ഓപറേഷൻ തൂഫാൻ; 110 കിലോ നിരോധിത ഉൽപന്നങ്ങൾ പിടിച്ചെടുത്തു

തൃശൂർ: ഓപറേഷൻ തൂഫാൻ: ദി നാർകോ ഹണ്ടിന്റെ ഭാഗമായി 110 കിലോ പുകയില ഉൽപന്നങ്ങൾ തൃശൂർ നഗരത്തിൽനിന്ന് എക്സൈസ് സ്പെഷൽ സ്ക്വാഡും തൃശൂർ എക്സൈസ് ഇന്റലിജൻസും ചേർന്ന് പിടികൂടി.

വീട് വാടകക്കെടുത്താണ് പുകയില ഉൽപന്നങ്ങൾ സ്റ്റോക്ക് ചെയ്തിരുന്നത്.രഹസ്യവിവരത്തിന്റെ അടിസ്ഥാനത്തിലായിരുന്നു പരിശോധന. ശക്തൻ നഗറിൽ റൂം വാടകക്കെടുത്തായിരുന്നു വിൽപന. ഇതുമായി ബന്ധപ്പെട്ട് പശ്ചിമബംഗാൾ സ്വദേശി മൻജീഷിനെ കസ്റ്റഡിയിലെടുത്തു.