എസ്.​െഎയുടെ കാലിൽ കാർ കയറ്റിയെന്ന കേസ്; പൊലീസിനെതിരെ മനുഷ്യാവകാശ കമീഷൻ കേസെടുത്തു

പാവറട്ടി: പുവ്വത്തൂരിൽ നോ പാർക്കിങ് ഏരിയയിൽ കർ നിർത്തിയിട്ടതിനെ ചൊല്ലിയുള്ള തർക്കത്തിൽ എസ്.ഐയുടെ കാലിൽ കാർ കയറ്റുകയും ഔദ്യോഗിക കൃത്യനിർവഹണത്തിന് തടസ്സം സൃഷ്​ടിക്കുകയും ചെയ്തുവെന്ന കാരണത്തിൽ അറസ്​റ്റ്​ ചെയ്ത സംഭവത്തിൽ പൊലീസിനെതിരെ മനുഷ്യാവകാശ കമീഷൻ കേസെടുത്തു.

രണ്ടാഴ്ച മുമ്പ് വെൻമനാട് കുപ്പത്ത് ബഷീറാണ് തന്നെ കള്ളക്കേസിൽ കുടുക്കിയെന്നും പൊലീസ് അപമര്യാദയായി പെരുമാറിയെന്നും കാണിച്ച് കമീഷന് പരാതി നൽകിയത്.

സംഭവത്തിൽ അറസ്​റ്റ്​ ചെയ്ത ബഷീറിന് കൊടുങ്ങല്ലൂർ മുൻസിഫ് കോടതി ജഡ്ജി ഇടക്കാല ജാമ്യം അനുവദിച്ചങ്കിലും പിന്നീട് ജാമ്യം റദ്ദാക്കി. വീണ്ടും അറസ്​റ്റ്​ ചെയ്ത് റിമാൻഡ്​ ചെയ്ത ബഷീറിന് ഹൈകോടതി ജാമ്യം അനുവദിച്ചിരുന്നു.