റോ​ഡ​രി​കി​ലെ കാ​ന​യി​ൽ വീ​ണ കു​ട്ടി​യാ​ന​ക്ക് ര​ക്ഷ​ക​യാ​യി അ​മ്മ​

ആ​മ്പ​ല്ലൂ​ർ: റോ​ഡ​രി​കി​ലെ കാ​ന​യി​ൽ വീ​ണ കു​ട്ടി​യാ​ന​ക്ക് അ​മ്മ​യാ​ന ര​ക്ഷ​ക​യാ​യി. പാ​ല​പ്പി​ള്ളി കു​ണ്ടാ​യി ച​ക്കി​പ്പ​റ​മ്പ് കോ​ള​നി റോ​ഡി​ൽ തോ​ട്ടം തൊ​ഴി​ലാ​ളി​ക​ൾ താ​മ​സി​ക്കു​ന്ന പാ​ഡി​ക​ൾ​ക്ക് തൊ​ട്ട​ടു​ത്ത ചെ​റി​യ കാ​ന​യി​ലാ​ണ് ആ​ന​ക്കു​ട്ടി വീ​ണ​ത്. തി​ങ്ക​ളാ​ഴ്ച പു​ല​ർ​ച്ച നാ​ലി​നാ​യി​രു​ന്നു സം​ഭ​വം. റ​ബ​ർ തോ​ട്ട​ത്തി​ൽ ഇ​റ​ങ്ങി​യ ആ​ന​ക്കൂ​ട്ട​ത്തി​ലെ ദി​വ​സ​ങ്ങ​ൾ മാ​ത്രം പ്രാ​യ​മു​ള്ള കു​ട്ടി​യാ​ന​യാ​ണ് അ​മ്മ​യോ​ടൊ​പ്പം ന​ട​ക്കു​ന്ന​തി​നി​ടെ കാ​ന​യി​ൽ അ​ക​പ്പെ​ട്ട​ത്. ആ​ന​ക്കൂ​ട്ട​ത്തി​ന്‍റെ ചി​ന്നം വി​ളി കേ​ട്ടാ​ണ് സ​മീ​പ​ത്തെ തോ​ട്ടം തൊ​ഴി​ലാ​ളി​ക​ൾ സം​ഭ​വം അ​റി​ഞ്ഞ​ത്. തൊ​ഴി​ലാ​ളി​ക​ൾ എ​ത്തി​യ​പ്പോ​ൾ തോ​ട്ട​ത്തി​ന്‍റെ പ​ല ഭാ​ഗ​ങ്ങ​ളി​ലാ​യി ആ​ന​ക​ൾ നി​ല​യു​റ​പ്പി​ച്ചി​രി​ക്കു​ക​യാ​യി​രു​ന്നു. കു​ട്ടി​യാ​ന​യും കാ​ന​ക്ക് കു​റു​കെ മ​റ്റൊ​രു ആ​ന​യും നി​ൽ​ക്കു​ന്ന​ത് ക​ണ്ട​തോ​ടെ നാ​ട്ടു​കാ​ർ ക​രു​തി ആ​ന പ്ര​സ​വി​ക്കു​ക​യാ​ണെ​ന്ന്. ഉ​ട​ൻ വ​ന​പാ​ല​ക​രെ​യും തോ​ട്ടം മാ​നേ​ജ്മെ​ന്‍റ് ഉ​ദ്യോ​ഗ​സ്ഥ​രെ​യും അ​റി​യി​ക്കു​ക​യാ​യി​രു​ന്നു.

പാ​ല​പ്പി​ള്ളി റേ​ഞ്ച് ഓ​ഫി​സ​ർ പ്രേം ​ഷ​മീ​റി​ന്‍റെ നേ​തൃ​ത്വ​ത്തി​ലു​ള്ള സം​ഘം സ്ഥ​ല​ത്തെ​ത്തി നാ​ട്ടു​കാ​രെ അ​വി​ടെ നി​ന്ന് മാ​റ്റി​യ ശേ​ഷം ന​ട​ത്തി​യ പ​രി​ശോ​ധ​ന​യി​ലാ​ണ് കാ​ന​യി​ൽ വീ​ണ ആ​ന​ക്കു​ട്ടി​യെ ര​ക്ഷ​പ്പെ​ടു​ത്താ​നു​ള്ള അ​മ്മ​യാ​ന​യു​ടെ ശ്ര​മ​മാ​ണെ​ന്ന് മ​ന​സ്സി​ലാ​യ​ത്. തു​ട​ർ​ന്ന് അ​തു​വ​ഴി വ​ന്ന യാ​ത്ര​ക്കാ​രെ വ​ന​പാ​ല​ക​ർ ത​ട​ഞ്ഞു​നി​ർ​ത്തി. വീ​ണു​കി​ട​ന്ന ആ​ന​ക്കു​ട്ടി​യെ ര​ക്ഷ​പ്പെ​ടു​ത്താ​നു​ള്ള അ​മ്മ​യാ​ന​യു​ടെ ത​ത്ര​പാ​ടു​ക​ളാ​യി​രു​ന്നു പി​ന്നീ​ടു​ള്ള മ​ണി​ക്കൂ​റു​ക​ൾ. കാ​ന​ക്ക് ചു​റ്റി​ലും ഓ​ടി​ന​ട​ന്ന ആ​ന, കു​ട്ടി​യാ​ന​ക്ക​രി​കി​ൽ കി​ട​ന്നും ഇ​രു​ന്നും തു​മ്പി​കൊ​ണ്ട് വ​ലി​ച്ചും ഉ​ന്തി​യും ശ്ര​മി​ച്ചി​ട്ടും ഫ​ല​മു​ണ്ടാ​യി​ല്ല. നേ​രം വെ​ളു​ത്തു​തു​ട​ങ്ങി​യി​ട്ടും കു​ട്ടി​യാ​ന കാ​ന​യി​ൽ​നി​ന്ന് ക​യ​റാ​താ​യ​തോ​ടെ വ​ന​പാ​ല​ക​ർ ജെ.​സി.​ബി എ​ത്തി​ക്കാ​നു​ള്ള ശ്ര​മം തു​ട​ങ്ങി. ഇ​തി​നി​ടെ തോ​ട്ട​ത്തി​ൽ കി​ട​ന്നി​രു​ന്ന റ​ബ​ർ ത​ടി​ക്ക​ഷ​ണ​ങ്ങ​ൾ കൊ​ണ്ടു​വ​ന്ന് അ​മ്മ​യാ​ന കാ​ന​ക്ക് കു​റു​കെ ഇ​ട്ട​തോ​ടെ കു​ട്ടി​യാ​ന​ക്ക് ക​യ​റാ​ൻ സാ​ധി​ച്ചു. മ​ണി​ക്കൂ​റു​ക​ൾ നീ​ണ്ട അ​മ്മ​യാ​ന​യു​ടെ പ​രി​ശ്ര​മം വി​ജ​യി​ച്ച​തോ​ടെ കു​ട്ടി​യാ​ന ആ​ന​ക്കൂ​ട്ട​ത്തോ​ടൊ​പ്പം കാ​ട്ടി​ലേ​ക്ക് മ​ട​ങ്ങി.