തൃശൂർ ടു കശ്​മീർ @ സൈക്കിൾ; സ്വപ്​നമാണ്​ നിധിന്​ ആ 120 ദിനങ്ങൾ

തൃ​ശൂ​ർ: ഗ്യാ​സ് സ്​​റ്റൗ, കെ​റ്റി​ൽ, ഡീ​സ​ൽ പാ​ത്രം പി​ന്നെ വെ​റും 170 രൂ​പ​യും... തൃ​ശൂ​ർ പു​തു​ക്കാ​ട്​ ചെ​ങ്ങാ​ലൂ​രി​ലെ വീ​ട്ടി​ൽ​നി​ന്ന്​ അ​നി​യ​െൻറ പ​ഴ​യ സൈ​ക്കി​ളി​ൽ ക​ശ്മീ​രി​ലേ​ക്ക് യാ​ത്ര തി​രി​ക്കു​മ്പോ​ൾ ക​ല്ലൂ​ർ മാ​ളി​യേ​ക്ക​ൽ നി​ധി​ൻ (23) ഇ​ത്ര​യേ കൈ​യി​ൽ ക​രു​തി​യു​ള്ളൂ. 120 ദി​വ​സം നീ​ണ്ട സ്വ​പ്​​ന സ​മാ​ന യാ​ത്ര​ക്കൊ​ടു​വി​ൽ നി​ധി​ൻ ഇ​പ്പോ​ൾ നാ​ട്ടി​ലെ ഹീ​റോ​യാ​ണ്. സം​വി​ധാ​യ​ക​ൻ ജി​ത്തു ജോ​സ​ഫ്​ ഉ​ൾ​പ്പെ​ടെ നി​ര​വ​ധി​പേ​ർ വി​ളി​ച്ച്​ അ​ഭി​ന​ന്ദി​ച്ച​തി​െൻറ ത്രി​ല്ലി​ലാ​ണ്​ നി​ധി​ൻ.

2021 ജ​നു​വ​രി ഒ​ന്നി​നാ​ണ്​ ഒ​ല്ലൂ​രി​ലെ ഹോ​ട്ട​ൽ തൊ​ഴി​ലാ​ളി​യാ​യ നി​ധി​ൻ യാ​ത്ര പു​റ​പ്പെ​ട്ട​ത്. യാ​ത്ര​ക്കി​ടെ ചാ​യ വി​റ്റ്​ പ​ണം ക​ണ്ടെ​ത്താ​മെ​ന്ന ധാ​ര​ണ​യി​ലാ​ണ്​ കെ​റ്റി​ൽ എ​ടു​ത്ത​ത്. ആ​യി​ര​ക്ക​ണ​ക്കി​ന് കി​ലോ​മീ​റ്റ​ർ താ​ണ്ടി ക​ശ്മീ​രി​ലെ​ത്തി​യ​​പ്പോ​ൾ മ​ന​സ്സു​നി​റ​യെ ന​ന്മ​യു​ള്ള, പ​ല ഭാ​ഷ സം​സാ​രി​ക്കു​ന്ന പ​രി​ചി​ത​ര​ല്ലാ​ത്ത ഒ​രു​പി​ടി മ​നു​ഷ്യ​രു​ടെ കാ​രു​ണ്യം നേ​രി​ട്ട​റി​ഞ്ഞ​താ​യി നി​ധി​ൻ പ​റ​യു​ന്നു.

ത​ല ചാ​യ്​​ക്കാ​ൻ ഇ​ടം ത​ന്ന​വ​ർ, വി​ശ​ന്ന​പ്പോ​ൾ ഭ​ക്ഷ​ണം ത​ന്ന​വ​ർ, വ​യ​റു വേ​ദ​നി​ച്ച​പ്പോ​ൾ മ​രു​ന്ന്​ ത​ന്ന​വ​ർ ഒ​ക്കെ​യാ​യി ഒ​ത്തി​രി പേ​ർ. ക​ർ​ണാ​ട​ക​യും ഗോ​വ​യും രാ​ജ​സ്​​ഥാ​നും ഡ​ൽ​ഹി​യും പി​ന്നി​ട്ട്​ ക​​ശ്​​മീ​ർ എ​ത്തും​വ​രെ ഭ​ക്ഷ്യ​വി​ഷ​ബാ​ധ​യേ​റ്റും സൈ​ക്കി​ൾ കേ​ടാ​യും വ​ഴി​യ​റി​യാ​തെ​യും മ​റ്റും പ്ര​തി​ബ​ന്ധ​ങ്ങ​ൾ ഏ​റെ​യാ​യി​രു​ന്നു. ഹി​ന്ദി അ​റി​യി​ല്ലാ​യി​രു​ന്നു. കാ​ല്​ നീ​രു​വ​ന്ന്​ വീ​ർ​ത്തി​രു​ന്നു.

തി​രി​കെ​ വ​രു​േ​മ്പാ​ൾ ഉ​ത്ത​ർ​പ്ര​ദേ​ശി​ൽ വെ​ച്ചാ​ണ്​ ലോ​ക്​​ഡൗ​ൺ തി​രി​ച്ച​ടി​യാ​യ​ത്. അ​വി​ടെ​നി​ന്ന്​ വ​ന്നു​കൊ​ണ്ടി​രു​ന്ന ട്ര​ക്കി​ൽ സൈ​ക്കി​ൾ വെ​ച്ചാ​ണ്​ പി​ന്നീ​ട്​​ കേ​ര​ള​ത്തി​ലെ​ത്തി​യ​ത്. ഏ​പ്രി​ൽ 30ന്​ ​നാ​ട്ടി​ൽ തി​രി​ച്ചെ​ത്തി​യ​പ്പോ​ൾ ചാ​യ വി​റ്റു​കി​ട്ടി​യ 1500 രൂ​പ കൈ​യി​ലു​ണ്ടാ​യി​രു​ന്നു. എ​വ​റ​സ്​​റ്റ്​ കീ​ഴ​ട​ക്കു​ക എ​ന്ന മോ​ഹം പൂ​ർ​ത്തി​യാ​ക്കാ​ൻ ഒ​രു​ക്കം തു​ട​ങ്ങി​യ​താ​യി നി​ധി​ൻ 'മാ​ധ്യ​മ'​ത്തോ​ട്​ പ​റ​ഞ്ഞു.