Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightLocal Newschevron_rightThrissurchevron_rightഎം.പി. വിൻസെൻറ്...

എം.പി. വിൻസെൻറ് ഡി.സി.സി പ്രസിഡൻറ്​

text_fields
bookmark_border
എം.പി. വിൻസെൻറ് ഡി.സി.സി പ്രസിഡൻറ്​
cancel
camera_alt

എം.പി. വിന്‍സെൻറ്

തൃശൂര്‍: തൃശൂർ ജില്ല കോൺഗ്രസ് കമ്മിറ്റി പ്രസിഡൻറായി മുൻ എം.എൽ.എ എം.പി. വിന്‍സെൻറിനെ നിയമിച്ചു. ബുധനാഴ്​ച രാവിലെ 10ന് ഡി.സി.സി ഓഫിസായ കെ. കരുണാകരന്‍ സപ്തതി മന്ദിരത്തിലെത്തി ചുമതലയേൽക്കും. വിദ്യാർഥി സംഘടന പ്രവർത്തനത്തിലൂടെ പൊതുപ്രവർത്തനം ആരംഭിച്ച വിൻസെൻറ്​ സഹകരണ, കാര്‍ഷിക മേഖലയിലും സജീവമാണ്.

ഒല്ലൂരില്‍ 2011ല്‍ എം.എല്‍.എയായ അദ്ദേഹം ഡി.സി.സി ജനറല്‍ സെക്രട്ടറി, കെ.പി.സി.സി എക്സി. കമ്മിറ്റി അംഗം എന്നീ നിലകളിലും പ്രവര്‍ത്തിച്ചു. കര്‍ഷകനായ അളഗപ്പ നഗര്‍ മാണിയാക്കുവീട്ടില്‍ എം.വി. പൗലോസി​െൻറയും മേരിയുടേയും മകനാണ്. ഭാര്യ: റജി (തൃശൂര്‍ തോപ്പ് സെൻറ്​ തോമസ് സ്‌കൂള്‍ അധ്യാപിക). മക്കൾ: വിക്ടര്‍ (രാജഗിരി എന്‍ജി. കോളജ് വിദ്യാർഥി), അയറിന്‍ (ഫിസാറ്റ് എന്‍ജി. കോളജ് അങ്കമാലി).

ഇടവേള കഴിഞ്ഞു; ഇനി വിൻസെൻറ് കാലം

തൃശൂർ: ഒന്നര വർഷത്തിന്​ ശേഷം തൃശൂർ ജില്ല കോൺഗ്രസ് കമ്മിറ്റിക്ക് നാഥനായി. മാസങ്ങൾക്ക് മുമ്പ് കെ.പി.സി.സി ഭാരവാഹികളെ പ്രഖ്യാപിക്കുന്ന ഘട്ടത്തിൽ വിൻെസൻറിനെ ഡി.സി.സി പ്രസിഡൻറായി നിയമിച്ചുവെന്ന് തീരുമാനമായി പുറത്തുവന്നുവെങ്കിലും പ്രഖ്യാപിക്കാതെ ചുണ്ടിനും കപ്പിനുമിടയിൽ വെച്ച് മാറ്റിവെക്കുകയായിരുന്നു.

ലോക്​ഡൗണിന് തൊട്ടു മുമ്പാണ്​ പഴയ പ്രസിഡൻറ്​ ടി.എൻ. പ്രതാപ​െൻറ രാജി കെ.പി.സി.സി അംഗീകരിച്ചത്​. കെ.പി.സി.സി വൈസ് പ്രസിഡൻറ്​ പത്മജ വേണുഗോപാലിനും ജനറൽ സെക്രട്ടറി ഒ. അബ്​ദുറഹിമാൻകുട്ടിക്കും പകരം ചുമതല നൽകിയെങ്കിലും ഇതും വിവാദമായി. രണ്ട് പ്രസിഡൻറുമാരെ നിയമിച്ച രീതിയെ മുതിർന്ന നേതാക്കൾ തന്നെ വിമർശിച്ചു. എതിർപ്പറിയിച്ച് പലരും സജീവ പ്രവർത്തനത്തിൽ നിന്ന് തന്നെ വിട്ടുനിൽക്കുന്നതിനിടയിലാണ് പാർട്ടിക്ക് പ്രതീക്ഷ പകർന്ന് പുതിയ പ്രസിഡൻറിനെ നിയമിക്കുന്നത്.

വിൻസെൻറ് പ്രസിഡൻറാവുന്നതിനെതിരെ എ, ഐ ഗ്രൂപ്പുകളിലുള്ളവർ പല വിധത്തിൽ സമ്മർദം ചെലുത്തിയിരുന്നുവെങ്കിലും ഇത് ഏറ്റില്ല. ഇടവേളക്ക് ശേഷമാണ് ഐ ഗ്രൂപ്പി​െൻറ പേരിലേക്ക് തന്നെ പ്രസിഡൻറ്​ പദവി എത്തുന്നത്. ഐ ഗ്രൂപ്പുകാരനാണ് എം.പി. വിൻസെൻറെങ്കിലും നിലവിൽ പ്രസിഡൻറായിരിക്കുന്നത് കെ.സി. വേണുഗോപാലി​െൻറ പിന്തുണയോടെയാണെന്നാണ് പറയുന്നത്.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:congressmp vincentthrissur dcc vincent
Next Story