പ​ത്ര​വി​ത​ര​ണം, ട്യൂ​ഷ​ൻ ടീ​ച്ച​ർ, പിന്നെ പഠനം; അ​ഭി​വ​ന്ദ​ന​യു​ടെ വി​ജ​യ​ത്തി​ന് പ​ത്ത​ര​മാ​റ്റ് തി​ള​ക്കം

വാ​ടാ​ന​പ്പ​ള്ളി: വാ​ടാ​ന​പ്പ​ള്ളി ഭ​ഗ​വ​തി ക്ഷേ​ത്ര​ത്തി​ന് വ​ട​ക്ക് ആ​ല​ത്തി വീ​ട്ടി​ൽ ശ​ശി​കു​മാ​ർ-​ലി​ജി ദ​മ്പ​തി​യു​ടെ മ​ക​ൾ അ​ഭി​വ​ന്ദ​ന​യു​ടെ പ്ല​സ് വി​ജ​യ​ത്തി​ന് ഇ​ര​ട്ടി മ​ധു​രം. പ​ഠ​ന​ത്തി​നും അ​ത്യാ​വ​ശ്യം സ്വ​ന്തം ​െച​ല​വി​നു​മു​ള്ള പ​ണ​ത്തി​ന് അ​ഭി​വ​ന്ദ​ന​ക്ക് വീ​ട്ടു​കാ​രെ ആ​ശ്ര​യി​ക്കേ​ണ്ട ആ​വ​ശ്യ​മി​ല്ല. അ​തി​രാ​വി​ലെ പ​ത്ര​വി​ത​ര​ണം, പി​ന്നെ പ​ഠ​നം, അ​ത് ക​ഴി​ഞ്ഞ് ട്യൂ​ഷ​ൻ ടീ​ച്ച​ർ... ഇ​ങ്ങ​നെ​യെ​ല്ലാം വ​രു​മാ​ന​മു​ണ്ടാ​ക്കു​ന്ന മി​ടു​ക്കി​യാ​ണ് ക​ണ്ട​ശ്ശാം​ക​ട​വ് പ്ര​ഫ. ജോ​സ​ഫ് മു​ണ്ട​ശ്ശേ​രി ഗ​വ. ഹ​യ​ർ സെ​ക്ക​ൻ​ഡ​റി സ്കൂ​ളി​ലെ പ്ല​സ് ടു ​വി​ദ്യാ​ർ​ഥി​നി​യാ​യ അ​ഭി​വ​ന്ദ​ന.

അ​തി​രാ​വി​ലെ എ​ഴു​ന്നേ​ൽ​ക്കു​ന്ന അ​ഭി​വ​ന്ദ​ന പ​ത്രം വി​ത​ര​ണം ചെ​യ്യു​ന്ന​ത് സ്വ​ന്തം സൈ​ക്കി​ളി​ൽ. ആ​റോ​ടെ വാ​ടാ​ന​പ്പ​ള്ളി സെൻറ​റി​ൽ എ​ത്തി വി​വി​ധ പ​ത്ര​കെ​ട്ടു​ക​ൾ എ​ടു​ത്ത ശേ​ഷം മ​ഴ​യും മ​ഞ്ഞും വ​ക​വെ​ക്കാ​തെ വീ​ടു​ക​ൾ ക​യ​റി വി​ത​ര​ണം. വി​ത​ര​ണം ക​ഴി​ഞ്ഞ് വീ​ട്ടി​ലെ​ത്തി​യ ശേ​ഷം കു​ളി​യും ചാ​യ കു​ടി​യും. പി​ന്നെ പ​ഠി​പ്പി​ൽ മു​ഴു​കും. അ​ത് ക​ഴി​ഞ്ഞാ​ണ് ട്യൂ​ഷ​നെ​ടു​ക്കു​ന്ന​ത്. കു​ട്ടി​ക​ളു​ടെ വീ​ട്ടി​ൽ പോ​യും വീ​ട്ടി​ലും പി​ന്നെ ഓ​ൺ​ലൈ​ൻ വ​ഴി​യു​മാ​ണ് അ​ഭി​വ​ന്ദ​ന പ​ത്താം ക്ലാ​സി​ൽ പ​ഠി​ക്കു​ന്ന വി​ദ്യാ​ർ​ഥി​ക​ൾ​ക്കാ​യി ട്യൂ​ഷ​ൻ എ​ടു​ക്കു​ന്ന​ത്.

പ്ല​സ് ടു​വി​ൽ ഹ്യു​മാ​നി​റ്റി​സ് വി​ഷ​യ​മാ​യി​രു​ന്നു അ​ഭി​ന​ന്ദ​ന​യു​ടേ​ത്. എ​ല്ലാ വി​ഷ​യ​ങ്ങ​ളി​ലും എ ​പ്ല​സാ​ണ് ല​ഭി​ച്ച​ത്. 97 ശ​ത​മാ​നം മാ​ർ​ക്കോ​ടെ​യാ​യി​രു​ന്നു ഉ​പ​രി​പ​ഠ​ന​ത്തി​ന് യോ​ഗ്യ​ത നേ​ടി​യ​ത്. പ​ഠ​ന​ത്തോ​ടൊ​പ്പം സ​ഹോ​ദ​രി അ​ഭി​ഷേ​ക​യെ പോ​ലെ ചി​ത്ര​ര​ച​ന​യി​ലും ക​ഴി​വ് തെ​ളി​യി​ച്ചി​ട്ടു​ണ്ട്. ഡി​ഗ്രി​ക്ക് പോ​കു​മെ​ന്ന് അ​റി​യി​ച്ച അ​ഭി​വ​ന്ദ​ന ഡി​വി​ൽ സ​ർ​വി​സ് പ​രീ​ക്ഷ എ​ഴു​താ​നു​ള്ള ശ്ര​മ​ത്തി​ലാ​ണ്. പ​ഠ​ന​ത്തോ​ടൊ​പ്പം പ​ത്ര​വി​ത​ര​ണ​വും തു​ട​രു​മെ​ന്ന് പ​റ​ഞ്ഞു. പി​താ​വ് ഖ​ത്ത​റി​ൽ ഡ്രൈ​വ​റാ​ണ്. അ​മ്മ ലി​ജി വീ​ട്ടി​ൽ ത​യ്യ​ൽ പ​ണി ചെ​യ്യു​ന്നു​ണ്ട്.