വധശ്രമക്കേസ്​ പ്രതി പിടിയിൽ

ചാലക്കുടി: കൊമ്പൊടിഞ്ഞാമാക്കലിൽ യുവാവിനെ ഇരുമ്പുവടികൊണ്ടും മറ്റും ആക്രമിച്ച് കൊലപ്പെടുത്താൻ ശ്രമിച്ച കേസിൽ ഒരാളെ പിടികൂടി. ആളൂർ മാനാട്ടുകുന്ന് പേരിപറമ്പിൽ വീട്ടിൽ വേലായുധ​െൻറ മകൻ മുറി എന്നറിയപ്പെടുന്ന രതീഷാണ്​ (39) പിടിയിലായത്. നാലു മാസം മുമ്പ് ​ഒമ്പതാം തീയതി വൈകീട്ട്​ കൊമ്പൊടിഞ്ഞാമാക്കലിൽ റോഡരികിൽ നിൽക്കുകയായിരുന്ന പൊരുന്നംകുന്ന് സ്വദേശി ശ്രീകാന്തിനെയാണ് കാറിലെത്തിയ ഒരുസംഘം വീട്ടിൽ പോടാ എന്നുപറഞ്ഞ് ഭീഷണിപ്പെടുത്തിയത്.

ഇവരുടെ ആജ്ഞ നിരസിച്ച യുവാവിനെ കാറിലെത്തിയ സംഘം ഭീകരമായി ആക്രമിക്കുകയായിരുന്നു.

ഇരുമ്പുവടികൊണ്ടും മറ്റുമുള്ള ആക്രമണത്തിൽ യുവാവിന് ഗുരുതരമായി പരിക്കേറ്റിരുന്നു.