എട്ടു വർഷം; മാള അരവിന്ദന് സ്മാരകമായില്ല

മാ​ള: എ​ട്ടാം ച​ര​മ വാ​ർ​ഷി​ക​ത്തി​ലും ന​ട​ൻ മാ​ള അ​ര​വി​ന്ദ​ന് സ്മാ​ര​ക​മാ​യി​ല്ല. സ്മാ​ര​കം നി​ർ​മി​ക്കാ​ൻ ന​ട​പ​ടി സ്വീ​ക​രി​ക്ക​ണ​മെ​ന്നാ​വ​ശ്യ​പ്പെ​ട്ട് മാ​ള അ​ര​വി​ന്ദ​ൻ ഫൗ​ണ്ടേ​ഷ​ൻ സെ​ക്ര​ട്ട​റി ഷാ​ന്റി ജോ​സ​ഫ് ത​ട്ട​ക​ത്ത് മു​ഖ്യ​മ​ന്ത്രി​ക്ക് നി​വേ​ദ​നം ന​ൽ​കി.

പ​ഞ്ചാ​യ​ത്ത് ഭ​ര​ണ​സ​മി​തി​ക്ക്​ ന​ട​പ്പാ​ക്കാ​വു​ന്ന, മാ​ള പ​ഞ്ചാ​യ​ത്ത് ബ​സ് സ്റ്റാ​ൻ​ഡി​നോ അ​ദ്ദേ​ഹ​ത്തി​ന്റെ വീ​ട്ടി​ലേ​ക്ക് പോ​കു​ന്ന വ​ട​മ കി​ണ​ർ റോ​ഡി​നോ പേ​ര് ന​ൽ​ക​ണ​മെ​ന്ന ആ​വ​ശ്യം പോ​ലും പ​രി​ഗ​ണി​ച്ചി​ല്ലെ​ന്ന്​ ഫൗ​ണ്ടേ​ഷ​ൻ കു​റ്റ​പ്പെ​ടു​ത്തി. ക​ഴി​ഞ്ഞ സ​ർ​ക്കാ​റി​ന്‍റെ കാ​ല​ത്തും സാം​സ്കാ​രി​ക മ​ന്ത്രി​ക്ക് നി​വേ​ദ​നം ന​ൽ​കി​യി​രു​ന്നു. ബ​ജ​റ്റി​ൽ ടോ​ക്ക​ൺ വെ​ച്ച​ത​ല്ലാ​തെ ന​ട​പ​ടി ഉ​ണ്ടാ​യി​ല്ല.

വ​ലി​യ​പ​റ​മ്പി​ൽ സ്മാ​ര​കം നി​ർ​മി​ക്കാ​നു​ള്ള നി​ർ​ദേ​ശ​ത്തി​ന്​ തു​ട​ർ ന​ട​പ​ടി ഉ​ണ്ടാ​കു​ന്നി​ല്ല. മു​സി​രി​സ് പൈ​തൃ​ക പ​ദ്ധ​തി​യി​ൽ ഉ​ൾ​പ്പെ​ടു​ത്തി മാ​ള​ക്ക​ട​വി​ൽ ഉ​ചി​ത​മാ​യ സ്മാ​ര​കം നി​ർ​മി​ക്ക​ണ​മെ​ന്ന നി​ർ​ദേ​ശ​വും ചെ​വി​ക്കൊ​ണ്ടി​ല്ല. 2018ൽ ​അ​ദ്ദേ​ഹ​ത്തി​ന്‍റെ പേ​രി​ൽ നാ​ട​കോ​ത്സ​വം സം​ഘ​ടി​പ്പി​ച്ച​ത് മാ​ത്ര​മാ​ണ് പ​ഞ്ചാ​യ​ത്ത് ചെ​യ്ത​ത്.

പി​ന്നീ​ട്​ അ​ത്ത​രം പ​രി​പാ​ടി​ക​ൾ​ക്ക്​ പ​ണം വ​ക​യി​രു​ത്തി​യി​ല്ല. സ്മാ​ര​ക​ത്തി​ന്​ സ്ഥ​ലം ക​ണ്ടെ​ത്താ​ൻ ക​ഴി​യാ​ത്ത​താ​ണ് ത​ട​സ്സ​മാ​യി അ​ധി​കൃ​ത​ർ പ​റ​യു​ന്ന​ത്. എ​ന്നാ​ൽ, താ​ൽ​പ​ര്യം കാ​ണി​ക്കാ​ത്ത​താ​ണ് പ്ര​ശ്ന​മെ​ന്ന്​ ഫൗ​ണ്ടേ​ഷ​ൻ ആ​രോ​പി​ച്ചു.