ശാ​സ്താം​ക​ട​വു​കാ​ർ മു​ഖ്യ​മ​ന്ത്രി​യെ കാ​ണും; ഒ​ച്ചി​നെ​തി​രെ ചി​ല​ത്​ പ​റ​യാ​ൻ

തൃ​ശൂ​ർ: ഇ​നി​യും സ​ഹി​ക്കാ​നാ​വി​ല്ല, മു​ഖ്യ​മ​ന്ത്രി ഇ​ക്കാ​ര്യ​ത്തി​ൽ ന​ട​പ​ടി സ്വീ​ക​രി​ക്ക​ണം. സ​ഹി​കെ​ട്ട ഒ​രു നാ​ടി​ന്‍റെ വാ​ക്കി​ന് മൂ​ർ​ച്ച​യേ​റെ​യു​ണ്ട്. 10 വ​ര്‍ഷ​ത്തോ​ള​മാ​യി ആ​ഫ്രി​ക്ക​ന്‍ ഒ​ച്ചി​ന്‍റെ ശ​ല്യ​ത്താ​ല്‍ ഭീ​തി​യി​ല്‍ ക​ഴി​യു​ക​യാ​ണ് പാ​റ​ളം പ​ഞ്ചാ​യ​ത്തി​ലെ ശാ​സ്താം​ക​ട​വ് മേ​ഖ​ല​യി​ലെ ജ​ന​ങ്ങ​ൾ. ഒ​ടു​വി​ൽ ന​വ​കേ​ര​ള സ​ദ​സ്സ് തൃ​ശൂ​രി​ലെ​ത്തു​മ്പോ​ള്‍ മു​ഖ്യ​മ​ന്ത്രി​യെ നേ​രി​ല്‍ക​ണ്ട് നി​വേ​ദ​നം ന​ല്‍കാ​ൻ പ​ഞ്ചാ​യ​ത്ത് ത​ന്നെ നേ​രി​ട്ടി​റ​ങ്ങു​ക​യാ​ണ്.

പാ​റ​ളം പ​ഞ്ചാ​യ​ത്തി​ലെ ഒ​ന്ന്, ര​ണ്ട്, 15 വാ​ര്‍ഡു​ക​ളി​ലാ​ണ് ആ​ഫ്രി​ക്ക​ന്‍ ഒ​ച്ചി​ന്‍റെ ശ​ല്യ​മു​ള്ള​ത്. മ​ഴ​പെ​യ്ത് തു​ട​ങ്ങി​യ​തോ​ടെ​യാ​ണ് ഒ​ച്ചു​ക​ൾ വീ​ണ്ടും വ്യാ​പ​ക​മാ​യ​ത്. മു​റ്റം മു​ത​ല്‍ ശു​ചി​മു​റി വ​രെ ഇ​വ കൂ​ട്ട​മാ​യെ​ത്തി പ​റ്റി​പ്പി​ടി​ച്ചി​രി​ക്കും. വീ​ട്ടു​വ​ള​പ്പി​ലെ വാ​ഴ, പ​പ്പാ​യ, മു​രി​ങ്ങ, ചേ​മ്പ്, ഇ​ഞ്ചി തു​ട​ങ്ങി എ​ല്ലാ വി​ള​ക​ളും ആ​ക്ര​മി​ച്ച് ന​ശി​പ്പി​ക്കും.

അ​തി​രാ​വി​ലെ മു​ത​ൽ വെ​യി​ൽ ചൂ​ടാ​വു​ന്ന വ​രെ ഇ​വ​യെ വ്യാ​പ​ക​മാ​യി കാ​ണാം. എ​ന്നാ​ൽ, വെ​യി​ൽ ക​ന​ത്താ​ൽ കാ​ണി​ല്ല. പി​ന്നീ​ട് വൈ​കീ​ട്ട് വെ​യി​ൽ ചാ​ഞ്ഞ് ചൂ​ടൊ​ഴി​യു​ന്ന​തോ​ടെ വീ​ണ്ടും ഇ​വ​യു​ടെ പ്ര​വാ​ഹ​മാ​ണ്. വീ​ടി​ന​ക​ത്തേ​ക്ക് വ​രെ ക​യ​റി ശ​ല്യ​മാ​ണ്. ഭ​ക്ഷ​ണം ക​ഴി​ക്കു​ന്ന​തി​നി​ടെ ഇ​വ​യെ കാ​ണ്ടാ​ല്‍ അ​റ​പ്പ് മൂ​ലം അ​തും ഉ​പേ​ക്ഷി​ക്കേ​ണ്ടി​വ​രു​ന്ന സാ​ഹ​ച​ര്യ​മാ​ണ്.

നേ​രം വെ​ളു​ത്താ​ല്‍ ഇ​വ​യെ ന​ശി​പ്പി​ക്ക​ലാ​ണ് ഇ​വി​ടു​ത്തു​കാ​രു​ടെ പ്ര​ധാ​ന ജോ​ലി. നേ​ര​ത്തേ കാ​ര്‍ഷി​ക സ​ര്‍വ​ക​ലാ​ശാ​ല ഉ​ദ്യോ​ഗ​സ്ഥ​ര്‍ സ്ഥ​ലം സ​ന്ദ​ര്‍ശി​ച്ച് ഒ​ച്ചു​ക​ളെ തു​ര​ത്താ​ന്‍ മ​രു​ന്ന് നി​ശ്ച​യി​ച്ച് ന​ല്‍കി​യി​രു​ന്നു. കി​ലോ​ക്ക് ആ​യി​രം രൂ​പ​ക്ക​ടു​ത്ത് വി​ല വ​രു​ന്ന ഈ ​മ​രു​ന്ന് വാ​ങ്ങാ​ന്‍ പ​ഞ്ചാ​യ​ത്ത് ത​ന​ത് ഫ​ണ്ടി​ല്‍നി​ന്ന് ഇ​തി​ന​കം ചെ​ല​വ​ഴി​ച്ച​ത് ല​ക്ഷ​ങ്ങ​ളാ​ണ്. എ​ന്നി​ട്ടും ഇ​വ​യു​ടെ ശ​ല്യം കൂ​ടു​ന്ന​ത​ല്ലാ​തെ കു​റു​യു​ന്നി​ല്ല.

ഗു​ണ​ഭോ​ക്താ​ക്ക​ളെ വെ​ച്ച് മ​രു​ന്ന് ന​ല്‍കു​ന്ന കൃ​ഷി​വ​കു​പ്പി​ന്‍റെ രീ​തി പ്രാ​യോ​ഗി​ക​മ​ല്ലെ​ന്ന് നാ​ട്ടു​കാ​ർ പ​റ​യു​ന്നു. കൂ​ട്ടാ​യ പ്ര​വ​ര്‍ത്ത​ന​മാ​ണ് വേ​ണ്ട​തെ​ന്നും വി​ഷ​യ​ത്തി​ല്‍ സ​ര്‍ക്കാ​ര്‍ നേ​രി​ട്ട് ഇ​ട​പെ​ട​ണ​മെ​ന്നും 15 ാം വാ​ര്‍ഡ് മെം​ബ​ര്‍ കൂ​ടി​യാ​യ പ്ര​മോ​ദ് പ​റ​ഞ്ഞു. ഒ​ച്ച് ശ​ല്യം ചൂ​ണ്ടി​ക്കാ​ട്ടി കൃ​ഷി​മ​ന്ത്രി​ക്ക​ട​ക്കം പ​ഞ്ചാ​യ​ത്ത് അം​ഗ​ങ്ങ​ള്‍ നി​വേ​ദ​നം ന​ല്‍കി​യി​രു​ന്നു.

എ​ന്നി​ട്ടും ന​ട​പ​ടി​യി​ല്ലാ​താ​യ​തോ​ടെ​യാ​ണ് ഒ​ടു​വി​ൽ മു​ഖ്യ​മ​ന്ത്രി​ക്ക് മു​ന്നി​ലേ​ക്ക് പ​രാ​തി​യു​മാ​യെ​ത്താ​നു​ള്ള തീ​രു​മാ​നം. ന​വ​കേ​ര​ള സ​ദ​സ്സ് തൃ​ശൂ​രി​ലെ​ത്തു​മ്പോ​ള്‍ മു​ഖ്യ​മ​ന്ത്രി​യെ നേ​രി​ല്‍ ക​ണ്ട് നി​വേ​ദ​നം ന​ല്‍കാ​ന്‍ കാ​ത്തി​രി​ക്കു​ക​യാ​ണ് പ​ഞ്ചാ​യ​ത്ത്.