റെ​യി​ൽ​വേ സ്​​റ്റേ​ഷ​നി​ലെ പ്രീ ​പെ​യ്​​ഡ്​ ഓ​ട്ടോ​റി​ക്ഷ കൗ​ണ്ട​റി​നെ​തി​രെ പ്ര​തി​ഷേ​ധം; മി​ന്ന​ൽ സ​മ​രം

തൃ​ശൂ​ർ: റെ​യി​ൽ​വേ സ്​​റ്റേ​ഷ​നി​ൽ തി​ങ്ക​ളാ​ഴ്ച തു​ട​ങ്ങി​യ പ്രീ ​പെ​യ്​​ഡ്​ ഓ​ട്ടോ​റി​ക്ഷ കൗ​ണ്ട​റി​നെ​തി​രെ ഓ​ട്ടോ തൊ​ഴി​ലാ​ളി​ക​ളു​ടെ പ്ര​തി​ഷേ​ധം. യ​ഥാ​ർ​ഥ ഓ​ട്ടോ ചാ​ർ​ജി​നെ​ക്കാ​ൾ കു​റ​ഞ്ഞ തു​ക​യാ​ണ്​ കൗ​ണ്ട​റി​ൽ​നി​ന്ന്​ ഈ​ടാ​ക്കു​ന്ന​തെ​ന്ന്​ ആ​രോ​പി​ച്ചാ​ണ്​ വൈ​കീ​ട്ട്​ നാ​ലോ​ടെ പ്ര​വ​ർ​ത്ത​നം തു​ട​ങ്ങി​യ കൗ​ണ്ട​ർ തി​ങ്ക​ളാ​ഴ്ച രാ​ത്രി 10ഓ​ടെ ഓ​ട്ടോ തൊ​ഴി​ലാ​ളി​ക​ൾ സ്തം​ഭി​പ്പി​ച്ച​ത്. സാ​​ങ്കേ​തി​ക ത​ക​രാ​റാ​ണെ​ന്നും ചൊ​വ്വാ​ഴ്ച രാ​വി​ലെ​ത്തോ​ടെ ശ​രി​യാ​കു​മെ​ന്ന്​ പ​റ​ഞ്ഞെ​ങ്കി​ലും ന​ട​ന്നി​ല്ല.

തു​ട​ർ​ന്ന്​ സം​ഘ​ടി​ച്ചെ​ത്തി​യ ഓ​ട്ടോ തൊ​ഴി​ലാ​ളി​ക​ൾ കൗ​ണ്ട​ർ പ്ര​വ​ർ​ത്ത​നം സ്തം​ഭി​പ്പി​ച്ചു. പ്രീ ​പെ​യ്​​ഡ്​ കൗ​ണ്ട​റി​ൽ ഗൂ​ഗി​​ൾ മാ​പ്​ വ​ഴി​യാ​ണ്​ ദൂ​രം ക​ണ​ക്കാ​ക്കു​ന്ന​തെ​ന്നും വാ​ട​ക നി​ശ്ച​യി​ച്ച​തി​ലെ അ​പാ​ക​ത​യും തൊ​ഴി​ലാ​ളി​ക​ൾ ഉ​ന്ന​യി​ച്ചു. കോ​ർ​പ​റേ​ഷ​ൻ പ​രി​ധി​ക്ക്​ പു​റ​ത്തു​ക​ട​ന്നാ​ൽ തി​രി​ച്ചു​ള്ള ഓ​ട്ടോ​ചാ​ർ​ജ്​ സം​ബ​ന്ധി​ച്ചും ആ​ശ​യ​ക്കു​ഴ​പ്പ​മു​ണ്ട്. ഇ​ക്കാ​ര്യം ഉ​ന്ന​യി​ച്ച ഓ​ട്ടോ തൊ​ഴി​ലാ​ളി​ക​ളു​മാ​യി ചൊ​വ്വാ​ഴ്ച വൈ​കീ​ട്ട്​ അ​ഞ്ചി​ന്​ എ.​സി.​പി വി.​കെ. രാ​ജു, ടൗ​ൺ ട്രാ​ഫി​ക്​ ഇ​ൻ​സ്​​പെ​ക്ട​ർ ബി​ന​ൻ എ​ന്നി​വ​ർ കൂ​ടി​ക്കാ​ഴ്ച ന​ട​ത്തി.

ഓ​ട്ടോ വാ​ട​ക​​പ്ര​ശ്നം പ​രി​ഹ​രി​ക്കാ​മെ​ന്ന ഉ​റ​പ്പി​ൽ പ്രീ ​പെ​യ്​​ഡ്​ കൗ​ണ്ട​ർ പ്ര​വ​ർ​ത്ത​നം തു​ട​രാ​ൻ ഓ​ട്ടോ തൊ​ഴി​ലാ​ളി​ക​ൾ സ​മ്മ​തി​ച്ചു. ഓ​ട്ടോ വാ​ട​ക കൃ​ത്യ​മാ​ക്കാ​നാ​യി ര​ണ്ട്​ ഡ്രൈ​വ​ർ​മാ​രു​മാ​യി അ​ധി​കൃ​ത​ർ ന​ഗ​രാ​തി​ർ​ത്തി​യി​ൽ ചു​റ്റി​ക്ക​റ​ങ്ങു​ക​യും മീ​റ്റ​ർ നോ​ക്കി വാ​ട​ക നി​ശ്ച​യി​ക്കു​ക​യും ര​ണ്ട്​ ദി​വ​സ​ത്തി​ന​കം അ​ത്​ ക​മ്പ്യൂ​ട്ട​റി​ൽ ക​യ​റ്റി പ്രാ​ബ​ല്യ​ത്തി​ൽ വ​രു​ത്തു​ക​യും ചെ​യ്യും. ഈ ​ഉ​റ​പ്പി​ലാ​ണ്​ സ​മ​രം അ​വ​സാ​നി​പ്പി​ച്ച​തെ​ന്ന്​ ഓ​ട്ടോ തൊ​ഴി​ലാ​ളി​ക​ൾ പ​റ​ഞ്ഞു.