ഗവ. മെഡിക്കൽ കോളജിൽ രാ​ത്രി ഹൃ​ദ​യ​ചി​കി​ത്സ​ക്ക് സൗ​ക​ര്യ​മി​ല്ല

മു​ള​ങ്കു​ന്ന​ത്തു​കാ​വ്: ഗ​വ. മെ​ഡി​ക്ക​ല്‍ കോ​ള​ജി​ല്‍ രാ​ത്രി ഹൃ​ദ​യ​ചി​കി​ത്സ​ക്ക് സൗ​ക​ര്യ​മി​ല്ലാ​ത്ത​ത് രോ​ഗി​ക​ളെ വ​ല​യ്ക്കു​ന്നു. ആ​ൻ​ജി​യോ​ഗ്രാം മു​ത​ല്‍ ഹൃ​ദ​യം തു​റ​ന്ന ശ​സ്ത്ര​ക്രി​യ​വ​രെ ന​ട​ത്താ​ൻ കാ​ർ​ഡി​യോ​ള​ജി വി​ഭാ​ഗ​ത്തി​ല്‍ സൗ​ക​ര്യ​മു​ണ്ടെ​ങ്കി​ലും രാ​ത്രി​യി​ല്‍ ഈ ​സേ​വ​ന​ങ്ങ​ളൊ​ന്നും ല​ഭ്യ​മ​ല്ല. രാ​ത്രി​യി​ലെ​ത്തു​ന്ന രോ​ഗി​ക​ളെ തി​രി​ച്ച‍യ​ക്കു​ക​യാ​ണ് ചെ​യ്യു​ന്ന​ത്.

സ​ർ​ക്കാ​ർ ത​ല​ത്തി​ല്‍ ജി​ല്ല​യി​ല്‍ മ​റ്റൊ​രി​ട​ത്തും രാ​ത്രി ഹൃ​ദ​യ​ചി​കി​ത്സ ല​ഭ്യ​മ​ല്ല. ഇ​തു​മൂ​ലം സാ​ധാ​ര​ണ​ക്കാ​രാ​യ രോ​ഗി​ക​ള്‍ക്ക് സ്വ​കാ​ര്യ ആ​ശു​പ​ത്രി​ക​ളെ ആ​ശ്ര​യി​ക്കേ​ണ്ട സ്ഥി​തി​യാ​ണ്. ക​ഴി​ഞ്ഞ ദി​വ​സം രാ​ത്രി ഹൃ​ദ​യാ​ഘാ​ത​വു​മാ​യി എ​ത്തി​യ വ​ട​ക്കാ​ഞ്ചേ​രി സ്വ​ദേ​ശി മാ​ധ്യ​മ പ്ര​വ​ർ​ത്ത​ക​നെ തി​രി​ച്ച​യ​ച്ച​താ​ണ് ഇ​തി​ല്‍ ഒ​ടു​വി​ല​ത്തേ​ത്. ഇ​ദ്ദേ​ഹ​ത്തെ സ്വ​കാ​ര്യ മെ​ഡി​ക്ക​ല്‍ കോ​ള​ജി​ല്‍ എ​ത്തി​ച്ചാ​ണ് ജീ​വ​ൻ ര​ക്ഷി​ച്ച​ത്.

രാ​ത്രി​യി​ല്‍ക്കൂ​ടി സേ​വ​നം ന​ല്‍കാ​ൻ ക​ഴി​യും​വി​ധം ഡോ​ക്ട​ർ​മാ​രും അ​നു​ബ​ന്ധ ജീ​വ​ന​ക്കാ​രും ഇ​ല്ലാ​ത്ത​താ​ണ് രോ​ഗി​ക​ള്‍ക്ക് വി​ന​യാ​കു​ന്ന​ത്. ആ​കെ അ​ഞ്ച് ഡോ​ക്ട​ർ​മാ​രാ​ണ് കാ​ർ​ഡി​യോ​ള​ജി വ​കു​പ്പി​ലു​ള്ള​ത്. ഒ​രു മാ​സം നൂ​റി​ലേ​റെ രോ​ഗി​ക​ള്‍ക്ക് ആ​ൻ​ജി​യോ​പ്ലാ​സ്റ്റി ചി​കി​ത്സ ന​ട​ത്തു​ന്നു​ണ്ട്.

രാ​ത്രി ചി​കി​ത്സ ന​ല്‍ക​ണ​മെ​ങ്കി​ല്‍ ഒ​രു മു​തി​ർ​ന്ന ഡോ​ക്ട​റു​ടെ സേ​വ​നം അ​ത്യാ​വ​ശ്യ​മാ​ണ്. പ​ക​ല്‍ സേ​വ​നം വെ​ട്ടി​ച്ചു​രു​ക്കാ​തെ രാ​ത്രി​യി​ല്‍ ഹൃ​ദ​യ​ചി​കി​ത്സ ല​ഭ്യ​മാ​ക്ക​ണ​മെ​ങ്കി​ല്‍ വ​കു​പ്പി​ല്‍ ര​ണ്ട് ഡോ​ക്ട​ർ​മാ​രെ​യെ​ങ്കി​ലും അ​ധി​ക​മാ​യി നി​യ​മി​ക്കേ​ണ്ടി വ​രും.ഇ​തി​നാ​യി സ​ർ​ക്കാ​രി​ന് മെ​ഡി​ക്ക​ല്‍ കോ​ള​ജ് സ​മ​ർ​പ്പി​ച്ച പ​ദ്ധ​തി​ക​ള്‍ ഇ​തു​വ​രെ​യും അം​ഗീ​ക​രി​ക്ക​പ്പെ​ട്ടി​ട്ടി​ല്ല.

രാത്രികാല പോസ്റ്റുമോർട്ടം മന്ദഗതിയിൽ

ഗ​വ. മെ​ഡി​ക്ക​ൽ കോ​ള​ജി​ൽ രാ​ത്രി​കാ​ല പോ​സ്റ്റ്മോ​ർ​ട്ടം ആ​രം​ഭി​ച്ചെ​ങ്കി​ലും ജീ​വ​ന​ക്കാ​രു​ടെ കു​റ​വ് ജ​ന​ത്തെ വ​ല​ക്കു​ന്നു. ജീ​വ​ന​ക്കാ​രെ നി​യേ​ഗി​ക്ക​ണ​മെ​ന്നാ​വ​ശ്യ​പ്പെ​ട്ട് വ​കു​പ്പ് മേ​ധാ​വി ഡോ. ​ഹി​തേ​ഷ് ശ​ങ്ക​ർ അ​ധി​കൃ​ത​ർ​ക്ക് അ​പേ​ക്ഷ ന​ൽ​കി​യെ​ങ്കി​ലും ന​ട​പ​ടി​യാ​യി​ല്ല.

പോ​സ്റ്റ്‌​മോ​ർ​ട്ട​ത്തി​നു​ശേ​ഷം ബ​ന്ധു​ക്ക​ൾ​ക്ക് മൃ​ത​ദേ​ഹം കി​ട്ടാ​ൻ കാ​ത്തു​നി​ൽ​ക്കേ​ണ്ട അ​വ​സ്ഥ​യാ​ണ്. ക​ഴി​ഞ്ഞ മാ​സ​മാ​ണ് പോ​സ്റ്റ്മോ​ർ​ട്ട സ​മ​യം വൈ​കീ​ട്ട് ഏ​ഴ് വ​രെ​യാ​യി ദീ​ർ​ഘി​പ്പി​ച്ച​ത്. രാ​ത്രി​യി​ലെ പോ​സ്റ്റ്‌​മോ​ർ​ട്ടം ആ​രം​ഭി​ച്ച​ത് പൊ​ലീ​സി​നും ജ​ന​ത്തി​നും സൗ​ക​ര്യ​മാ​യി​രു​ന്നു. എ​ന്നാ​ൽ ഒ​രു ഷി​ഫ്റ്റ് ഡ്യൂ​ട്ടി​ക്കു​ള്ള ജീ​വ​ന​ക്കാ​ർ മാ​ത്ര​മാ​ണ് നി​ല​വി​ലു​ള്ള​ത്. ര​ണ്ട് ഷി​ഫ്റ്റാ​ക്കി​യ​പ്പോ​ൾ ജീ​വ​ന​ക്കാ​രു​ടെ അ​ഭാ​വം മൂ​ലം ഇ​രു ഷി​ഫ്റ്റി​ലെ​യും പ്ര​വ​ർ​ത്ത​നം മ​ന്ദ​ഗ​തി​യി​ലാ​യി.