തുടർച്ചയായി കാട്ടാന ആക്രമണം; പൊറുതിമുട്ടി മലയോര ജനത

അ​തി​ര​പ്പി​ള്ളി: തു​ട​ർ​ച്ച​യാ​യ കാ​ട്ടാ​ന ആ​ക്ര​മ​ണ​ത്തി​ൽ പൊ​റു​തി​മു​ട്ടി മ​ല​യോ​ര മേ​ഖ​ല. അ​തി​ര​പ്പി​ള്ളി​യി​ലെ ചി​ക്ലാ​യി പ്ര​ദേ​ശ​ത്തു​ത​ന്നെ ക​ഴി​ഞ്ഞ​ദി​വ​സം 10 ക​ർ​ഷ​ക​രു​ടെ കൃ​ഷി​യി​ട​ങ്ങ​ളി​ലാ​ണ് കാ​ട്ടാ​ന നാ​ശം സൃ​ഷ്ടി​ച്ച​ത്.

ഉ​റ​ക്ക​മൊ​ഴി​ച്ച് പാ​ട്ട കെ​ട്ടി​യാ​ലും പ​ട​ക്കം പൊ​ട്ടി​ച്ചാ​ലും അ​ൽ​പ​സ​മ​യം ക​ഴി​ഞ്ഞാ​ൽ അ​തേ സ്ഥ​ല​ത്തു​ത​ന്നെ തി​രി​ച്ചു​വ​രു​ന്ന കാ​ട്ടാ​ന​ക്കൂ​ട്ട​ത്തെ എ​ങ്ങ​നെ കൈ​കാ​ര്യം ചെ​യ്യ​ണ​മെ​ന്ന​റി​യാ​തെ പ​ക​ച്ചു​നി​ൽ​ക്കു​ക​യാ​ണ് മ​ല​യോ​ര​വാസികൾ. കാ​ട്ടാ​ന​ക​ളെ ഭ​യ​പ്പെ​ടു​ത്താ​ൻ പ​റ​മ്പി​ൽ തീ ​ക​ത്തി​ക്കു​ക​യെ​ന്ന മ​റ്റൊ​രു മാ​ർ​ഗ​മു​ണ്ട്. കാ​ട്ടാ​ന​യെ ഓ​ടി​ക്കാ​ൻ പ​ട​ക്കം പൊ​ട്ടി​ച്ച​തി​നെ തു​ട​ർ​ന്നാ​ണെ​ന്ന് പ​റ​യു​ന്നു, ക​ഴി​ഞ്ഞ​ദി​വ​സം രാ​ത്രി ഏ​ഴാ​റ്റു​മു​ഖ​ത്ത് എ​ണ്ണ​പ്പ​ന​ത്തോ​ട്ട​ത്തി​ൽ തീ​പി​ടി​ത്ത​മു​ണ്ടാ​യി.

ചാ​ല​ക്കു​ടി​യി​ൽ​നി​ന്ന് അ​ഗ്നി​ര​ക്ഷ സേ​ന​യെ​ത്തി​യാ​ണ് ആ​ളി​പ്പ​ട​ർ​ന്ന തീ ​അ​ണ​ച്ച​ത്. ര​ണ്ടാ​ഴ്ച​യി​ൽ ഏ​റെ​യാ​യി വെ​റ്റി​ല​പ്പാ​റ പ്ര​ദേ​ശ​ത്ത് ജ​ന​ങ്ങ​ൾ ദു​രി​ത​ത്തി​ലാ​ണ്. രാ​ത്രി​ക​ളി​ൽ സ്ഥി​ര​മാ​യി ആ​ന​ക​ൾ കാ​ട്ടി​ൽ​നി​ന്നും പു​ഴ ക​ട​ന്നും വ​ന്നെ​ത്തു​ക​യാ​ണ്. ക​ഴി​ഞ്ഞ ദി​വ​സം ചി​ക്ലാ​യി​യി​ൽ ജ​ന​വാ​സ കേ​ന്ദ്ര​ത്തി​ൽ ഇ​റ​ങ്ങി​യ കാ​ട്ടാ​ന​ക്കൂ​ട്ടം വ്യാ​പ​ക​മാ​യി കാ​ർ​ഷി​ക വി​ള​ക​ൾ ന​ശി​പ്പി​ച്ചു. ഇ​ളം​കു​ളം ജോ​ഷി, അ​ത്തി​ക്ക​ൽ എ​ബ്ര​ഹാം എ​ന്നി​വ​രു​ടെ പ​റ​മ്പു​ക​ളി​ൽ വ​ലി​യ​തോ​തി​ൽ കൃ​ഷി​നാ​ശം സം​ഭ​വി​ച്ചു. ജോ​ഷി​യു​ടെ 50 ഓ​ളം നേ​ന്ത്ര​വാ​ഴ​ക​ളാ​ണ് ആ​ന​ക്കൂ​ട്ടം ച​വി​ട്ടി​മെ​തി​ച്ച​ത്.

പ​ത്ത് ക​മുങ്ങ്, നാ​ലു തെ​ങ്ങ്, നി​ര​വ​ധി ജാ​തി​മ​രം, മ​റ്റു ചെ​റു​കി​ട വി​ള​ക​ൾ എ​ന്നി​വ ന​ശി​പ്പി​ച്ചു. എ​ബ്ര​ഹാ​മി​ന്റെ 20ഓ​ളം വാ​ഴ​ക​ളും അ​ഞ്ചു​ക​മുങ്ങും ഏ​ഴു ജാ​തി മ​ര​ങ്ങ​ളും ത​ക​ർ​ത്തു. ബി​ജു വാ​ഴ​ക്കാ​ല​യു​ടെ 10 നേ​ന്ത്ര​വാ​ഴ​ക​ൾ മ​റി​ച്ചി​ട്ടു. തൊ​ട്ട​ടു​ത്ത പ​റ​മ്പി​ലെ ആ​ൾ​ത്താ​മ​സം ഇ​ല്ലാ​ത്ത ഷെ​ഡ് ആ​ന​ക്കൂ​ട്ടം ത​ക​ർ​ത്തു. സ​മീ​പ​ത്തെ മ​റ്റു പ​റ​മ്പു​ക​ളി​ലും നാ​ശ​ം സൃ​ഷ്ടി​ച്ചു. വെ​ള്ളി​യാ​ഴ്ച രാ​ത്രി​യും ശ​നി​യാ​ഴ്ച പു​ല​ർ​ച്ച​യും ആ​യി​ട്ടാ​ണ് കാ​ട്ടാ​ന​ക​ൾ രൂ​ക്ഷ​മാ​യ ആ​ക്ര​മ​ണം ന​ട​ത്തി​യ​ത്.