പോന്നോർ ആളൂർ മൂക്കോല റോഡിൽ കുഴിയടക്കൽ പ്രഹസനം

പറപ്പൂർ: പോന്നോർ ആളൂർ മൂക്കോല റോഡിൽ കുഴിയടക്കൽ പ്രഹസനം. നാട്ടുകാർ പ്രശ്നമാക്കുമെന്ന് കണ്ടപ്പോൾ ഉപേക്ഷിച്ചുപോയി. ഏറെ കാലമായി തകർന്ന റോഡിൽ വെള്ളിയാഴ്ച രാവിലെയാണ് നാല് ജോലിക്കാരെത്തി കുഴിയടക്കൽ ആരംഭിച്ചത്.

കുഴികളിൽ മെറ്റൽ ഇട്ട് പഴയ ചാക്കുകളും മണ്ണും ഉപയോഗിച്ചും കാലുകൊണ്ട് അമർത്തിയുമാണ് അടക്കാൻ തുടങ്ങിയത്. നാട്ടുകാർ പ്രശ്നമാക്കുമെന്ന് മുൻകൂട്ടി മനസ്സിലാക്കിയ കരാർ ജോലിക്കാർ ഏകദേശം അമ്പത് മീറ്റർ കുഴിയടച്ച് സ്ഥലം വിട്ടു.