പടിഞ്ഞാറൻ മുറി മില്ലേനിയം റോഡിലേക്ക് ഓട്ടോറിക്ഷ പോലും വരില്ല

മാ​ള: പ​ടി​ഞ്ഞാ​റ​ൻ മു​റി മി​ല്ലേ​നി​യം റോ​ഡ് ത​ക​ർ​ന്ന് സ​ഞ്ചാ​ര​യോ​ഗ്യ​മ​ല്ലാ​താ​യി. വ​ലി​യ കു​ഴി​ക​ളി​ൽ വെ​ട്ടു​ക​ല്ല്, ക​രി​ങ്ക​ല്ല് എ​ന്നി​വ​യി​ട്ട് കു​ഴി അ​ട​ക്കു​ക​യാ​ണ് പ​രി​സ​ര വാ​സി​ക​ൾ. പൊ​യ്യ പ​ഞ്ചാ​യ​ത്ത് വാ​ർ​ഡ് ര​ണ്ടി​ലാ​ണീ റോ​ഡ്. ഇ​രു പ്ര​ധാ​ന റോ​ഡു​ക​ളെ​യും ബ​ന്ധി​പ്പി​ക്കു​ന്ന റോ​ഡ് പു​ന​ർ​നി​ർ​മാ​ണം ന​ട​ത്താ​തെ ഒ​ഴി​വാ​ക്കി​യ​താ​യി പ​രാ​തി​യു​ണ്ട്. ഓ​ട്ടോ ഉ​ൾ​പ്പെ​ടെ​യു​ള്ള വാ​ഹ​ന​ങ്ങ​ൾ ഇ​തു​വ​ഴി ഗ​താ​ഗ​തം നി​റു​ത്തി​വെ​ക്കു​ക​യാ​ണ്. ഇ​തോ​ടെ യാ​ത്ര​ക്കാ​ർ പെ​രു​വ​ഴി​യി​ലാ​യി. നി​ര​വ​ധി സ്കൂ​ൾ ബ​സ്സു​ക​ളാ​ണ് ഇ​തു​വ​ഴി ഓ​ടു​ന്ന​ത്.

മാ​ള ടൗ​ണി​ലേ​ക്കു​ള്ള പ്ര​ധാ​ന പാ​ത​യും കൊ​ടു​ങ്ങ​ല്ലൂ​ർ-​മാ​ള റോ​ഡു​ക​ളു​മാ​യി ബ​ന്ധ​പ്പി​ക്കു​ന്ന ലി​ങ്ക് റോ​ഡു​മാ​ണി​ത്. 850 മീ​റ്റ​റാ​ണ് ആ​കെ നീ​ളം. പ​ടി​ഞ്ഞാ​റ​ൻ മു​റി, ബി​ഷ​പ് കോ​ർ​ണ​ർ, ഇ​ല​ഞ്ഞി​ക​ൽ​ഫാം, ഫ​യ​ർ സ്റ്റേ​ഷ​ൻ എ​ന്നി​വി​ട​ങ്ങ​ളി​ലു​ള്ള റോ​ഡു​ക​ളും ഈ ​റോ​ഡി​ൽ വ​ന്നു​ചേ​രു​ന്നു​ണ്ട്. അ​ടി​യ​ന്ത​ര ഘ​ട്ട​ങ്ങ​ളി​ൽ ടാ​ക്സി വി​ളി​ച്ചാ​ൽ പോ​ലും വാ​ഹ​ന​ങ്ങ​ൾ ഇ​തു​വ​ഴി വ​രാ​ൻ മ​ടി​ക്കു​ന്ന​താ​യും നാ​ട്ടു​കാ​ർ പ​റ​യു​ന്നു. ത​ക​ർ​ന്ന റോ​ഡ് പു​ന​ർ​നി​ർ​മി​ക്കാ​മെ​ന്ന് വാ​ഗ്ദാ​നം ന​ൽ​കി​യ ജ​ന​പ്ര​തി​നി​ധി​ക​ൾ വാ​ഗ്ദാ​ന ലം​ഘ​നം ന​ട​ത്തി​യ​താ​യും ആ​ക്ഷേ​പ​മു​ണ്ട്. പ​രി​സ​ര​ത്തെ താ​ണി​കാ​ട് ത​ളി​ർ, ബി​ഷ​പ്പ് കോ​ർ​ണ​ർ, ച​ർ​ച്ച് സെ​മി​ത്തേ​രി എ​ന്നീ റോ​ഡു​ക​ൾ ക​ഴി​ഞ്ഞ ദി​വ​സ​ങ്ങ​ൾ പു​ന​ർ​നി​ർ​മാ​ണം ന​ട​ത്തി​യി​ട്ടു​ണ്ട്. ഈ ​പാ​ത കൂ​ടി അ​ടി​യ​ന്ത​ര​മാ​യി ടാ​റി​ങ് ന​ട​ത്ത​ണ​മെ​ന്ന് നാ​ട്ടു​കാ​ർ ആ​വ​ശ്യ​പ്പെ​ട്ടു.