വീട്ടുതൊടിയിലെ ഉഴുന്ന് കൃഷിയിൽ നൂറുമേനിയുമായി വീട്ടമ്മ

അ​ന്തി​ക്കാ​ട്: വീ​ട്ടു​തൊ​ടി​യി​ലെ ഉ​ഴു​ന്ന് കൃ​ഷി​യി​ൽ നൂ​റു​മേ​നി വി​ള​വ് നേ​ടി​യ സ​ന്തോ​ഷ​ത്തി​ലാ​ണ് അ​ന്തി​ക്കാ​ട്ടെ ക​രു​മ​ത്തി​ൽ വീ​ട്ടി​ൽ ശാ​ലി​നി വി​ജ​യ​ൻ. വീ​ട്ടു​ജോ​ലി​ക്കാ​ര​നാ​യ ത​മി​ഴ്നാ​ട് കും​ഭ​കോ​ണം സ്വ​ദേ​ശി ദേ​വ​നേ​ശ​ൻ നാ​ട്ടി​ൽ​നി​ന്ന് കൊ​ണ്ടു​വ​ന്ന ഉ​ഴു​ന്ന് വി​ത്ത് ഒ​രു പ്ര​തീ​ക്ഷ​യും കൂ​ടാ​തെ അ​ന്തി​ക്കാ​ട്ടെ വീ​ട്ടു​പ​റ​മ്പി​ൽ വി​ത​ച്ച് പ​രി​പാ​ലി​ച്ചാ​ണ് ഇ​വ​ർ വി​ള​വ് കൊ​യ്ത​ത്. ഏ​താ​നും മാ​സം മു​മ്പാ​ണ് കൃ​ഷി ആ​രം​ഭി​ച്ച​ത്.

ചാ​ണ​ക​ത്തി​ന്റെ​യും ആ​ട്ടി​ൻ കാ​ഷ്ഠ​ത്തി​ന്റെ​യും പൊ​ടി​ക​ളാ​യി​രു​ന്നു പ്ര​ധാ​ന വ​ളം. ക​മ്പോ​സ്റ്റ്, സൂ​പ്പ​ർ മി​ൽ​സ് എ​ന്നി​വ​യും വ​ള​മാ​യി ന​ൽ​കി​യാ​ണ് പ​രീ​ക്ഷ​ണ കൃ​ഷി വി​ജ​യി​പ്പി​ച്ച​ത്. ഏ​താ​നും വ​ർ​ഷ​ങ്ങ​ളാ​യി ഇ​വ​ർ അ​ർ​ബു​ദ​ത്തി​ന്റെ തീ​രാ​നോ​വി​ൽ​നി​ന്ന് പൊ​രു​തി ജീ​വി​തം തി​രി​കെ പി​ടി​ച്ച ശാ​ലി​നി വി​ജ​യ​ന് ഇ​ത് ര​ണ്ടാം ജ​ന്മം കൂ​ടി​യാ​ണ്. ജീ​വി​തം കൈ​വി​ട്ടു പോ​വു​ക​യാ​ണെ​ന്ന് തോ​ന്നി​യ നി​മി​ഷം ഭ​ർ​ത്താ​വി​ന്റെ​യും മ​ക​ൾ അ​വ​ന്തി​ക സ​ന്തോ​ഷി​ന്റെ​യും സ​ഹാ​യ​ത്തോ​ടെ വീ​ട്ടു​പ​റ​മ്പി​ലെ കൃ​ഷി​യി​ട​ത്തി​ലേ​ക്ക് ഇ​വ​രെ മ​ട​ക്കി എ​ത്തി​ക്കു​ക​യാ​യി​രു​ന്നു. രോ​ഗ​പീ​ഡ​ക​ൾ​ക്കി​ട​യി​ലും ക​ഴി​ഞ്ഞ ന​വം​ബ​റി​ൽ വി​ത​ച്ച ഉ​ഴു​ന്ന് ഫെ​ബ്രു​വ​രി അ​ഞ്ചി​ന് ഇ​വ​ർ വി​ള​വെ​ടു​ത്തു.

ത​മി​ഴ്നാ​ട്ടി​ൽ ബി​സി​ന​സു​കാ​ര​നും ഗ​വ. ക​രാ​റു​കാ​ര​നു​മാ​യ വി​ജ​യ​ൻ ഭാ​ര്യ ശാ​ലി​നി​ക്ക് കൃ​ഷി വി​ജ​യ​മാ​ക്കാ​നും രോ​ഗ​ത്തെ തോ​ൽ​പ്പി​ക്കാ​നും സാ​ന്ത്വ​ന​വു​മാ​യി ഒ​പ്പ​മു​ണ്ട്. വി​ള​വെ​ടു​ത്ത ഉ​ഴു​ന്ന് വീ​ട്ടാ​വ​ശ്യ​ത്തി​നാ​യി ഉ​പ​യോ​ഗി​ക്കു​ക​യാ​ണി​വ​ർ. ഉ​ഴു​ന്ന് കൃ​ഷി​വി​ജ​യം ക​ണ്ട​തോ​ടെ കൂ​ടു​ത​ൽ സ്ഥ​ല​ത്ത് കൃ​ഷി​യി​റ​ക്കാ​നൊ​രു​ങ്ങു​ക​യാ​ണ് 51 കാ​രി​യാ​യ ഈ ​വീ​ട്ട​മ്മ.