തൃ​ശൂ​ര്‍ നഗരത്തിലെങ്ങും പാർക്കിങ്​ കൊള്ള

തൃ​ശൂ​ര്‍: ജ​ന​റ​ല്‍ ആ​ശു​പ​ത്രി​യി​ൽ മാ​ത്ര​മ​ല്ല ന​ഗ​ര​ത്തി​ലെ​ങ്ങും പാ​ർ​ക്കി​ങ്​ കൊ​ള്ള തു​ട​രു​ന്നു. വി​വി​ധ സ്ഥാ​പ​ന​ങ്ങ​ളി​ലും സ്വ​കാ​ര്യ -കോ​ർ​പ​റേ​ഷ​ൻ പാ​ർ​ക്കി​ങ്​ സെ​ന്‍റ​റു​ക​ളി​ലും ഒ​രു മാ​റ്റ​വു​മി​ല്ലാ​തെ ഇ​ത്​ തു​ട​രു​ക​യാ​ണ്. റെ​യി​ൽ​വേ സ്റ്റേ​ഷ​നി​ൽ അ​ട​ക്കം സ​ങ്കീ​ർ​ണ​മാ​ണ്​ കാ​ര്യ​ങ്ങ​ൾ. തോ​ന്നി​യ രീ​തി​യി​ലാ​ണ്​ വി​വി​ധ വാ​ഹ​ന​ങ്ങ​ളി​ൽ​നി​ന്നും പ​ല​രും ഫീ​സ്​ ഈ​ടാ​ക്കു​ന്ന​ത്. ഇ​ത്​ ചോ​ദ്യം ചെ​യ്താ​ൽ സം​ഘ​ടി​ത​മാ​യ ആ​ക്ര​മ​ണ​മാ​ണ്​ നേ​രി​ടേ​ണ്ടി വ​രു​ക.

ജ​ന​റ​ൽ ആ​ശു​പ​ത്രി​യി​ൽ രോ​ഗി​യു​മാ​യി എ​ത്തു​ന്ന വാ​ഹ​ന​ങ്ങ​ൾ തീ​വ്ര​പ​രി​ച​ര​ണ വി​ഭാ​ഗ​ത്തി​ന് സ​മീ​പ​ത്ത് വാ​ഹ​നം നി​ർ​ത്തി രോ​ഗി​യെ ഇ​റ​ക്കും​മു​മ്പ് വാ​ഹ​നം മാ​റ്റി​യി​ടാ​നും തു​ക പി​രി​ക്കാ​നു​മാ​യി എ​ത്തു​ന്ന സ​മാ​ന പി​ടി​ച്ചു​പ​റി​യാ​ണ്​ ഇ​ത​ര സ്ഥാ​പ​ന​ങ്ങ​ളി​ലു​മു​ള്ള​ത്. ബൈ​ക്ക് യാ​ത്രി​ക​രി​ൽ​നി​ന്നു​പോ​ലും വ​ൻ തു​ക​യാ​ണ് പി​രി​ക്കു​ന്ന​ത്. ഇ​താ​ക​ട്ടെ, സ​മ​യം വൈ​കു​ന്ന​ത​നു​സ​രി​ച്ച് തു​ക​യും കൂ​ടും.

വി​വി​ധ മേ​ഖ​ല​ക​ളി​ലും അ​ര​ങ്ങേ​റു​ന്ന​ത്​​ സ​മാ​ന​മാ​യ കൊ​ള്ള​യാ​ണ്. തോ​ന്നി​യ രീ​തി​യി​ലാ​ണ്​ ക​രാ​റു​കാ​ർ പ​രി​വ്​ ന​ട​ത്തു​ന്ന​ത്. ഇ​ത്​ ചോ​ദ്യം ചെ​യ്താ​ൽ ആ​ക്ഷേ​പ​വും മോ​ശം പെ​രു​മാ​റ്റ​വു​മാ​ണ്​ അ​വ​രി​ൽ നി​ന്ന്​ ഉ​ണ്ടാ​വു​ന്ന​ത്.

വി​വി​ധ ഭാ​ഗ​ങ്ങ​ളി​ലേ​ക്ക്​ ജോ​ലി​ക്ക്​ ​പോ​കു​ന്ന​വ​രി​ൽ അ​ധി​ക​പേ​രും വാ​ഹ​ന​ങ്ങ​ൾ പാ​ർ​ക്ക്​ ചെ​യ്യു​ന്ന​തി​ന്​ ആ​ശ്ര​യി​ക്കു​ന്ന​ത്​ പാ​ർ​ക്കി​ങ്​ കേ​ന്ദ്ര​ങ്ങ​ളെ​യാ​ണ്. എ​ന്നാ​ൽ, അ​തി​ന​നു​സ​രി​ച്ച സൗ​ക​ര്യ​ങ്ങ​ൾ ഏ​ർ​പ്പെ​ടു​ത്തു​ക​യോ വാ​ഹ​ന​ങ്ങ​ൾ സൂ​ക്ഷി​ക്കു​ന്ന​തി​ൽ ജാ​ഗ്ര​ത കാ​ണി​ക്കു​ക​യോ ഇ​ക്കൂ​ട്ട​ർ ചെ​യ്യു​ന്നി​ല്ല. അ​തു​കൊ​ണ്ടു​ത​ന്നെ വാ​ഹ​ന​ങ്ങ​ൾ​ക്ക്​ കേ​ടു​പാ​ട്​ സം​ഭ​വി​ക്കു​ന്ന​തും നി​ത്യ​മാ​ണ്. കൂ​ടു​ത​ൽ പ​ണം ന​ൽ​കി​യി​ട്ടും ആ​വ​ശ്യ​മാ​യ സു​ര​ക്ഷ ഒ​രു​ക്കാ​ൻ പോ​ലും ഇ​വ​ർ ത​യാ​റ​ല്ല. കോ​ർ​പ​റേ​ഷ​ൻ അ​ധി​കാ​രി​ക​ളു​ടെ പി​ൻ​ബ​ല​ത്തി​ലാ​ണ്​ ഒ​രു മാ​ന​ദ​ണ്ഡ​വും പാ​ലി​ക്കാ​തെ തോ​ന്നി​യ ഫീ​സ്​ വാ​ഹ​ന​ങ്ങ​ൾ​ക്ക്​ ഈ​ടാ​ക്കു​ന്ന​ത്. ഇ​തി​ന്​ വി​ഹി​തം പ​റ്റു​ന്ന ഉ​ദ്യോ​ഗ​സ്ഥ​ർ വ​രെ​യു​ണ്ടെ​ന്ന ആ​രോ​പ​ണ​മാ​ണ്​ ജ​നം ഉ​ന്ന​യി​ക്കു​ന്ന​ത്.

പാ​ർ​ക്കി​ങ്​ കാ​ര്യ​ങ്ങ​ൾ സു​ഗ​മ​മ​ല്ലാ​ത്ത​തി​നാ​ൽ പാ​ത​യോ​ര​ങ്ങ​ളി​ലും കാ​ൽ​ന​ട പാ​ത​യി​ലും അ​ട​ക്കം വാ​ഹ​ന​ങ്ങ​ൾ ജ​നം പാ​ർ​ക്ക്​ ചെ​യ്യു​ക​യാ​ണ്. മാ​ളു​ക​ൾ അ​ട​ക്കം വി​വി​ധ വ്യാ​പാ​ര സ്ഥാ​പ​ന​ങ്ങ​ളി​ലേ​ക്ക്​ എ​ത്തു​ന്ന വാ​ഹ​ന​ങ്ങ​ളി​ൽ നി​ന്നും പാ​ർ​ക്കി​ങ്​ ഫീ​സ്​ ഈ​ടാ​ക്കു​ന്ന സ​മ്പ്ര​ദാ​യ​വും ന​ഗ​ര​ത്തി​ൽ തു​ട​രു​ക​യാ​ണ്. ഇ​വ​ക്കും​ അ​ധി​കൃ​ത​രു​ടെ ഒ​ത്താ​ശ​യാ​ണ്​ പി​ൻ​ബ​ലം. ബ​ഹു​നി​ല കെ​ട്ടി​ട​ങ്ങ​ൾ​ക്ക്​ പാ​ർ​ക്കി​ങ്​ സൗ​ക​ര്യം വേ​ണ​മെ​ന്ന നി​ബ​ന്ധ​ന പാ​ലി​ക്കു​ന്ന​തി​ൽ കോ​ർ​പ​റേ​ഷ​ൻ വി​മു​ഖ​ത തു​ട​രു​ക​യാ​ണ്.