പൊയ്യ അഡാക് ഫാം വികസനം ബണ്ട് റോഡിന് ഭരണാനുമതി

മാ​ള: സം​സ്ഥാ​ന ഫി​ഷ​റീ​സ് വ​കു​പ്പി​ന് കീ​ഴി​ൽ കൊ​ടു​ങ്ങ​ല്ലൂ​ർ മ​ണ്ഡ​ല​ത്തി​ലെ പൊ​യ്യ അ​ഡാ​ക്ക് ഫി​ഷ് ഫാ​മി​ന്റെ ചു​റ്റു​മു​ള്ള 3000 മീ​റ്റ​ർ ബ​ണ്ട് റോ​ഡ് നി​ർ​മാ​ണ​ത്തി​ന് 190 ല​ക്ഷം രൂ​പ​യു​ടെ ഭ​ര​ണാ​നു​മ​തി ല​ഭ്യ​മാ​യ​താ​യി വി.​ആ​ർ. സു​നി​ൽ​കു​മാ​ർ എം.​എ​ൽ.​എ അ​റി​യി​ച്ചു.

ഓ​രു​ജ​ല മ​ത്സ്യ​കൃ​ഷി, ക​രി​മീ​ൻ വി​ത്തു​ൽ​പാ​ദ​നം, ഓ​രു​ജ​ല മ​ത്സ്യ​വി​ത്ത് റി​യ​റി​ങ്, നൂ​ത​ന ജ​ല​കൃ​ഷി രീ​തി​ക​ളി​ലു​ള്ള മ​ത്സ്യ​ഉ​ൽ​പാ​ദ​നം തു​ട​ങ്ങി​യ പ്ര​വ​ർ​ത്ത​ന​ങ്ങ​ളി​ലൂ​ടെ മ​ത്സ്യ മേ​ഖ​ല​യി​ൽ പ്ര​ധാ​ന പ​ങ്കു​വ​ഹി​ക്കു​ന്ന സ്ഥാ​പ​ന​മാ​ണ് പൊ​യ്യ അ​ഡാ​ക് ഫി​ഷ് ഫാം. ​

ഫി​ഷ​റീ​സ് വ​കു​പ്പ് മു​ഖേ​ന ഫാം ​ആ​ധു​നി​ക രീ​തി​യി​ൽ ന​വീ​ക​രി​ക്കു​ന്ന​തി​ന്റെ ഭാ​ഗ​മാ​യി, ഫി​ഷ​റീ​സ് വി​ഷ​യ​ങ്ങ​ൾ പ​ഠി​ക്കു​ന്ന വി​ദ്യാ​ർ​ഥി​ക​ൾ​ക്ക് പ​രി​ശീ​ല​ന കേ​ന്ദ്ര​മെ​ന്ന നി​ല​യി​ലും ഇ​ക്കോ ടൂ​റി​സ്റ്റ് കേ​ന്ദ്ര​മാ​ക്കി​യും വി​ക​സ​ന പ​ദ്ധ​തി ത​യാ​റാ​ക്കാൻ നി​ർ​ദേ​ശം ന​ൽ​കി​യി​രു​ന്നു.

15 കോ​ടി രൂ​പ ചെ​ല​വ് വ​രു​ന്ന പ​ദ്ധ​തി​യാ​ണ് വി​ഭാ​വ​നം ചെ​യ്തി​ട്ടു​ള്ള​ത്. സാ​മ്പ​ത്തി​ക പ​രി​മി​തി​ക​ൾ കാ​ര​ണം തു​ക മാ​റ്റി​വെ​ക്കാ​ൻ ക​ഴി​ഞ്ഞി​ട്ടി​ല്ലെ​ങ്കി​ലും ഘ​ട്ടം​ഘ​ട്ട​മാ​യി ന​ട​പ്പാ​ക്കാ​നാ​ണ് സ​ർ​ക്കാ​ർ ഉ​ദ്ദേ​ശി​ക്കു​ന്ന​ത്. ഹാ​ർ​ബ​ർ എ​ൻ​ജി​നീ​യ​റി​ങ് വ​കു​പ്പി​നാ​ണ് നി​ർ​മാ​ണ ചു​മ​ത​ല.

ഇ​ന്റ​ർ​ലോ​ക്ക് ടൈ​ൽ വി​രി​ച്ച ബ​ണ്ട് റോ​ഡ് നി​ർ​മാ​ണ​ത്തി​നാ​ണ് ഇ​പ്പോ​ൾ ഭ​ര​ണാ​നു​മ​തി ല​ഭി​ച്ച​ത്. എ​ത്ര​യും​വേ​ഗം സാ​ങ്കേ​തി​കാ​നു​മ​തി ല​ഭ്യ​മാ​ക്കി നി​ർ​മാ​ണം ആ​രം​ഭി​ക്കാ​നു​ള്ള ന​ട​പ​ടി​ക​ൾ സ്വീ​ക​രി​ക്കാ​ൻ ഹാ​ർ​ബ​ർ എ​ൻ​ജി​നീ​യ​റി​ങ് വ​കു​പ്പ് എ​ക്സി​ക്യൂ​ട്ടീ​വ് എ​ൻ​ജി​നീ​യ​ർ​ക്ക് നി​ർ​ദേ​ശം ന​ൽ​കി​യി​ട്ടു​ണ്ട്.