മു​ഖം മി​നു​ക്കി മു​ര​ളി തി​യ​റ്റ​ര്‍

തൃശൂർ: കേരള സംഗീത നാടക അക്കാദമി സംഘടിപ്പിക്കുന്ന ഇറ്റ്ഫോക്കിന്റെ പ്രധാന വേദികളില്‍ ഒന്നായ ആക്ടര്‍ മുരളി തിയറ്ററിന്റെ പുനര്‍നിർമാണ പ്രവര്‍ത്തനങ്ങള്‍ അന്തിമഘട്ടത്തില്‍. പുനര്‍നിർമാണം പൂര്‍ത്തിയാകുന്നതോടെ നാടകങ്ങള്‍ കാണാനുള്ള കേരളത്തിലെ മികച്ച തിയറ്ററുകളില്‍ ഒന്നായി ഇത് മാറും. ഒരേസമയം 550 പേര്‍ക്ക് ഇരുന്ന് നാടകം കാണാനുള്ള സൗകര്യം ഉണ്ടാകും.

ഗാലറി മോഡലില്‍ ഒരുക്കിയതിനാല്‍ കൂടുതല്‍ പേര്‍ക്ക് നാടകം കാണാന്‍ കഴിയുമെന്നതാണ് ഇതിന്റെ പ്രത്യേകത. മറ്റ് വേദികളില്‍നിന്ന് വ്യത്യസ്തമായി സ്റ്റേജും വലുതാണ്.വലിയ രംഗസംവിധാനത്തോടെ ലോക നാടകങ്ങളുടെ രംഗ അവതരണങ്ങൾക്ക് ഉതകുംവിധമാണ് രൂപകൽപന.

ഇത്തവണ ദക്ഷിണാഫ്രിക്കയില്‍നിന്നുള്ള സാംസണ്‍, ലെബനനില്‍നിന്നുള്ള ‘ടോള്‍ഡ് ബൈ മദര്‍’, ഫ്രാന്‍സില്‍ നിന്നുള്ള ‘ടെംപെസ്റ്റ് പ്രോജക്ട്’, കേരളത്തില്‍നിന്നുള്ള സോവിയറ്റ് സ്‌റ്റേഷന്‍ കടവ്, ഫ്രാന്‍സില്‍നിന്നുള്ള ‘കാഫ്ക’ എന്നീ നാടകങ്ങള്‍ ആക്ടര്‍ മുരളി തിയറ്ററില്‍ അരങ്ങേറും. പ്രശസ്ത രംഗ ശിൽപി ആര്‍ട്ടിസ്റ്റ് സുജാതനാണ് പുനര്‍നിർമാണ പ്രവര്‍ത്തനങ്ങള്‍ രൂപകൽപന ചെയ്തത്.

മെറ്റല്‍ വര്‍ക്ക് ചുമതല മേജോയാണ്. അക്കാദമി സെക്രട്ടറി കരിവെള്ളൂര്‍ മുരളിയുടെ മാര്‍ഗനിര്‍ദേശത്തിന്റെ അടിസ്ഥാനത്തില്‍ അക്കാദമി സൂപ്രണ്ട് ഷാജി ജോസഫും കെയര്‍ടേക്കര്‍ കെ. മനോജനും നിർമാണപ്രവര്‍ത്തനങ്ങള്‍ ഏകോപിപ്പിക്കുന്നു.

പ്ര​തി​ദി​നം എ​ത്തു​ക 5000 പേ​ർ

കേ​ര​ള സം​ഗീ​ത നാ​ട​ക അ​ക്കാ​ദ​മി സം​ഘ​ടി​പ്പി​ക്കു​ന്ന ഇ​റ്റ്‌​ഫോ​ക്കി​ന്റെ 13ാമ​ത് എ​ഡി​ഷ​ന്‍ കാ​ണാ​ന്‍ 5000ഓ​ളം പേ​ര്‍ പ്ര​തി​ദി​നം എ​ത്തു​മെ​ന്ന​താ​ണ് ഓ​ണ്‍ലൈ​ന്‍ ടി​ക്ക​റ്റ് ബു​ക്കി​ങ്ങി​ലെ ആ​ദ്യ ര​ണ്ട് ദി​വ​സ​ത്തെ പ്ര​വ​ണ​ത​ക​ള്‍ സൂ​ചി​പ്പി​ക്കു​ന്ന​ത്. പ്ര​തി​ദി​നം 2,100 പേ​ര്‍ക്ക് നാ​ട​കം കാ​ണാ​നു​ള്ള സൗ​ക​ര്യ​മാ​ണ് അ​ക്കാ​ദ​മി ഒ​രു​ക്കി​യി​രി​ക്കു​ന്ന​ത്.

നാ​ട​ക​ങ്ങ​ള്‍ക്ക് പു​റ​മേ, പൊ​തു​ജ​ന​ങ്ങ​ള്‍ക്കാ​യി സം​ഗീ​ത പ​രി​പാ​ടി​ക​ളും പ്ര​ഭാ​ഷ​ണ​ങ്ങ​ളും കൊ​ളോ​ക്ക്യ​ങ്ങ​ളും സം​ഘ​ടി​പ്പി​ക്കു​ന്നു​ണ്ട്. പു​റ​മെ ഭ​ക്ഷ‍്യ​മേ​ള​യും പു​സ്ത​ക​മേ​ള​യും ഇ​ത്ത​വ​ണ​ത്തെ ഇ​റ്റ്‌​ഫോ​ക്കി​ന്റെ ആ​ക​ര്‍ഷ​ണീ​യ​ത​ക​ളാ​ണ്.