കാ​ഴ്ച​യു​ടെ പു​തു​ലോ​കം തീ​ർ​ക്കാ​ൻ പു​ത്തൂ​ര്‍ സു​വോ​ള​ജി​ക്ക​ല്‍ പാ​ര്‍ക്ക്

തൃ​ശൂ​ർ: പു​ത്തൂ​ര്‍ സു​വോ​ള​ജി​ക്ക​ല്‍ പാ​ര്‍ക്ക് ഉ​ദ്ഘാ​ട​ന​ത്തി​ന് ഒ​രു​ങ്ങി​യ​താ​യി മ​ന്ത്രി കെ. ​രാ​ജ​ന്‍. ഒ​ക്ടോ​ബ​ര്‍ 28ന് ​മു​ഖ്യ​മ​ന്ത്രി പി​ണ​റാ​യി വി​ജ​യ​ന്‍ പാ​ര്‍ക്ക് നാ​ടി​ന് സ​മ​ര്‍പ്പി​ക്കും. ഓ​സ്‌​ട്രേ​ലി​യ​ന്‍ മൃ​ഗ​ശാ​ല ഡി​സൈ​ന​റാ​യ ജോ​ണ്‍ കോ ​യു​ടെ ഡി​സൈ​നി​ലു​ള്ള നി​ർ​മാ​ണ പ്ര​വ​ര്‍ത്ത​ന​ങ്ങ​ള്‍ പൂ​ര്‍ത്തി​യാ​യി. പാ​ര്‍ക്കിന്‍റെ​ന്നി​ർ​മാ​ണ​ത്തി​നാ​യി പ്ലാ​ന്‍ ഫ​ണ്ടി​ല്‍നി​ന്ന് 40 കോ​ടി​യും കി​ഫ്ബി​യി​ല്‍നി​ന്ന് ര​ണ്ടാം ഘ​ട്ട പ്ര​വ​ര്‍ത്ത​ന​ങ്ങ​ള്‍ക്കാ​യി 122 കോ​ടി​യും മൂ​ന്നാം ഘ​ട്ട പ്ര​വ​ര്‍ത്ത​ന​ങ്ങ​ള്‍ക്കാ​യി 208.5 കോ​ടി​യു​മ​ട​ക്കം 370.5 കോ​ടി രൂ​പ​യാ​ണ് അ​നു​വ​ദി​ച്ച​ത്. 23 ആ​വാ​സ ഇ​ട​ങ്ങ​ളാ​ണ് പാ​ര്‍ക്കി​നു​ള്ളി​ല്‍ ഒ​രു​ക്കി​യി​രി​ക്കു​ന്ന​ത്.

ആ​ഫ്രി​ക്ക​ന്‍ സു​ളു ലാ​ന്‍ഡ് സോ​ണ്‍, ക​ന്‍ഹ സോ​ണ്‍, സൈ​ല​ന്റ് വാ​ലി സോ​ണ്‍, ഇ​ര​വി​പു​രം സോ​ണ്‍ തു​ട​ങ്ങി ഓ​രോ ഇ​ന​ങ്ങ​ള്‍ക്കും അ​നു​യോ​ജ്യ​മാ​യ വി​ധം ആ​വാ​സ വ്യ​വ​സ്ഥ​ക​ള്‍ ഒ​രു​ക്കി​യാ​ണ് മൃ​ഗ​ശാ​ല രൂ​പ​ക​ല്‍പ​ന ചെ​യ്തി​രി​ക്കു​ന്ന​ത്. ഒ​ന്നി​നെ​യും ഇ​ടു​ങ്ങി​യ കൂ​ടു​ക​ളി​ല്‍ അ​ട​ച്ചി​ടാ​തെ സ്വ​ത​ന്ത്ര​മാ​യി വി​ഹ​രി​ക്കാ​ന്‍ ക​ഴി​യു​ന്ന ത​ര​ത്തി​ലാ​ണ് ഓ​രോ സോ​ണു​ക​ളും. സ​ഞ്ചാ​രി​ക​ളി​ല്‍നി​ന്ന് കൃ​ത്യ​മാ​യ അ​ക​ലം പാ​ലി​ക്കാ​നും സു​ര​ക്ഷ ഉ​റ​പ്പു​വ​രു​ത്താ​നും പ​റ്റു​ന്ന കി​ട​ങ്ങു​ക​ളു​ണ്ട്. രാ​ത്രി​കാ​ല​ങ്ങ​ളി​ല്‍ മാ​ത്രം പു​റ​ത്തി​റ​ങ്ങു​ന്ന പ​ക്ഷി​ക​ള്‍, ഉ​രു​ക്ക​ള്‍ എ​ന്നി​വ​ക്കും പ്ര​ത്യേ​ക സോ​ണ്‍ ത​യാ​റാ​ക്കു​ന്നു​ണ്ട്. തൃ​ശൂ​ര്‍ മൃ​ഗ​ശാ​ല​യി​ല്‍നി​ന്ന് മൃ​ഗ​ങ്ങ​ളെ​യും പ​ക്ഷി​ക​ളെ​യും സു​വോ​ള​ജി​ക്ക​ല്‍ പാ​ര്‍ക്കി​ലേ​ക്ക് മാ​റ്റി​ക്കൊ​ണ്ടി​രി​ക്കു​ന്ന പ്ര​വ​ര്‍ത്ത​നം അ​ന്തി​മ ഘ​ട്ട​ത്തി​ലാ​ണ്.

കേ​ര​ള​ത്തി​നു പു​റ​ത്തു നി​ന്നു​മു​ള്ള മൃ​ഗ​ശാ​ല​ക​ളി​ല്‍നി​ന്ന് വെ​ള്ള​ക്ക​ടു​വ​ക​ള്‍ ഉ​ള്‍പ്പെ​ടെ​യു​ള്ളവയെ പാ​ര്‍ക്കി​ല്‍ എ​ത്തി​ക്കും. എ​ല്ലാ ഭൂ​ഖ​ണ്ഡ​ങ്ങ​ളി​ലേ​യും മൃ​ഗ​ങ്ങ​ളെ ക​ണ്ട് ആ​സ്വ​ദി​ക്കാ​ന്‍ ക​ഴി​യു​ന്ന ഹോ​ളോ​ഗ്രാം മൃ​ഗ​ശാ​ല കൂ​ടി പാ​ര്‍ക്കി​ൽ ഒ​രു​ക്കും. അ​തോ​ടൊ​പ്പം പാ​ര്‍ക്കി​നോ​ട് ചേ​ര്‍ന്ന് വ​ള​ർ​ത്തു മൃ​ഗ​ശാ​ല കൂ​ടി ആ​രം​ഭി​ക്കു​ന്ന​തി​നു​ള്ള പ്രാ​ഥ​മി​ക ന​ട​പ​ടി​ക​ളാ​യി​ട്ടു​ണ്ട്. പാ​ര്‍ക്ക് തു​റ​ക്കു​ന്ന​തോ​ടെ ഒ​ല്ലൂ​രി​ലെ ടൂ​റി​സം കോ​റി​ഡോ​റി​ന്റെ പ്ര​ധാ​ന​പ്പെ​ട്ട ഇ​ട​മാ​യി പു​ത്തൂ​ര്‍ മാ​റു​മെ​ന്നും മ​ന്ത്രി കെ. ​രാ​ജ​ന്‍ പ​റ​ഞ്ഞു. വി​പു​ല​മാ​യ സം​ഘാ​ട​ക സ​മി​തി യോ​ഗം സെ​പ്റ്റം​ബ​ര്‍ 26 ന് ​വൈ​കീ​ട്ട് 4.30ന് ​പാ​ര്‍ക്കി​ല്‍ ചേ​രു​മെ​ന്ന് മ​ന്ത്രി അ​റി​യി​ച്ചു.