു​ടി​ശ്ശി​ക​യാ​ക്കി, തൊ​ഴി​ലാ​ളി​ക​ളെ പ​ടി​യി​റ​ക്കി അ​ട​ച്ചു​പൂ​ട്ട​ലി​ന് സ​മാ​ന​മാ​യി മാ​സ​ങ്ങ​ളാ​യി ‘ലേ ​ഓ​ഫി’​ലാ​യ സീ​താ​റാം, വി​രു​പ്പാ​ക്ക ടെ​ക്സ്റ്റൈ​ൽ​മി​ല്ലു​ക​ൾ വീ​ണ്ടും പ്ര​വ​ർ​ത്തി​ക്കും. ആ​ദ്യ​ഘ​ട്ട​മാ​യി സ​ർ​ക്കാ​ർ അ​നു​വ​ദി​ച്ച തു​ക അ​ക്കൗ​ണ്ടി​ലെ​ത്തി.

തൊ​ഴി​ലാ​ളി​ക്ക് ഒ​രു മാ​സ​ത്തെ ശ​മ്പ​ള​വും ബോ​ണ​സും വി​ത​ര​ണം ചെ​യ്ത് തു​ട​ങ്ങി. സ​മ്പൂ​ർ​ണ അ​ട​ച്ചു​പൂ​ട്ട​ൽ തീ​രു​മാ​നി​ച്ച് ആ​റ് മാ​സ​മാ​യി ലേ ​ഓ​ഫി​ലാ​ണ് മി​ല്ലു​ക​ൾ. ഇ​തി​ലാ​ണ് അ​ട​ച്ചി​ട്ട മി​ല്ലു​ക​ൾ തു​റ​ന്ന് പ്ര​വ​ർ​ത്തി​ക്കാ​ൻ സ​ർ​ക്കാ​ർ 10.5 കോ​ടി അ​നു​വ​ദി​ച്ച​ത്. ഇ​ത​നു​സ​രി​ച്ച് സീ​താ​റാം (1.6 കോ​ടി), വി​രു​പ്പാ​ക്ക (1.30 കോ​ടി) മി​ല്ലു​ക​ൾ​ക്കാ​യി മൂ​ന്ന് കോ​ടി​യാ​ണ് ല​ഭി​ച്ച​ത്. ചൊ​വ്വാ​ഴ്ച​യോ​ടെ എ​ല്ലാ തൊ​ഴി​ലാ​ളി​ക​ൾ​ക്കും ല​ഭി​ക്കു​മെ​ന്നാ​ണ് പ​റ​യു​ന്ന​ത്.

സ​ർ​ക്കാ​ർ സ​ഹാ​യ​മി​ല്ലാ​താ​യ​തും വാ​യ്പാ സൗ​ക​ര്യ​ങ്ങ​ളി​ല്ലാ​താ​യ​തും മി​ല്ലു​ക​ളെ ക​ട​ക്കെ​ണി​യി​ലാ​ക്കി​യി​രു​ന്നു. പ​ഞ്ഞി​യ​ട​ക്ക​മു​ള്ള അ​സം​സ്കൃ​ത വ​സ്തു​ക്ക​ളു​ടെ ല​ഭ്യ​ത കു​റ​വും വാ​ങ്ങി ശേ​ഖ​രി​ക്കാ​ൻ ആ​വ​ശ്യ​മാ​യ സാ​മ്പ​ത്തി​ക പ​രി​മി​തി​യി​ലു​മാ​യി ഉ​ന്തി​ത്ത​ള്ളി​യാ​യി​രു​ന്നു വ​ർ​ഷ​ങ്ങ​ളാ​യി മി​ല്ലു​ക​ളു​ടെ യാ​ത്ര. ഇ​ട​ക്ക് ലേ ​ഓ​ഫ് പ്ര​ഖ്യാ​പി​ക്കു​മെ​ങ്കി​ലും പി​ന്നീ​ട് വീ​ണ്ടും സ​ർ​ക്കാ​ർ ഇ​ട​പെ​ട​ലോ​ടെ പ്ര​വ​ർ​ത്തി​പ്പി​ക്കാ​ൻ ക​ഴി​യു​മാ​യി​രു​ന്നു. എ​ന്നാ​ൽ ര​ണ്ടാം പി​ണ​റാ​യി സ​ർ​ക്കാ​ർ വ​ന്ന​തി​ന് ശേ​ഷം ഒ​രു​ത​വ​ണ മാ​ത്ര​മാ​ണ് മി​ല്ലു​ക​ളു​ടെ ന​വീ​ക​ര​ണ​വു​മാ​യി ബ​ന്ധ​പ്പെ​ട്ട് ച​ർ​ച്ച​ക​ൾ ന​ട​ന്ന​ത്. പി​ന്നീ​ട് പ​ല​ത​വ​ണ വ്യ​വ​സാ​യ വ​കു​പ്പു​മാ​യും വ​കു​പ്പ് മ​ന്ത്രി​യു​മാ​യും തൊ​ഴി​ലാ​ളി സം​ഘ​ട​ന​ക​ൾ ഇ​ട​പെ​ട്ടു​വെ​ങ്കി​ലും ഈ ​മേ​ഖ​ല​യോ​ട് ശ്ര​ദ്ധ​യു​ണ്ടാ​യി​ല്ല. ക​ഴി​ഞ്ഞ ആ​റ് മാ​സ​ത്തോ​ള​മാ​യി അ​ട​ച്ചി​ട്ട മി​ല്ലു​ക​ളി​ലാ​യി ആ​യി​ര​ക്ക​ണ​ക്കി​ന് തൊ​ഴി​ലാ​ളി​ക​ളാ​ണ് പ​ണി​യെ​ടു​ത്ത കൂ​ലി പോ​ലു​മി​ല്ലാ​തെ പെ​രു​വ​ഴി​യി​ലാ​യ​ത്. സീ​താ​റാം മി​ല്ലി​ൽ - 200, തൃ​ശൂ​ർ കോ ​ഓ​പ്പ​റേ​റ്റി​വ് സ​ഹ​ക​ര​ണ സ്പി​ന്നി​ങ് മി​ൽ (വി​രു​പ്പാ​ക്ക) - 225 എ​ന്നി​ങ്ങ​നെ സ്ഥി​രം തൊ​ഴി​ലാ​ളി​ക​ളു​ണ്ട്. ഇ​വ​ർ​ക്ക് ശ​മ്പ​ള കു​ടി​ശ്ശി​ക മാ​ത്ര​മ​ല്ല ഇ.​എ​സ്.​ഐ, പി.​എ​ഫ് എ​ന്നി​വ​യ​ട​ക്കം മു​ട​ക്ക​മാ​ണ്.

വി​ര​മി​ച്ച​വ​രി​ൽ ഗ്രാ​റ്റു​വി​റ്റി​യും കി​ട്ടാ​ത്ത​വ​രാ​ണ് ഏ​റെ​യും. സീ​താ​റാം​മി​ല്ലി​ൽ സി.​പി.​എം പ്ര​തി​നി​ധി​യാ​യി​രു​ന്നു ചെ​യ​ർ​മാ​നെ​ങ്കി​ലും മു​ന്ന​ണി ധാ​ര​ണ​യ​നു​സ​രി​ച്ച് ഐ.​എ​ൻ.​എ​ലി​ന് കൈ​മാ​റി​യെ​ങ്കി​ലും ആ​രും ചു​മ​ത​ല​യേ​റ്റി​ല്ല. വി​രു​പ്പാ​ക്ക​യി​ൽ ബി.​ഡി.​ജെ.​എ​സ് നേ​താ​വ് കെ.​വി. സ​ദാ​ന​ന്ദ​നെ​യാ​ണ് ചെ​യ​ർ​മാ​നാ​യി നി​യോ​ഗി​ച്ച​ത്. ഒ​ന്നാം പി​ണ​റാ​യി സ​ർ​ക്കാ​റി​ന്റെ കാ​ല​ത്ത് 30 കോ​ടി​യോ​ളം ചെ​ല​വി​ട്ട് 35 വ​ർ​ഷം പ​ഴ​ക്ക​മു​ള്ള യ​ന്ത്ര​ങ്ങ​ൾ മാ​റ്റി​യും പ​ദ്ധ​തി​ക​ൾ ത​യാ​റാ​ക്കി​യും ആ​ധു​നി​ക​വ​ത്ക​ര​ണ​ത്തി​ന് ശ്ര​മം തു​ട​ങ്ങി​യി​രു​ന്നു.

2021ൽ 27.35 ​കോ​ടി​യു​ടെ അ​ട​ങ്ക​ൽ തു​ക​യു​ടെ മാ​സ്റ്റ​ർ പ്ലാ​നും സ​ർ​ക്കാ​റി​ന് സ​മ​ർ​പ്പി​ച്ചി​രു​ന്നു. എ​ല്ലാ പൊ​തു​മേ​ഖ​ല സ്ഥാ​പ​ന​ങ്ങ​ളും ന​വീ​ക​രി​ച്ച് സ്വ​യം​പ​ര്യാ​പ്ത​മാ​ക്കു​വാ​നും 2032 ഓ​ടു​കൂ​ടി അ​വ​യെ ലാ​ഭ​ത്തി​ലാ​ക്കാ​നു​മാ​യി​രു​ന്നു ര​ണ്ടാം പി​ണ​റാ​യി സ​ർ​ക്കാ​റി​ന്റെ വ്യ​വ​സാ​യ വ​കു​പ്പി​ന്റെ ആ​ദ്യ പ്ര​ഖ്യാ​പ​നം.

നൂ​ലി​ല്ലാ​ത്ത​തി​നാ​ൽ ഉ​ൽ​പാ​ദ​നം ന​ട​ക്കു​ന്നി​ല്ല. ക​ർ​ണാ​ട​ക, ആ​ന്ധ്ര, തെ​ല​ങ്കാ​ന, മ​ഹാ​രാ​ഷ്ട്ര തു​ട​ങ്ങി​യ സം​സ്ഥാ​ന​ങ്ങ​ളി​ൽ നി​ന്നാ​ണ് നൂ​ല് വാ​ങ്ങു​ന്ന​ത്. നൂ​ല് വാ​ങ്ങ​ണ​മെ​ങ്കി​ൽ പ​ണ​വു​മി​ല്ല. ഒ​രാ​ഴ്ച പ്ര​വ​ർ​ത്തി​ക്കാ​തി​രു​ന്നാ​ൽ ത​ക​രാ​റി​ലാ​വു​ന്ന​താ​ണ് യ​ന്ത്ര​ങ്ങ​ൾ. ലേ ​ഓ​ഫ് സ​മ​യ​ത്ത് സ്ഥി​രം തൊ​ഴി​ലാ​ളി​ക്ക് പ​കു​തി ശ​മ്പ​ളം അ​നു​വ​ദി​ക്ക​ണ​മെ​ന്നാ​ണ് ച​ട്ടം. എ​ന്നാ​ൽ സാ​മ്പ​ത്തി​ക പ്ര​തി​സ​ന്ധി​യു​ടെ പേ​രി​ൽ ലേ ​ഓ​ഫ് വേ​ത​ന​വും അ​നു​വ​ദി​ക്കാ​ത്ത​തി​നാ​ൽ തൊ​ഴി​ലാ​ളി​ക​ൾ പ​ട്ടി​ണി​യു​ടെ വ​ക്കി​ലാ​യി​രു​ന്നു. ഇ​തി​നി​ട​യി​ലാ​ണ് ടെ​ക്സ്റ്റൈ​ൽ മി​ല്ലു​ക​ളു​ടെ പ്ര​വ​ർ​ത്ത​ന​ത്തി​നാ​യി ക​ഴി​ഞ്ഞ ആ​ഴ്ച സ​ർ​ക്കാ​ർ 10.5 കോ​ടി അ​നു​വ​ദി​ക്കു​മെ​ന്നും ഓ​ണ​ത്തി​ന് മു​മ്പാ​യി മി​ല്ലു​ക​ൾ പ്ര​വ​ർ​ത്തി​പ്പി​ക്കു​മെ​ന്നും വ്യ​വ​സാ​യ വ​കു​പ്പ് മ​ന്ത്രി പ്ര​ഖ്യാ​പി​ച്ച​ത്.

ഈ ​തു​ക​യാ​ണ് ഇ​പ്പോ​ൾ അ​ക്കൗ​ണ്ടി​ലെ​ത്തി​യി​രി​ക്കു​ന്ന​ത്. സീ​താ​റാം​മി​ൽ അ​ക്കൗ​ണ്ടി​ൽ തു​ക എ​ത്തി​യെ​ങ്കി​ലും വി​രു​പ്പാ​ക്ക​യി​ൽ തു​ക എ​ത്തി​യി​ട്ടി​ല്ലെ​ന്നും ഉ​ട​ൻ എ​ത്തു​മെ​ന്നാ​ണ് പ്ര​തീ​ക്ഷി​ക്കു​ന്ന​തെ​ന്നും മി​ൽ ചെ​യ​ർ​മാ​ൻ കെ.​വി. സ​ദാ​ന​ന്ദ​ൻ പ​റ​ഞ്ഞു.

തൊ​ഴി​ലാ​ളി​ക്ക് അ​ഞ്ച് മാ​സ​ത്തെ ശ​മ്പ​ള കു​ടി​ശ്ശി​ക​യും വൈ​ദ്യു​തി ബി​ൽ, അ​സം​സ്കൃ​ത വ​സ്തു​ക്ക​ൾ വാ​ങ്ങി​യ​തി​ലെ കു​ടി​ശ്ശി​ക​യ​ട​ക്ക​മു​ണ്ട്. ഇ​പ്പോ​ൾ അ​നു​വ​ദി​ച്ച തു​ക മ​തി​യാ​വി​ല്ല. എ​ന്നാ​ൽ ഒ​രു മാ​സ​ത്തെ ശ​മ്പ​ള​വും ബോ​ണ​സും ന​ൽ​കി​യും വൈ​ദ്യു​തി ബി​ൽ അ​ട​ക്കു​ന്ന​തി​ന് മ​ന്ത്രി​ത​ല ച​ർ​ച്ച​യി​ലൂ​ടെ സാ​വ​കാ​ശം തേ​ടി​യും അ​സം​സ്കൃ​ത വ​സ്തു​ക്ക​ൾ​ക്കാ​യി പ​കു​തി തു​ക ന​ൽ​കി സ​മ​യം തേ​ടി​യും മി​ല്ലു​ക​ളെ വീ​ണ്ടും പ്ര​വ​ർ​ത്ത​ന ക്ഷ​മ​മാ​ക്കാ​നാ​ണ് പ​ദ്ധ​തി. എ​ന്നാ​ൽ മാ​നേ​ജ്മെ​ന്റു​ക​ൾ സ​ർ​ക്കാ​റി​നെ തെ​റ്റി​ദ്ധ​രി​പ്പി​ച്ച് സ്ഥാ​പ​ന​ത്തെ ത​ക​ർ​ക്കാ​നു​ള്ള നീ​ക്കം ന​ട​ത്തു​ക​യാ​ണെ​ന്ന് തൊ​ഴി​ലാ​ളി സം​ഘ​ട​ന​ക​ൾ ആ​രോ​പി​ക്കു​ന്നു.

ചൊ​വ്വാ​ഴ്ച തി​രു​വ​ന​ന്ത​പു​ര​ത്ത് തൊ​ഴി​ലാ​ളി സം​ഘ​ട​ന പ്ര​തി​നി​ധി​ക​ൾ ടെ​ക്സ്റ്റൈ​ൽ​സ് കോ​ർ​പ​റേ​ഷ​ൻ എം.​ഡി​യെ​യും വ്യ​വ​സാ​യ വ​കു​പ്പ് മ​ന്ത്രി​യെ​യും നേ​രി​ൽ കാ​ണു​ന്നു​ണ്ട്. പെ​രു​വ​ഴി​യി​ലാ​ക്കി അ​ട​ച്ചു​പൂ​ട്ടി​യെ​ന്ന് ക​രു​തി​യി​രി​ക്കെ തു​റ​ന്ന് പ്ര​വ​ർ​ത്തി​ക്കാ​നു​ള്ള സ​ർ​ക്കാ​ർ ത​ല​ത്തി​ലു​ള്ള ഇ​ട​പെ​ട​ൽ ഈ ​ഓ​ണ​ക്കാ​ല​ത്ത് തൊ​ഴി​ലാ​ളി​ക​ൾ​ക്ക് പ്ര​തീ​ക്ഷ പ​ക​രു​ന്ന​താ​ണ്. എ​ന്നാ​ൽ തൊ​ലി​പ്പു​റ​ത്തെ ചി​കി​ത്സ​ക്ക​പ്പു​റം ഗൗ​ര​വ​ക​ര​മാ​യ ഇ​ട​പെ​ട​ലും പ്ര​വ​ർ​ത്ത​ന​വു​മു​ണ്ടെ​ങ്കി​ൽ മേ​ഖ​ല വ​ള​രാ​ൻ ഏ​റെ സ​മ​യം വേ​ണ്ടെ​ന്നാ​ണ് തൊ​ഴി​ലാ​ളി​ക​ൾ പ​റ​യു​ന്ന​ത്.