വീടെന്ന സ്വപ്നം യാഥാർഥ്യമായി; സന്തോഷത്തിൽ രണ്ടു കുടുംബം

കയ്പമംഗലം: വീടെന്നസ്വപ്നം യാഥാർഥ്യമായതി​െൻറ സന്തോഷത്തിലാണ് കയ്പമംഗലത്തെ രണ്ട് കുടുംബങ്ങൾ. കയ്പമംഗലം മൂന്നാം വാർഡിൽ താമസിക്കുന്ന പുളിപറമ്പിൽ സെറീന ഷേക്ക്, 18ാം വാർഡിൽ താമസിക്കുന്ന കിളിക്കോട്ട് വേലായുധൻ എന്നിവർക്കാണ് കലക്ടറുടെയും എം.എൽ.എയുടെയും ഇടപെടലിനെ തുടർന്ന് വീട് ലഭിച്ചത്. വിവിധ കാരണങ്ങളാൽ സർക്കാറി​െൻറ മുൻഗണന ലിസ്​റ്റിൽപെടാതിരുന്ന ഇരുകുടുംബങ്ങളുടെ ദയനീയാവസ്ഥ മനസ്സിലാക്കിയാണ് എം.എൽ.എയുടെ നേതൃത്വത്തിൽ വീട്​ ലഭിച്ചത്​

വാടകവീട്ടിൽ കഴിഞ്ഞിരുന്ന സെറീനക്കും കുടുംബത്തിനും ഫ്രണ്ട്സ് ഫോർ എവർ ചാരിറ്റബിൾ ട്രസ്​റ്റാണ് വീടിനായി മൂന്ന് സെൻറ്​ സ്ഥലം വാങ്ങിനൽകിയത്. കഴിഞ്ഞ പ്രളയകാലത്ത് ഇവരുടെ ദുരവസ്ഥ എം.എൽ.എ, കലക്ടറെ അറിയിച്ചതിനെ തുടർന്ന് സ്കൈ ലൈൻ ബിൽഡേഴ്സ് ഇവർക്ക് വീട് നിർമിച്ചുനൽകാമെന്നേറ്റു.

530 ചതുരശ്രയടിയിൽ ഏഴ്​ ലക്ഷം രൂപ ചെലവിട്ടാണ് ഓരോ വീടും നിർമിച്ചിരിക്കുന്നത്. വെള്ളിയാഴ്ച നടന്ന ചടങ്ങിൽ ജില്ല കലക്ടർ എസ്. ഷാനവാസ്, ഇ.ടി. ടൈസൺ എം.എൽ.എ എന്നിവരുടെ സാനിധ്യത്തിൽ വീടുകളുടെ താക്കോൽ കൈമാറി.