രണ്ട്​ വർഷത്തിനിപ്പുറം സ്കൂൾ വിപണി സജീവം

തൃ​ശൂ​ർ: കോ​വി​ഡ്​ അ​ക​ന്ന സ്കൂ​ൾ തു​റ​ക്ക​ൽ കാ​ലം. ര​ണ്ടു​വ​ർ​ഷ​ത്തെ ക​ണ​ക്കു​തീ​ർ​ക്കാ​ൻ ഒ​രു​ങ്ങു​ക​യാ​ണ്​ സ്കൂ​ൾ വി​പ​ണി. അ​ത്ര​മേ​ൽ സ​ജീ​വ​മാ​യ വി​പ​ണി​യി​ൽ ഒ​പ്പം വേ​ന​ൽ​മ​ഴ​യും കൂ​ടി​യാ​യ​തോ​ടെ കു​ട​യും മ​ഴ​ക്കോ​ട്ടു​മാ​യി ക​ച്ച​വ​ടം പൊ​ടി​പൊ​ടി​ക്കു​ക​യാ​ണ്. ബാ​ഗ്, കു​ട, നോ​ട്ട്പു​സ്ത​കം, പേ​ന, പെ​ൻ​സി​ൽ, വാ​ട്ട​ർ ബോ​ട്ടി​ൽ, മ​ഴ​ക്കോ​ട്ട്, ഇ​ൻ​സ്ട്രു​മെ​ന്റ് ബോ​ക്സ്, പൗ​ച്ച് തു​ട​ങ്ങി​യ സാ​ധ​ന​സാ​മ​ഗ്രി​ക​ളു​ടെ വൈ​വി​ധ്യ​വും പു​തു​മ​യും സ്കൂ​ൾ​വി​പ​ണി​യി​ൽ ത​രം​ഗ​മാ​വു​ക​യാ​ണ്.

യ​ങ്​, സ്റ്റി​ഫ്ല​ർ, കാ​ൻ​ഡി​മാ​ൻ, ചാ​ർ​ലേ​റ്റ്​ തു​ട​ങ്ങി വ​മ്പ​ൻ ക​മ്പ​നി​ക​ളു​ടെ ബാ​ഗു​ക​ളു​ണ്ട്. പോ​പ്പി, ജോ​ൺ​സ്​ അ​ട​ക്കം വി​വി​ധ ക​മ്പ​നി​ക​ളു​ടെ വ്യ​ത്യ​സ്ത​ത​രം കു​ട​ക​ളു​മു​ണ്ട്. സ്​​പൈ​ഡ​ർ​മാ​ൻ, സി​ൻ​ഡ്ര​ല, ചോ​ട്ടാ ഭീം, ​ഡോ​റ, ബെ​ൻ​ട്ട​ൺ തു​ട​ങ്ങി വി​വി​ധ കാ​ർ​ട്ടൂ​ൺ കു​ട​ക​ളു​മു​ണ്ട്. സ്റ്റി​ക്ക​റു​ക​ളും നെ​യിം​സ്ലി​പ്പു​ക​ളും ഇ​ത്ത​രം കാ​ർ​ട്ടൂ​ൺ ക​ഥാ​പാ​ത്ര​ങ്ങ​ളാ​ലു​ള്ള​താ​ണ്.

നി​ത്യോ​പ​യോ​ഗ സാ​ധ​ന​ങ്ങ​ളു​ടെ ക്ര​മാ​തീ​ത വി​ല​ക്ക​യ​റ്റ​ത്തി​ൽ ജ​ന​ജീ​വി​തം ദു​സ്സ​ഹ​മാ​യ സാ​ഹ​ച​ര്യ​ത്തി​ലാ​ണ് സ്കൂ​ളു​ക​ൾ തു​റ​ക്കാ​നൊ​രു​ങ്ങു​ന്ന​ത്. വി​ദ്യാ​ർ​ഥി​ക​ൾ​ക്കും പു​തു​താ​യി സ്കൂ​ളു​ക​ളി​ൽ ചേ​രു​ന്ന​വ​ർ​ക്കു​മു​ള്ള സാ​ധ​ന​സാ​മ​ഗ്രി​ക​ൾ വാ​ങ്ങാ​നു​ള്ള വ​ൻ​തി​ര​ക്കാ​ണ് വി​പ​ണി​യി​ൽ.

വി​ല കൂ​ടി​യി​ട്ടു​ണ്ടെ​ങ്കി​ലും സ്കൂ​ൾ തു​റ​ക്കും​മു​മ്പേ കു​ട്ടി​ക​ളു​ടെ പ​ഠ​ന​വു​മാ​യി ബ​ന്ധ​പ്പെ​ട്ട സാ​ധ​ന​സാ​മ​ഗ്രി​ക​ൾ വാ​ങ്ങാ​നു​ള്ള തി​ര​ക്കി​ലാ​ണ് ര​ക്ഷി​താ​ക്ക​ൾ. അ​തേ​സ​മ​യം, 10 മു​ത​ൽ 30 ശ​ത​മാ​നം വ​രെ വി​ല കൂ​ടി​യി​ട്ടു​ണ്ടെ​ങ്കി​ലും കോ​വി​ഡ്മൂ​ലം ക​ഴി​ഞ്ഞ ര​ണ്ടു​വ​ർ​ഷം മാ​ന്ദ്യ​ത്തി​ലാ​യി​രു​ന്ന സ്കൂ​ൾ വി​പ​ണി ഇ​ത്ത​വ​ണ നേ​ര​ത്തേ​ത​ന്നെ സ​ജീ​വ​മാ​യെ​ന്ന് വ്യാ​പാ​രി​ക​ൾ പ​റ​യു​ന്നു. ബ്രാ​ൻ​ഡ​ഡ് ഉ​ൽ​പ​ന്ന​ങ്ങ​ളും അ​വ​ക്ക്​ ബ​ദ​ലാ​യി കു​റ​ഞ്ഞ വി​ല​യി​ലു​ള്ള ഉ​ൽ​പ​ന്ന​ങ്ങ​ളു​മാ​യാ​ണ് വ്യാ​പാ​ര​സ്ഥാ​പ​ന​ങ്ങ​ൾ ഉ​പ​ഭോ​ക്താ​ക്ക​ളെ ആ​ക​ർ​ഷി​ക്കു​ന്ന​ത്.

അ​തേ​സ​മ​യം, അ​സം​സ്കൃ​ത​വ​സ്തു​ക്ക​ളു​ടെ അ​ഭാ​വ​ത്താ​ൽ നേ​രി​യ തോ​തി​ൽ സാ​ധ​ന​ങ്ങ​ൾ കി​ട്ടാ​ൻ മൊ​ത്ത​വി​പ​ണി​യി​ൽ പ്ര​യാ​സ​മു​ണ്ട്.

കോ​വി​ഡ്​​മൂ​ലം വി​വി​ധ മേ​ഖ​ല​ക​ളി​ൽ ഇ​ത്ത​രം സ്ഥാ​പ​ന​ങ്ങ​ൾ പൂ​ട്ടി​പ്പോ​യ​തും പ്ര​യാ​സം സൃ​ഷ്ടി​ക്കു​ന്നു​ണ്ട്. ക​ഴി​ഞ്ഞ ര​ണ്ടു​വ​ർ​ഷം കോ​വി​ഡ്​​മൂ​ലം പു​റ​ത്തു​പോ​വ​ൽ കു​റ​ഞ്ഞ​തി​നാ​ൽ മ​ൺ​സൂ​ൺ വി​പ​ണി സ​ജീ​വ​മാ​യി​രു​ന്നി​ല്ല.