ആ​ധു​നി​ക ശ്മശാനം നാ​ളെ നാ​ടി​ന് സ​മ​ര്‍പ്പി​ക്കും

കോ​ടാ​ലി: മ​റ്റ​ത്തൂ​ര്‍ പ​ഞ്ചാ​യ​ത്തി​ലെ ജ​ന​ങ്ങ​ളു​ടെ വ​ര്‍ഷ​ങ്ങ​ള്‍ നീ​ണ്ട കാ​ത്തി​രി​പ്പി​നൊ​ടു​വി​ല്‍ ആ​ധു​നി​ക സൗ​ക​ര്യ​ങ്ങ​ളോ​ടെ​യു​ള്ള വാ​ത​ക ക്രി​മ​റ്റോ​റി​യം യാ​ഥാ​ർ​ഥ്യ​മാ​യി. നി​ര്‍മാ​ണം പൂ​ര്‍ത്തീ​ക​രി​ച്ച ക്രി​മി​റ്റോ​റി​യം വ്യാ​ഴാ​ഴ്ച മ​ന്ത്രി എം‌.​ബി. രാ​ജേ​ഷ് നാ​ടി​നു സ​മ​ര്‍പ്പി​ക്കും. മ​റ്റ​ത്തൂ​ര്‍ പ​ഞ്ചാ​യ​ത്തി​ലെ 13ാം വാ​ര്‍ഡി​ലു​ള്ള മാ​ങ്കു​റ്റി​പ്പാ​ട​ത്തെ കു​ന്നി​ന്‍പ്ര​ദേ​ശ​ത്താ​ണ് ആ​ധു​നി​ക രീ​തി​യി​ലു​ള്ള വാ​ത​ക ശ്മ​ശാ​നം പ​ണി​ക​ഴി​പ്പി​ച്ചി​ട്ടു​ള്ള​ത്.

2020 ആ​ഗ​സ്റ്റ് ഒ​മ്പ​തി​ന് ക്രി​മി​റ്റോ​റി​യ​ത്തി​ന്റെ ശി​ലാ​സ്ഥാ​പ​നം ന​ട​ന്നെ​ങ്കി​ലും വി​വി​ധ കാ​ര​ണ​ങ്ങ​ളാ​ല്‍ നി​ര്‍മാ​ണം നീ​ണ്ടു പോ​കു​ക​യാ​യി​രു​ന്നു. മൂ​ന്നു​വ​ര്‍ഷ​ത്തി​നു​ശേ​ഷ​മാ​ണ് തു​ട​ര്‍പ​ണി​ക​ള്‍ ഉ​ണ്ടാ​യ​ത്. ജി​ല്ല പ​ഞ്ചാ​യ​ത്ത്, മ​റ്റ​ത്തൂ​ര്‍ ഗ്രാ​മ​പ​ഞ്ചാ​യ​ത്ത്, ശു​ചി​ത്വ മി​ഷ​ന്‍ എ​ന്നി​വ​യി​ല്‍നി​ന്ന് പ​ല​ഘ​ട്ട​ങ്ങ​ളാ​യി അ​നു​വ​ദി​ച്ചു​കി​ട്ടി​യ 90 ല​ക്ഷം രൂ​പ​യോ​ളം ചെ​ല​വ​ഴി​ച്ചാ​ണ് ക്രി​മി​റ്റോ​റി​യ​ത്തി​ന്റെ നി​ര്‍മാ​ണം പൂ​ര്‍ത്തീ​ക​രി​ച്ച​ത്. വാ​യു​മ​ലി​നീ​ക​ര​ണം കു​റ​ച്ചു​കൊ​ണ്ടു​ള്ള രീ​തി​യി​ല്‍ നി​ര്‍മി​ച്ച് ക്രി​മി​റ്റോ​റി​യ​ത്തി​ല്‍ ഗ്യാ​സ് ചേം​ബ​ര്‍, ഫ​ര്‍ണ​സ് പോ​ലു​ള്ള​വ സം​വി​ധാ​ന​ങ്ങ​ള്‍ ഏ​ര്‍പ്പെ​ടു​ത്തി​യി​ട്ടു​ണ്ട്.