മൂ​കാ​ഭി​ന​യ​ത്തി​ല്‍ ഹാ​ട്രി​ക് നേ​ട്ട​വു​മാ​യി മ​ണ്ണു​ത്തി ഡോ​ണ്‍ ബോ​സ്‌​കോ

ഏ​റെ അ​പ​ക​ട​സാ​ധ്യ​ത​യു​ള്ള വേ​ദി​യി​ലാ​യി​രു​ന്നു ഹ​യ​ര്‍ സെ​ക്ക​ന്‍ഡ​റി വി​ഭാ​ഗം മൂ​കാ​ഭി​ന​യം അ​ര​ങ്ങേ​റി​യ​ത്. ടൗ​ണ്‍ ഹാ​ളി​ല്‍ മാ​റ്റു വി​രി​ക്കാ​തെ ത​യാ​റാ​ക്കി​യ വേ​ദി​യി​ല്‍ ടീം ​അം​ഗ​ത്തി​ന് പ​രി​ക്കേ​ല്‍ക്കു​ക വ​രെ ചെ​യ്ത മ​ത്സ​ര​ത്തി​ല്‍ ക​ണ്ട​ത് ആ​വേ​ശ പോ​രാ​ട്ട​മാ​യി​രു​ന്നു.

മ​ത്സ​രം പു​രോ​ഗ​മി​ക്കു​ന്ന​തി​നി​ടെ വീ​ണ് കാ​ല്‍മു​ട്ടി​നാ​ണ് മ​ത്സ​രാ​ര്‍ഥി​ക്ക് പ​രി​ക്കേ​റ്റ​ത്. 12 ടീ​മു​ക​ള്‍ മാ​റ്റു​ര​ച്ച മ​ത്സ​ര​ത്തി​ൽ മ​ണ്ണു​ത്തി ഡോ​ണ്‍ ബോ​സ്‌​കോ സ്‌​കൂ​ള്‍ എ ​ഗ്രേ​ഡോ​ടെ സം​സ്ഥാ​ന​ത​ല​ത്തി​ലേ​ക്ക് തു​ട​ര്‍ച്ച​യാ​യ മൂ​ന്നാം​ത​വ​ണ​യും യോ​ഗ്യ​ത നേ​ടി. ഒ​മ്പ​താം ത​വ​ണ​യാ​ണ് ഡോ​ണ്‍ ബോ​സ്‌​കോ സ്‌​കൂ​ള്‍ മൂ​കാ​ഭി​ന​യ​ത്തി​ല്‍ സം​സ്ഥാ​ന ത​ല​ത്തി​ല്‍ മ​ത്സ​രി​ക്കാ​ന്‍ പോ​കു​ന്ന​ത്.

കൊ​ല്‍ക്ക​ത്ത​യി​ലെ മെ​ഡി​ക്ക​ല്‍ കോ​ള​ജി​ല്‍ ന​ട​ന്ന ബ​ലാ​ത്സം​ഗ​വും ച​മ്പ​ല്‍ക്കാ​ടു​ക​ളി​ലെ കൊ​ള്ള​ക്കാ​രി​യും പി​ന്നീ​ട് ഇ​ന്ത്യ​ന്‍ പാ​ര്‍ല​മെ​ന്റ് അം​ഗ​വു​മാ​യി മാ​റി​യ ഫൂ​ല​ന്‍ദേ​വി​യു​ടെ ജീ​വി​ത​വും ആ​സ്പ​ദ​മാ​ക്കി സ്ത്രീ ​സു​ര​ക്ഷ​യാ​യി​രു​ന്നു ഡോ​ണ്‍ ബോ​സ്‌​കോ സ്‌​കൂ​ളി​ന്റെ മൂ​കാ​ഭി​ന​യ പ്ര​മേ​യം. അ​ധ്യാ​പ​ക​ൻ അ​നീ​ഷാ​ണ് പ​രി​ശീ​ല​ക​ന്‍. പ്ല​സ് വ​ണ്‍, പ്ല​സ് ടു ​വി​ദ്യാ​ര്‍ഥി​ക​ളാ​യ ഏ​ഴു​പേ​രാ​യി​രു​ന്നു ടീം ​അം​ഗ​ങ്ങ​ള്‍.

കോ​വി​ഡി​ന് ശേ​ഷം തു​ട​ര്‍ച്ച​യാ​യ മൂ​ന്നാം​വ​ര്‍ഷം ജി​ല്ല​യെ പ്ര​തി​നി​ധീ​ക​രി​ച്ച് സം​സ്ഥാ​ന ത​ല​ത്തി​ലേ​ക്ക് പോ​കാ​ന്‍ സാ​ധി​ച്ച​തി​ല്‍ ഏ​റെ സ​ന്തോ​ഷ​മു​ണ്ടെ​ന്ന് അ​ധ്യാ​പി​ക സു​മി​നി പ​റ​ഞ്ഞു.

മി​ക​ച്ച പ​രി​ശ്ര​മ​മാ​യി​രു​ന്നു മ​ത്സ​രാ​ര്‍ഥി​ക​ളു​ടെ ഭാ​ഗ​ത്തു​നി​ന്ന് ഉ​ണ്ടാ​യ​തെ​ന്ന് വി​ധി​ക​ര്‍ത്താ​ക്ക​ൾ പ​റ​ഞ്ഞു. ആ​കെ ആ​റു​ ടീ​മു​ക​ള്‍ എ ​ഗ്രേ​ഡ് നേ​ടി.

അ​പ്പീ​ൽ വ​ഴി അ​ര​ങ്ങ് ത​ക​ർ​ത്ത് ഒ​ന്നാ​മ​താ​യി അ​സി​ൻ

പ​രാ​ജ​യ​ത്തെ മ​റി​ക​ട​ന്ന് അ​പ്പീ​ൽ മു​ഖേ​ന വേ​ദി​യി​ലെ​ത്തി നൃ​ത്ത​മാ​ടി നേ​ടി​യ വി​ജ​യ​ത്തി​ന് ഇ​ര​ട്ടി​മ​ധു​രം. ഹ​യ​ർ​സെ​ക്ക​ൻ​ഡ​റി വി​ഭാ​ഗം പെ​ൺ​കു​ട്ടി​ക​ളു​ടെ നാ​ടോ​ടി നൃ​ത്ത​ത്തി​ലാ​ണ് വി​ല്ല​ടം ജി.​എ​ച്ച്.​എ​സ് സ്‌​കൂ​ൾ പ്ല​സ്ടു വി​ദ്യാ​ർ​ഥി​നി പി.​എ​സ്. അ​സി​ൻ ഒ​ന്നാ​മ​താ​യ​ത്.

വ​ട​ക്ക​ൻ​പാ​ട്ടി​ലെ വീ​ര​വ​നി​ത​യാ​യ പൂ​മാ​തൈ പൊ​ന്ന​മ്മ​യു​ടെ ക​ഥ അ​വ​ത​രി​പ്പി​ച്ചാ​യി​രു​ന്നു ഒ​ന്നാം​സ്ഥാ​ന നേട്ടം.

ഉ​പ​ജി​ല്ല​യി​ൽ ന​ൽ​കി​യ അ​പ്പീ​ലി​ലൂ​ടെ ജി​ല്ല​ത​ല​ത്തി​ൽ മ​ത്സ​രി​ക്കാ​നെ​ത്തി​യാ​ണ് മി​ന്നും​പ്ര​ക​ട​നം കാ​ഴ്ച​വ​ച്ച​ത്. പൂ​മാ​തൈ​യു​ടെ ക​ഥ റീ ​കം​പോ​സ് ചെ​യ്താ​ണ് വേ​ദി​യി​ലെ​ത്തി​ച്ച​ത്.

ഭ​ര​ത​നാ​ട്യം, കു​ച്ചു​പ്പു​ടി എ​ന്നി​വ​യി​ൽ നാ​ലു​വ​യ​സ്സു മു​ത​ൽ തന്നെ അ​സി​ൻ പ​രി​ശീ​ല​നം തു​ട​ങ്ങിയിട്ടുണ്ട്. പ​ത്താം​ക്ലാ​സി​ൽ പ​ഠി​ക്കു​മ്പോ​ൾ സം​സ്ഥാ​ന​ത​ല​ത്തി​ൽ കു​ച്ചു​പ്പു​ടി​യി​ൽ എ ​ഗ്രേ​ഡ് നേ​ടി.

നാ​ടോ​ടിനൃ​ത്ത​ത്തി​ന് പു​റ​മേ ഇ​ക്കു​റി ഭ​ര​ത​നാ​ട്യം, കു​ച്ചു​പ്പു​ടി എ​ന്നി​വ​യി​ലും മാ​റ്റു​ര​ക്കു​ന്നു​ണ്ട്. ഡോ. ​സ​ജേ​ഷ് എ​സ്. നാ​യ​ർ, ക​ലാ​ക്ഷേ​ത്ര അ​മ​ൽ​നാ​ഥ് എ​ന്നി​വ​രാ​ണ് ഗു​രു​ക്ക​ൻ​മാ​ർ.

തൃ​ശൂ​ർ ജൂ​ബി​ലി മി​ഷ​ൻ ആ​ശു​പ​ത്രി ന​ഴ്‌​സ് മ​ണ​ലി​ത്ത​റ പൂ​വ​ത്തി​ങ്ക​ൽ ജ​സീ​ത​യാ​ണ് മാ​താ​വ്.

നാ​ടോ​ടി നൃ​ത്ത​ത്തി​ൽ അ​പ്പീ​ല​ട​ക്കം 13 പേ​ർ മ​ത്സ​ര രം​ഗ​ത്തു​ണ്ടാ​യിരുന്നു. വ​യ​നാ​ട് ദു​ര​ന്തം, കു​റ​ത്തി, മ​യി​ലാ​ട്ടം, മ​ക​ര​ക്കൊ​യ്ത്ത്, കോ​ഴ​ിപ്പോ​ര്, ക​ല്ലു​കൊ​ത്ത് എ​ന്നി​വ​യെ​ല്ലാം വി​ഷ​യ​ങ്ങ​ളാ​യി.