നിർത്തിയിട്ട ലോറിയിൽനിന്ന്​ മൂന്ന് ലക്ഷം രൂപ കവർന്നു

തൃ​ശൂ​ർ: ന​ഗ​ര​ത്തി​ൽ നി​ർ​ത്തി​യി​ട്ട ലോ​റി​യി​ൽ​നി​ന്ന്​ മൂ​ന്ന് ല​ക്ഷം ക​വ​ർ​ന്നു. തൃ​ശൂ​ർ ജ​യ്ഹി​ന്ദ് മാ​ർ​ക്ക​റ്റി​ൽ ക​പ്പ​ല​ണ്ടി​യു​മാ​യെ​ത്തി​യ ലോ​റി​യി​ൽ നി​ന്നു​മാ​ണ് പ​ണം ക​വ​ർ​ന്ന​ത്. വാ​ഹ​ന ഡ്രൈ​വ​ർ കൊ​ല്ല​ങ്കോ​ട് സ്വ​ദേ​ശി സു​ദേ​വ് ആ​ണ് പൊ​ലീ​സി​ന് പ​രാ​തി ന​ൽ​കി​യ​ത്.

അ​ർ​ധ​രാ​ത്രി​യോ​ടെ​യാ​ണ് സു​ദേ​വ് ക​പ്പ​ല​ണ്ടി​യു​മാ​യി മാ​ർ​ക്ക​റ്റി​ലെ​ത്തി​യ​ത്. ച​ര​ക്ക് ഇ​റ​ക്കാ​നാ​യി ഇ​വി​ടെ നി​ർ​ത്തി​യി​ട്ടി​രി​ക്കു​ക​യാ​യി​രു​ന്നു. ലോ​റി​യു​ടെ ഡ്രൈ​വ​ർ കാ​ബി​നി​ലെ ഡാ​ഷി​ൽ സൂ​ക്ഷി​ച്ചി​രു​ന്ന പ​ണ​മാ​ണ് ന​ഷ്ട​പ്പെ​ട്ട​ത്.വ്യാ​പാ​ര സ്ഥാ​പ​ന​ങ്ങ​ൾ കു​ത്തി​ത്തു​റ​ന്നു​ള്ള ക​വ​ർ​ച്ച​ക​ൾ ഒ​തു​ങ്ങി​യ​തോ​ടെ വാ​ഹ​ന​ങ്ങ​ൾ കേ​ന്ദ്രീ​ക​രി​ച്ചു​ള്ള ക​വ​ർ​ച്ച​ക​ൾ പെ​രു​കി​യി​രി​ക്കു​ക​യാ​ണ്. തൃ​ശൂ​ർ ന​ഗ​ര​ത്തി​ൽ ച​ര​ക്ക് ലോ​റി​ക​ളി​ലെ ക​വ​ർ​ച്ച വ്യാ​പ​ക​മാ​കു​ക​യാ​ണ്. ന​ഗ​ര​ത്തി​ൽ ഒ​ന്ന​ര മാ​സ​ത്തി​നി​ട​യി​ൽ മാ​ത്രം 14 ച​ര​ക്ക് ലോ​റി​ക​ളി​ൽ നി​ന്നാ​ണ് ബാ​റ്റ​റി​ക​ൾ ക​വ​ർ​ന്ന​താ​യി പൊ​ലീ​സി​ന് ല​ഭി​ച്ച പ​രാ​തി​ക​ളി​ലു​ള്ള​ത്.

സാ​മൂ​ഹി​ക വി​രു​ദ്ധ​രെ​യും ഗു​ണ്ട​ക​ളെ​യും ഒ​തു​ക്കു​ന്ന​തി​ന്‍റെ ഭാ​ഗ​മാ​യി പൊ​ലീ​സി​ന്‍റെ മു​ഴു​വ​ൻ സ​മ​യ പ​ട്രോ​ളി​ങ് ഉ​ണ്ടെ​ങ്കി​ലും വാ​ഹ​ന​ങ്ങ​ൾ കേ​ന്ദ്രീ​ക​രി​ച്ചു​ള്ള ക​വ​ർ​ച്ച സം​ഘ​ത്തെ പി​ടി​കൂ​ടാ​ൻ ക​ഴി​ഞ്ഞി​ട്ടി​ല്ല. മൂ​ന്ന് വ​ർ​ഷം മു​മ്പ് ദേ​ശീ​യ​പാ​ത ന​ട​ത്ത​റ​യി​ൽ പ​ച്ച​ക്ക​റി ലോ​റി​യി​ൽ​നി​ന്ന്​ പ​ണം ക​വ​ർ​ന്ന സം​ഭ​വ​ത്തി​ന് സ​മാ​ന​ത​ക​ളു​ണ്ടോ​യെ​ന്ന​ത് പ​രി​ശോ​ധി​ക്കു​ന്നു​ണ്ട്.

ന​ട​ത്ത​റ​യി​ലെ ക​വ​ർ​ച്ച സം​ഘം സ്ഥി​രം പി​ടി​ച്ചു​പ​റി ഗു​ണ്ടാ സം​ഘ​മാ​ണ്. ഈ ​സം​ഘ​ത്തി​ലെ ഒ​രു പ്ര​തി​യെ ക​ഴി​ഞ്ഞ ആ​ഴ്ച കൊ​ര​ട്ടി​യി​ൽ ക​ഞ്ചാ​വു​മാ​യി പി​ടി​കൂ​ടി​യി​രു​ന്നു. ച​ര​ക്ക് ലോ​റി​യി​ൽ നി​ന്നും പ​ണം ന​ഷ്ട​പ്പെ​ട്ടു​വെ​ന്ന പ​രാ​തി​യു​ടെ അ​ടി​സ്ഥാ​ന​ത്തി​ൽ പ​ട്രോ​ളി​ങ് ശ​ക്ത​മാ​ക്കാ​ൻ പൊ​ലീ​സ് തീ​രു​മാ​നി​ച്ചു.