മ​തി​ല​കം ഗ്രാ​മ​പ​ഞ്ചാ​യ​ത്തി​ൽ നാ​ടോ​ടി കു​ടും​ബ​ങ്ങ​ളെ പു​ന​ര​ധി​വ​സി​പ്പി​ക്കാ​ൻ ശ്ര​മം തു​ട​ങ്ങി

മ​തി​ല​കം: മ​തി​ല​കം ഗ്രാ​മ​പ​ഞ്ചാ​യ​ത്തി​ൽ താ​മ​സി​ക്കു​ന്ന നാ​ടോ​ടി കു​ടും​ബ​ങ്ങ​ളെ പു​ന​ര​ധി​വ​സി​പ്പി​ക്കാ​ൻ ശ്ര​മം തു​ട​ങ്ങി. സു​ര​ക്ഷി​ത​മാ​യ താ​മ​സ സൗ​ക​ര്യ​മോ ആ​വ​ശ്യ​മാ​യ രേ​ഖ​ക​ളോ ഇ​ല്ലാ​തെ പ്ലാ​സ്റ്റി​ക് ഷീ​റ്റ് കെ​ട്ടി​യ കൂ​ര​ക​ളി​ൽ വെ​റും മ​ണ്ണി​ൽ ക​ഴി​യു​ന്ന നാ​ല് കു​ടും​ബ​ങ്ങ​ളാ​ണ് മ​തി​ല​ക​ത്തെ കൂ​ളി​മു​ട്ടം പൊ​ക്ലാ​യി​യി​ലു​ള്ള​ത്. ജ​ന​പ്ര​തി​നി​ധി​ക​ളു​ടെ ഇ​ട​പെ​ട​ലി​നെ തു​ട​ർ​ന്ന് ചി​ല കു​ടും​ബ​ങ്ങ​ൾ​ക്ക് റേ​ഷ​ൻ കാ​ർ​ഡ്, ആ​ധാ​ർ കാ​ർ​ഡ് തു​ട​ങ്ങി​യ​വ ല​ഭ്യ​മാ​ക്കി​യി​രു​ന്നു. ഒ​പ്പം ഇ​വ​രെ അ​തി​ദ​രി​ദ്ര​രു​ടെ പ​ട്ടി​ക​യി​ൽ ഉ​ൾ​പ്പെ​ടു​ത്തു​ക​യും ചെ​യ്തു. വാ​ട​ക വീ​ടെ​ടു​ത്ത് മാ​റ്റി​യെ​ങ്കി​ലും ഇ​വ​ർ അ​വി​ടം വി​ട്ട് പോ​രു​ക​യാ​യി​രു​ന്നു.

എ​ന്നാ​ൽ, ജാ​തി സ​ർ​ട്ടി​ഫി​ക്ക​റ്റ് ല​ഭി​ക്കാ​ത്ത​തി​നാ​ൽ ഇ​വ​ർ​ക്ക് ഭൂ​മി​യോ വീ​ടോ സ്വ​ന്ത​മാ​യി ന​ൽ​കാ​ൻ സാ​ധ്യ​മ​ല്ലാ​ത്ത അ​വ​സ്ഥ​യാ​ണു​ള്ള​ത്. ഈ ​സാ​ഹ​ച​ര്യ​ത്തി​ലാ​ണ് നാ​ടോ​ടി കു​ടും​ബ​ങ്ങ​ളെ പു​ന​ര​ധി​വ​സി​പ്പി​ക്കാ​ൻ ജ​ന​പ്ര​തി​നി​ധി​ക​ൾ മു​ന്നി​ട്ടി​റ​ങ്ങി​യ​ത്. മ​തി​ല​കം ഗ്രാ​മ​പ​ഞ്ചാ​യ​ത്ത് ഓ​ഫി​സ് ഹാ​ളി​ൽ ഇ.​ടി. ടൈ​സ​ൺ എം.​എ​ൽ.​എ​യു​ടെ അ​ധ്യ​ക്ഷ​ത​യി​ൽ ചേ​ർ​ന്ന ആ​ലോ​ച​ന യോ​ഗം പു​ന​ര​ധി​വാ​സ പ്ര​വ​ർ​ത്ത​ന​ങ്ങ​ളു​ടെ രൂ​പ​രേ​ഖ ത​യാ​റാ​ക്കി.

ആ​മ​ക​ളെ കൈ​വ​ശം വെ​ച്ച​തി​ന്‍റെ പേ​രി​ൽ ജ​യി​ലി​ൽ ക​ഴി​യു​ന്ന നാ​ടോ​ടി കു​ടും​ബ​ത്തി​ലെ അം​ഗ​മാ​യ സു​രേ​ഷി​ന് നി​യ​മ​സ​ഹാ​യം ല​ഭ്യ​മാ​ക്കാ​ൻ യോ​ഗം തീ​രു​മാ​നി​ച്ചു. ജാ​തി സ​ർ​ട്ടി​ഫി​ക്ക​റ്റ് ഉ​ൾ​പ്പ​ടെ​യു​ള്ള രേ​ഖ​ക​ൾ ല​ഭ്യ​മാ​ക്കാ​ൻ ന​ട​പ​ടി സ്വീ​ക​രി​ക്കാ​നും ഈ ​കു​ടും​ബ​ങ്ങ​ൾ​ക്ക് താ​ൽ​ക്കാ​ലി​ക താ​മ​സ സൗ​ക​ര്യ​വു​മൊ​രു​ക്കാ​നും യോ​ഗ​ത്തി​ൽ തീ​രു​മാ​ന​മാ​യി. പു​ന​ര​ധി​വാ​സ പ്ര​വ​ർ​ത്ത​ന​ങ്ങ​ൾ ഏ​കോ​പി​പ്പി​ക്കാ​ൻ ഗ്രാ​മ​പ​ഞ്ചാ​യ​ത്ത് അം​ഗം ഇ.​കെ. ബി​ജു ചെ​യ​ർ​മാ​നും ജ​സ്ന ഷെ​മീ​ർ ക​ൺ​വീ​ന​റു​മാ​യി ക​മ്മി​റ്റി രൂ​പ​വ​ത്ക​രി​ച്ചു. യോ​ഗ​ത്തി​ന് ശേ​ഷം ജ​ന​പ്ര​തി​നി​ധി​ക​ളും ഉ​ദ്യോ​ഗ​സ്ഥ​രും നാ​ടോ​ടി​ക​ളു​ടെ വാ​സ​സ്ഥ​ലം സ​ന്ദ​ർ​ശി​ച്ചു.