മോഷണവിവരം സ്വയം വിളിച്ച് പൊലീസിലറിയിച്ചു; അതിബുദ്ധി കാണിച്ച പ്രതി പൊലീസ് പിടിയിലായി

മാ​ള: പു​ത്ത​ൻ​ചി​റ​യി​ൽ റി​ട്ട​. അ​ധ്യാ​പി​ക​യെ ആ​ക്ര​മി​ച്ച് സ്വ​ർ​ണ​മാ​ല ക​വ​ർ​ന്ന കേ​സി​ൽ അ​യ​ൽ​വാ​സി​യാ​യ യു​വാ​വ് അ​റ​സ്റ്റി​ൽ. പൊ​ലീ​സി​നെ ക​ബ​ളി​പ്പി​ക്കാ​ൻ, മോ​ഷ​ണ​വി​വ​രം സ്വ​യം വി​ളി​ച്ച​റി​യി​ച്ച പ്ര​തി​യു​ടെ സി​നി​മാ​ക്ക​ഥ​യെ വെ​ല്ലു​ന്ന തി​ര​ക്ക​ഥ​യാ​ണ് പൊ​ലീ​സ് പൊ​ളി​ച്ച​ടു​ക്കി​യ​ത്. പു​ത്ത​ൻ​ചി​റ സ്വ​ദേ​ശി​യാ​യ ആ​ദി​ത്താ​ണ് (20) മാ​ള പൊ​ലീ​സി​ന്റെ പി​ടി​യി​ലാ​യ​ത്.

പു​ത്ത​ൻ​ചി​റ കൊ​ല്ലം​പ​റ​മ്പി​ൽ വീ​ട്ടി​ൽ ജ​യ​ശ്രീ ടീ​ച്ച​റുടെ (77) വീ​ട്ടി​ൽ അ​തി​ക്ര​മി​ച്ചു ക​യ​റി അ​ഞ്ചു പ​വ​നോ​ളം തൂ​ക്കം വ​രു​ന്ന സ്വ​ർ​ണ​മാ​ല ക​വ​രു​ക​യാ​യി​രു​ന്നു. ടീ​ച്ച​റു​മാ​യും കു​ടും​ബ​വു​മാ​യും അ​ടു​ത്ത ബ​ന്ധം പു​ല​ർ​ത്തി​യി​രു​ന്ന പ്ര​തി, ഇ​വ​രു​ടെ പ​ഠ​ന​സ​ഹാ​യം കൈ​പ്പ​റ്റി​യി​രു​ന്നു. ഭ​ർ​ത്താ​വി​ന്റെ പ്രാ​യാ​ധി​ക്യ​വും മ​ക്ക​ൾ ദൂ​രെ​യാ​ണെ​ന്ന​തും മ​ന​സ്സി​ലാ​ക്കി​യാ​ണ് ആ​ദി​ത്ത് മോ​ഷ​ണം ആ​സൂ​ത്ര​ണം ചെ​യ്ത​ത്. ഇ​രു​ട്ടി​ൽ പ​തു​ങ്ങി​യെ​ത്തി പി​ന്നി​ലൂ​ടെ ആ​ക്ര​മി​ക്കു​ക​യാ​യി​രു​ന്നു. ടീ​ച്ച​ർ തി​രി​ഞ്ഞു​നോ​ക്കാ​തി​രി​ക്കാ​ൻ ക​ഴു​ത്തി​ൽ ബ​ല​മാ​യി പി​ടി​ച്ച​മ​ർ​ത്തി​യ​പ്പോ​ൾ ശ്വാ​സം​മു​ട്ടി​യ ടീ​ച്ച​ർ മാ​ല​യി​ൽ പി​ടി​ച്ചു​വ​ലി​ച്ചു. ഇ​തോ​ടെ പൊ​ട്ടി​പ്പോ​യ മാ​ല​യു​ടെ ഒ​രു ഭാ​ഗം ടീ​ച്ച​റു​ടെ കൈ​യി​ൽ ല​ഭി​ച്ചി​രു​ന്നു. മോ​ഷ​ണ​ശേ​ഷം പ്ര​തി മ​ല​പ്പു​റം തി​രൂ​ര​ങ്ങാ​ടി​യി​ലെ ജ്വ​ല്ല​റി​യി​ൽ മാ​ല ഉ​രു​ക്കി സ്വ​ർ​ണ​ക്ക​ട്ടി​യാ​ക്കി നാ​ല​ര ല​ക്ഷം രൂ​പ​ക്ക് വി​റ്റു.

ഓ​ൺ​ലൈ​ൻ ട്രേ​ഡി​ങ്ങി​ലു​ണ്ടാ​യ ക​ടം വീ​ട്ടാ​നാ​ണ് മോ​ഷ​ണം ന​ട​ത്തി​യ​തെ​ന്ന് പ്ര​തി പൊ​ലീ​സി​നോ​ട് സ​മ്മ​തി​ച്ചു. അ​ന്വേ​ഷ​ണം ത​ന്നി​ലേ​ക്ക് എ​ത്തു​മെ​ന്ന ഘ​ട്ട​ത്തി​ൽ, നാ​ട്ടി​ൽ മ​റ്റേ​തോ ക​ള്ള​ന്റെ സാ​ന്നി​ധ്യ​മു​ണ്ടെ​ന്ന് വ​രു​ത്തി​ത്തീ​ർ​ക്കാ​നാ​യി ആ​ദി​ത്ത് നാ​ട​ക​ങ്ങ​ൾ മെ​ന​ഞ്ഞു. ത​ന്റെ വീ​ട്ടി​ൽ ആ​രോ ഗ്യാ​സ് സി​ലി​ണ്ട​ർ തു​റ​ന്നു​വി​ട്ട് തീ​യി​ടാ​ൻ ശ്ര​മി​ച്ചെ​ന്നും മ​റ്റൊ​രി​ക്ക​ൽ അ​ജ്ഞാ​ത​ൻ കു​ത്തി​ക്കൊ​ല​പ്പെ​ടു​ത്താ​ൻ ശ്ര​മി​ച്ചെ​ന്നും ക​ഥ​ക​ൾ പ്ര​ച​രി​പ്പി​ച്ചു. ഈ ​വി​വ​ര​ങ്ങ​ളെ​ല്ലാം പൊ​ലീ​സി​ൽ വി​ളി​ച്ച് അ​റി​യി​ക്കു​ക​യും ചെ​യ്തു.

എ​ന്നാ​ൽ, ശാ​സ്ത്രീ​യ​മാ​യ അ​ന്വേ​ഷ​ണ​ത്തി​ലൂ​ടെ പൊ​ലീ​സ് പ്ര​തി​യെ തി​രി​ച്ച​റി​യു​ക​യാ​യി​രു​ന്നു. മാ​ള സ്റ്റേ​ഷ​ൻ ഇ​ൻ​സ്പെ​ക്ട​ർ സ​ജി​ൻ ശ​ശി, സ​ബ് ഇ​ൻ​സ്പെ​ക്ട​ർ​മാ​രാ​യ കെ.​ടി. ബെ​ന്നി, എം.​എ​സ്. വി​നോ​ദ് കു​മാ​ർ, കെ.​ആ​ർ. സു​ധാ​ക​ര​ൻ, സീ​നി​യ​ർ സി​വി​ൽ പൊ​ലീ​സ് ഓ​ഫി​സ​ർ​മാ​രാ​യ പി.​ഡി. ദി​ബീ​ഷ്, വി.​ജി. സ​നേ​ഷ് എ​ന്നി​വ​ര​ട​ങ്ങി​യ സം​ഘ​മാ​ണ് പ്ര​തി​യെ പി​ടി​കൂ​ടി​യ​ത്.